လံာ်တၢ်ဂံၢ် 11:7 - Sgaw Karen Common Bible

⁷ (ကိၣ်မၤနၤန့ၣ်လီၤဂာ်ဒ်တၢ်ချံဆံးဆံးဖိ, အိၣ်ဒီးအလွဲၢ်ဝါဘီန့ၣ်လီၤ.

လံာ်တၢ်ဂံၢ် 11:7 Iomraidhean Croise

လံာ်တၢ်ကဲထီၣ်အခီၣ်ထံး 2:12

(ထူအစီဘၣ်တၢ်ထံၣ်န့ၢ်အီၤဖဲန့ၣ်, ဒီးသိနၢမူလၢအကၤဒီးလၢၢ်လုၢ်ဒိၣ်ပှ့ၤဒိၣ်တဖၣ်ဘၣ်တၢ်ထံၣ်န့ၢ်အီၤဖဲန့ၣ်စ့ၢ်ကီးန့ၣ်လီၤ.)

လံာ်တၢ်ဟးထီၣ်ကွံာ် 16:23

ဒီးအဝဲဒၣ်စံးဘၣ်အဝဲသ့ၣ်, “ယွၤမၤလိာ်တ့ၢ်ဝဲလၢခဲမုၢ် ဆ့ၣ်တနံၤန့ၣ်မ့ၢ်မုၢ်အိၣ်ဘှံးအနံၤစီဆှံလၢတၢ်ကဘၣ်ပာ်စီ ဆှံအီၤလၢယွၤအဂီၢ်န့ၣ်လီၤ. တၢ်လၢသုအဲၣ်ဒိးဘၢအီၤန့ၣ်ဘၢအီၤဒီးတၢ်လၢသုအဲၣ်ဒိးချီ အီၤန့ၣ်ချီအီၤတနံၤအံၤတက့ၢ်. တၢ်တမံၤလၢ်လၢ်လၢအအိၣ်လီၤတဲာ်န့ၣ်တၢ်ကဘၣ်ပာ်ကပၤအီၤဒီးပာ် ဃးအီၤလၢခဲမုၢ်ဆ့ၣ်အဂီၢ်လီၤ.”

လံာ်တၢ်ဟးထီၣ်ကွံာ် 16:31

ပှၤအံၣ်စရ့လးဖိတဖၣ်ကိးဝဲတၢ်အီၣ်န့ၣ်လၢမၤနၤလီၤ. တၢ်န့ၣ်မၤသးဒ်တၢ်အချံဝါဝါဆံးဆံးဖိဒီးဝံၣ်ဝဲဒ်ကိၣ်ဘ့ၣ် ဘၣ်ဘူတလါဖိတဖၣ်လၢအဘၣ်တၢ်မၤအီၤဃုာ်ဒီးကနဲစီန့ၣ်လီၤ.

လံာ်တၢ်ဂံၢ် 11:8

ကိၣ်အံၤလီၤတဲာ်ဝဲဃုာ်ဒီးပစီၤထံလၢသူၣ်ဒဲလီၢ်ဖီခိၣ်ဖဲ မုၢ်နၤအကတီၢ်န့ၣ်လီၤ.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”