လံာ်တၢ်ဂံၢ် 11:17 - Sgaw Karen Common Bible

¹⁷ ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်တၢ်ဂံၢ် 11:17 Iomraidhean Croise

လံာ်တၢ်ကဲထီၣ်အခီၣ်ထံး 11:5

တုၤနုၤတစုယွၤဟဲလီၤဒ်သိးအကကွၢ်ဝ့ၢ်ဒီးတၢးထီခၢၣ်သနၢၣ် န့ၣ်လၢပှၤတဖၣ်န့ၣ်ဘှီထီၣ်တ့ၢ်ဝဲ,

လံာ်တၢ်ကဲထီၣ်အခီၣ်ထံး 17:22

ဒီးတုၤကစၢ်ယွၤကတိၤတၢ်ဒီးစီၤအၤဘြၤဟၣ်ဝံၤဒီးဟးထီၣ် ကွံာ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:3

စီၤအၤဘြၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်ဒီး ကစၢ်ယွၤစံးဘၣ်အီၤ,

လံာ်တၢ်ကဲထီၣ်အခီၣ်ထံး 18:33

ယွၤစံးကတိၤတၢ်ဒီးစီၤအၤဘြၤဟၣ်ဝံၤအလီၢ်ခံန့ၣ်ဟးထီၣ် ကွံာ်ဝဲဒၣ်ဒီးစီၤအၤဘြၤဟၣ်ဟဲက့ၤဆူဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 2:15

ဝံအဂၤယဲၢ်ဆံလၢဝ့ၢ်ယရံၤဃိထံၣ်အီၤဒီးစံးဝဲဒၣ်, “စီၤအ့ၤလံယၤအသးအစိကမီၤလီၤဘၣ်လၢစီၤအလံၤၡါအလိၤန့ၣ် လံ.” အဝဲသ့ၣ်လဲၤဒ်သိးကသဂၢၢ်အီၤဒီးတီၤလီၤဝဲလၢအမဲာ်ညါ,

လံာ်စီၤပၤခံဘ့ၣ်တဘ့ၣ် 2:9

ဖဲန့ၣ်စီၤအ့ၤလံယၤစံးဘၣ်စီၤအလံၤၡါ, “တချုးလၢယဘၣ်တၢ် စိာ်ထီၣ်ကွံာ်ဒံးယၤန့ၣ်, တဲယၤတၢ်လၢယကဘၣ်မၤလၢနဂီၢ်န့ၣ်တ က့ၢ်.” စီၤအလံၤၡါစံးဆၢဝဲဒၣ်, “မ်နသးအတၢ်စိတၢ်ကမီၤခံစး ကလီၤဘၣ်လၢယလိၤတက့ၢ်.”

လံာ်စီၤနဃ့မယၤ 9:20

လၢနတၢ်ဂ့ၤတၢ်ဝါအပူၤန့ၣ်, နတဲဘၣ်အဝဲသ့ၣ်တၢ်လၢအ ကြၢးမၤဝဲ, နလုၢ်အီၣ်တ့ၢ်အဝဲသ့ၣ်လၢကိၣ်မၤနၤဒီးဟ့ၣ်အီၤထံလၢကအီဝဲ အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 18:18

နကမၤလီၤဘှံးလီၤတီၤနသးဒီးပှၤဂီၢ်မုၢ်တဖၣ်စ့ၢ်ကီးန့ၣ်လီၤ. တၢ်အံၤအါကဲာ်ဆိးလၢနကမၤအီၤထဲတဂၤဧိၤအဂီၢ်လီၤ.

လံာ်တၢ်ဟးထီၣ်ကွံာ် 18:22

မ်အဝဲသ့ၣ်မၤတၢ်ဒ်ပှၤစံၣ်ညီၣ်ကွီၢ်တဖၣ်အသိးလၢပှၤဂီၢ်မုၢ် အဂီၢ်ထီဘိတက့ၢ်. ကယဲၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်ကစံၣ်ညီၣ်တဲာ်ဝဲလၢအနီၢ် ကစၢ်ဒၣ်ဝဲတက့ၢ်. မ့မ့ၢ်ကွီၢ်အကီအခဲတဖၣ်န့ၣ်ဟဲစိာ်ဝဲဆူနအိၣ်သ့န့ၣ်လီၤ. တၢ်န့ၣ်ကမၤဖှံထီၣ်နတၢ်ဝံတၢ်ယိးလီၤဂာ်ဒ်အဝဲသ့ၣ်ယိးစၢၤ နတၢ်ဝံတၢ်ယိးအသိးန့ၣ်လီၤ.

လံာ်တၢ်ဟးထီၣ်ကွံာ် 19:11

ဒီးကဘၣ်အိၣ်ကတဲာ်ကတီၤအသးလၢခဲတဆ့ၣ်အနံၤန့ၣ်လီၤ. လၢနံၤအဝဲန့ၣ်ယကဟဲလီၤလၢကစၢၢ်စံၤနါအလိၤဖဲပှၤကိးဂၤဒဲး ထံၣ်ဘၣ်ယၤကသ့အလီၢ်န့ၣ်လီၤ.

