လံာ်တၢ်ဂံၢ် 11:8 - Sgaw Karen Common Bible

⁸ ကိၣ်အံၤလီၤတဲာ်ဝဲဃုာ်ဒီးပစီၤထံလၢသူၣ်ဒဲလီၢ်ဖီခိၣ်ဖဲ မုၢ်နၤအကတီၢ်န့ၣ်လီၤ.

လံာ်တၢ်ဂံၢ် 11:8 Iomraidhean Croise

လံာ်တၢ်ကဲထီၣ်အခီၣ်ထံး 25:29

ဒီးမုၢ်တနံၤဖဲစီၤယၤကိာ်ဖီဝဲသဘ့ကသူထံန့ၣ်စီၤဧ့ၡီၤ ဟဲက့ၤလၢအလူၤခးတၢ်န့ၣ်လီၤ. ဒီးတၢ်သၣ်ဝံၤအသးလီၤ.

လံာ်တၢ်ဟးထီၣ်ကွံာ် 16:23

ဒီးအဝဲဒၣ်စံးဘၣ်အဝဲသ့ၣ်, “ယွၤမၤလိာ်တ့ၢ်ဝဲလၢခဲမုၢ် ဆ့ၣ်တနံၤန့ၣ်မ့ၢ်မုၢ်အိၣ်ဘှံးအနံၤစီဆှံလၢတၢ်ကဘၣ်ပာ်စီ ဆှံအီၤလၢယွၤအဂီၢ်န့ၣ်လီၤ. တၢ်လၢသုအဲၣ်ဒိးဘၢအီၤန့ၣ်ဘၢအီၤဒီးတၢ်လၢသုအဲၣ်ဒိးချီ အီၤန့ၣ်ချီအီၤတနံၤအံၤတက့ၢ်. တၢ်တမံၤလၢ်လၢ်လၢအအိၣ်လီၤတဲာ်န့ၣ်တၢ်ကဘၣ်ပာ်ကပၤအီၤဒီးပာ် ဃးအီၤလၢခဲမုၢ်ဆ့ၣ်အဂီၢ်လီၤ.”

လံာ်တၢ်ဟးထီၣ်ကွံာ် 16:31

ပှၤအံၣ်စရ့လးဖိတဖၣ်ကိးဝဲတၢ်အီၣ်န့ၣ်လၢမၤနၤလီၤ. တၢ်န့ၣ်မၤသးဒ်တၢ်အချံဝါဝါဆံးဆံးဖိဒီးဝံၣ်ဝဲဒ်ကိၣ်ဘ့ၣ် ဘၣ်ဘူတလါဖိတဖၣ်လၢအဘၣ်တၢ်မၤအီၤဃုာ်ဒီးကနဲစီန့ၣ်လီၤ.

လံာ်တၢ်ဂံၢ် 11:7

(ကိၣ်မၤနၤန့ၣ်လီၤဂာ်ဒ်တၢ်ချံဆံးဆံးဖိ, အိၣ်ဒီးအလွဲၢ်ဝါဘီန့ၣ်လီၤ.

လံာ်တၢ်ဂံၢ် 11:9

မုၢ်ဆ့ၣ်ထီၣ်တနံၤန့ၣ်ပှၤဂီၢ်မုၢ်ကဟးထီၣ်ထၢဖှိၣ်အီၤ, ဂံာ်ကမူၣ်အီၤမ့တမ့ၢ်တိၢ်ကမူၣ်အီၤဒ်ကိၣ်ကမူၣ်အသိး, ဒီးချီအီၤဒီးဒုးကဲထီၣ်အီၤလၢကိၣ်ဘ့ၣ်ဘၣ်တဖၣ်န့ၣ်လီၤ. နအီၣ်အီၤဒီးမၤသးဒ်ကိၣ်ဘ့ၣ်ဘၣ်လၢတၢ်ဘၢမံအီၤဒီးသ့ၣ်စၤ ယံးအသိအသိးလီၤ.)

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

လံာ်ယိၤဟၣ် 6:31

ပမိၢ်ပၢ်ဖံဖုလၢပျၢၤတဖၣ်အီၣ်ကိၣ်မၤနၤလၢပှၢ်မုၢ်ကနၢ, ဒ်တၢ်ကွဲးအသးစံးဝဲအသိး, ‘အဝဲဟ့ၣ်အီၣ်ပှၤသ့ၣ်တဖၣ် န့ၣ်လၢကိၣ်ဟဲလီၤလၢမူခိၣ်န့ၣ်လီၤ’ ” (စံး. ၇၈:၂၄).