လံာ်တၢ်ဂံၢ် 11:29 - Sgaw Karen Common Bible

²⁹ စီၤမိၤၡ့စံးဆၢအီၤ, “မ့ၢ်နသးကါဘၣ်ဃးယတၢ်သူၣ်အိၣ်သး အိၣ်အဂ့ၢ်န့ၣ်ဧါ. ယဆၢမုၢ်လၢ်လၢယွၤကဟ့ၣ်အသးဆူအပှၤဂီၢ်မုၢ်ခဲလၢာ်ဒီးဒုးကိး ပသူထီၣ်အဝဲသ့ၣ်ဒ်ဝံဧိၤမီၣ်ဧိၤတဖၣ်အသိးန့ၣ်လီၤ.”

လံာ်တၢ်ဂံၢ် 11:29 Iomraidhean Croise

လံာ်ယိၤအ့လး 2:27

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယအိၣ်လၢသုကျါ, ဒီးယၤ, ယွၤ, မ့ၢ်သုကစၢ်ယွၤ ဒီးယွၤအဂၤတအိၣ်နီတဂၤဘၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်ယိၤအ့လး 3:1

ဒီးယွၤစံးဝဲဒၣ်, လၢအဆၢကတီၢ်ဖဲန့ၣ်, ယကဒုးအီၣ်ကုးအီပှဲၤက့ၤကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ.

လံာ်တၢ်ဂံၢ် 11:30

အန့ၣ်ဝံၤဒီး, စီၤမိၤၡ့ဒီးကီၢ်အံၣ်စရ့လးအပှၤခိၣ်ပှၤနၢ်နွံဆံ က့ၤကဒါက့ၤဆူအဟံၣ်န့ၣ်လီၤ.

လံာ်လူၤကၣ် 10:2

အဝဲဒၣ်စံးဘၣ်အဝဲသ့ၣ်, “ဘုလၢတၢ်ကဘၣ်ကူးအီၤအိၣ်ဝဲဒၣ်အါမးလီၤ. ဘၣ်ဆၣ်ဒီးပှၤမၤတၢ်ဖိလၢအကကူးဒီးထၢဖှိၣ်တၢ်န့ၣ်အိၣ်ဝဲစှၤဒိၣ်မးလီၤ. ဃ့ထုကဖၣ်လၢကူးဘုအကစၢ်လၢအကဆှၢလီၤပှၤမၤတၢ်ဖိတဖၣ်ဒ်သိး အကကူးဒီးထၢဖှိၣ်က့ၤအဝဲအဘုတဖၣ်အဂီၢ်န့ၣ်တက့ၢ်.

မၤတၢ် 26:29

စီၤပီလူးစံးဆၢဝဲ, “လၢအဆၢကတီၢ်ဖုၣ်ကိာ်ဖိအပူၤမ့ၢ်ဂ့ၤ, လၢဆၢကတီၢ်ဖးယံာ်အပူၤမ့ၢ်ဂ့ၤ, မ့တမ့ၢ်ဘၣ်လၢထးပျံၤအတၢ်စၢဃာ်အံၤဘၣ်ဒီးယတၢ်ထု ကဖၣ်ကစၢ်ယွၤမ့ၢ်ဒ်သိးနၤဒီးပှၤဂၤလၢအနၢ်ဟူယတၢ်စံး တၢ်ကတိၤလၢမုၢ်မဆါတနံၤအံၤခဲလၢာ်, ကကဲထီၣ်ဒ်ယၤ အသိးန့ၣ်လီၤ.”

1 ကရံၣ်သူး 13:4

တၢ်အဲၣ်တၢ်ကွံန့ၣ်, အသူၣ်စူၤသးစူၤဒီးအသူၣ်ဂ့ၤသးဝါ လီၤ. အဝဲဒၣ်အသးတက့ၣ်တၢ်မ့ၢ်ဂ့ၤ, ပာ်ဒိၣ်အသးမ့ၢ်ဂ့ၤ, ပာ်ထီၣ်ထီအသးမ့ၢ်ဂ့ၤန့ၣ်ဘၣ်.

1 ကရံၣ်သူး 14:5

ယအဲၣ်ဒိးလၢသုဝဲကိးဂၤဒဲးသုကကတိၤတၢ်လၢ ပျ့ၤလီၤဆီတဖၣ်လီၤ. ဘၣ်ဆၣ်ဒီးယအဲၣ်ဒိးယဲဒိၣ်ဒၣ်တၢ်တက့ၢ်လၢသုကအိၣ်ဒီးတၢ်ဟ့ၣ် ဘၣ်ဃးတၢ်ကတိၤတၢ်လၢဝံအကျိာ်န့ၣ်လီၤ. အဂ့ၢ်ဒ်အံၤ, ပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ် မ့တမ့ၢ်ပှၤအိၣ်ဝဲတဂၤလၢအတဲဖျါထီၣ်အဝဲအတၢ်ကတိၤတဖၣ် အခီပညီသ့ဝဲဒ်သိးအကကဲထီၣ်တၢ်မၤစၢၤလၢတၢ်အိၣ်ဖှိၣ်ဒီဖု အဂီၢ်ဘၣ်ဒီး, ပှၤကတိၤတၢ်လၢဝံအကျိာ်တဂၤအလုၢ် အပှ့ၤဒိၣ်န့ၢ်အီၤတက့ၢ်လီၤ.

1 ကရံၣ်သူး 3:21

လၢတၢ်န့ၣ်အဃိ, မတၤတဂၤမးတကြၢးကတိၤပာ်ကဖၢလၢ အသးဘၣ်ဃးဒီးတၢ်လၢပှၤကညီမၤဝဲသ့န့ၣ်ဘၣ်. အနီၢ်နီၢ်န့ၣ်, တၢ်ခဲလၢာ်ခဲဆ့မ့ၢ်ဒၣ်သုတၢ်

1 ကရံၣ်သူး 3:3

အဂ့ၢ်ဒ်အံၤ, သုအိၣ်မူဒံးသုဝဲဒ်ပှၤလၢအဘၣ်ဃးဒီးဟီၣ်ခိၣ်တဘ့ၣ် အံၤအိၣ်မူဝဲအသိးလီၤ. ဖဲတၢ်သူၣ်က့ၣ်သးကါအိၣ်လၢသုသိးသုကျါ, ဒီးသုအ့ၣ်လိာ်ဆိးက့လိာ်သုသးတဂၤဒီးတဂၤန့ၣ်, မ့ၢ်အမၤဖျါထီၣ်လၢသုဘၣ်ဃးဒီးဟီၣ်ခိၣ်တဘ့ၣ်အံၤ, ဒီးသုအိၣ်မူသုဝဲဒ်အနီၣ်ထိၣ်အိၣ်ဝဲအသိးတမ့ၢ်ဘၣ်ဧါ.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.

ယၤကိာ် 4:5

တဘၣ်ဆိကမိၣ်လၢတၢ်မ့ၢ်တၢ်တီတအိၣ်ဘၣ်လၢတၢ်ကွဲး အသးအပူၤလၢအစံးဝဲ, “သးလၢကစၢ်ယွၤဒၢနုာ်လီၤဆူပပူၤအံၤပှဲၤဝဲဒီးတၢ်သးကွံ တဖၣ်လၢအဂံၢ်ဆူၣ်ဝဲလီၤ” န့ၣ်တဂ့ၤ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

၁ ပ့းတရူး 2:1

လၢတၢ်န့ၣ်အဃိ, မၤပူၤဖျဲးသုသးဒီးတၢ်အၢတၢ်သီခဲလၢာ် တက့ၢ်. တၢ်လီတၢ်ဝ့ၤ, တၢ်ပာ်မၤအသး, တၢ်သူၣ်က့ၣ်သးကါ, ဒီးတၢ်ကတိၤဒုၣ်ဒွဲၣ်စံးအၢန့ၣ်, တဘၣ်အိၣ်လၢၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:6

သတူၢ်ကလာ်န့ၣ်ယွၤအသးကဟဲလီၤလၢနလိၤဒီးပၢၤနၤဒီးနကဂဲၤ ကလံာ်ဃုာ်လၢအဝဲသ့ၣ်အတၢ်ဘူၣ်တၢ်ဘါအတၢ်ဂဲၤကလံာ်အပူၤဒီးကိး ပသူထီၣ်ဒီးနကကဲထီၣ်ပှၤလီၤဆီတဂၤန့ၣ်လီၤ.