လံာ်တၢ်ဟးထီၣ်ကွံာ် 19:20

ယွၤဟဲလီၤဝဲလၢကစၢၢ်စံၤနါအဒီခိၣ်ဒီးကိးထီၣ်စီၤမိၤၡ့ ဆူကစၢၢ်ဒီခိၣ်န့ၣ်လီၤ. ဒီးစီၤမိၤၡ့လဲၤထီၣ်ဝဲဒၣ်,

လံာ်တၢ်ဟးထီၣ်ကွံာ် 34:5

ယွၤဟဲလီၤဝဲလၢတၢ်အၢၣ်တလိၣ်အပူၤ, ဆၢထၢၣ်ဃုာ်ဒီးအီၤဖဲ န့ၣ်, ဒီးယၢၤထီၣ်အမံၤစီဆှံ, ယွၤန့ၣ်လီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 63:11

အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်တၢ်ဂံၢ် 11:25

တုၤနုၤတစုယွၤဟဲလီၤဝဲလၢတၢ်အၢၣ်အပူၤဒီးကတိၤဃီၤတၢ်ဆူ အအိၣ်လီၤ. ယွၤဟံးန့ၢ်သးလၢအဟ့ၣ်လီၤတ့ၢ်စီၤမိၤၡ့ဒီးဟ့ၣ် လီၤအီၤဆူပှၤခိၣ်ပှၤနၢ်အဂၤနွံဆံအအိၣ်န့ၣ်လီၤ. ဖဲသးန့ၣ်လီၤဘၣ်လၢအဝဲသ့ၣ်အလိၤဒီးအဝဲသ့ၣ်စးထီၣ်ကိးပသူ ထီၣ်ဒ်ဝံတဖၣ်အသိး, ဘၣ်ဆၣ်ဒီးတယံာ်ဘၣ်ဝဲဘၣ်.

လံာ်တၢ်ဂံၢ် 12:5

ဒီးယွၤဟဲလီၤလၢတၢ်အၢၣ်အလၢၢ်ထူၣ်တထူၣ်အပူၤ, ဒီးအိၣ်ဆၢထၢၣ်ဖဲဒဲစီဆှံအကျဲစၢၤဒီး ကိးထီၣ်ဝဲ, “စီၤအၤဟရိၣ်, နီၢ်မံးရယၣ်ဧၢ,” န့ၣ်လီၤ. အဝဲသ့ၣ်ခံဂၤခါထီၣ်ဆူညါ,

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်တၢ်ဂံၢ် 27:18

ယွၤစံးဘၣ်စီၤမိၤၡ့, “ကိးန့ၢ်စီၤနိၣ်အဖိခွါပှၤတဂၤလၢ အကူၣ်သ့ကူၣ်ဘၣ်မၤတၢ်သ့, စီၤယိၤၡူ, ဒီးပာ်နစုတဖၣ်လၢအခိၣ်လိၤတက့ၢ်.

လံာ်တၢ်ဂံၢ် 7:89

ဖဲစီၤမိၤၡ့လဲၤနုာ်လီၤဆူဒဲစီၤဆှံအပူၤဒ်သိးက, ကတိၤတၢ်ဒီးယွၤအကတီၢ်န့ၣ်အဝဲနၢ်ဟူယွၤကတိၤတၢ်ဒီးအီၤလၢ တလါစီဆှံအခိၣ်ကၢၢ်အဖီခိၣ်ဖဲတၢ်ဘၣ်တ့အိၣ်ဒီးအဒံးဆ့အိၣ်ဝဲခံခီ တဖၣ်အကဆူးန့ၣ်လီၤ.

လံာ်ယိၤဟၣ် 3:13

မ့တမ့ၢ်ဘၣ်လၢပှၤကညီဖိခွါယၤအံၤလၢအဟဲလီၤလၢမူခိၣ် ဘၣ်ဒီး, ပှၤတလဲၤထီၣ်ဘၣ်ဆူမူခိၣ်နီတဂၤဒံးဘၣ်.

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 2:12

ပတဒိးန့ၢ်ပဝဲသးဘၣ်ဃးဒီးဟီၣ်ခိၣ်တဘ့ၣ်အံၤဘၣ်. မ့မ့ၢ်, ပဒိးန့ၢ်တ့ၢ်ပဝဲသးလၢအဘၣ်တၢ်ဆှၢလီၤအီၤလၢကစၢ်ယွၤဒ်သိး ပကသ့ၣ်ညါတၢ်ခဲလၢာ်လၢကစၢ်ယွၤဟ့ၣ်တ့ၢ်ပှၤန့ၣ်လီၤ.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

ယူဒၤ 1:19

ပှၤသ့ၣ်တဖၣ်အံၤမ့ၢ်ပှၤလၢအမၤလီၤဖးတၢ်, ဒီးဘၣ်တၢ်ပၢၤအီၤလၢအနီၢ်ခိဖံးညၣ်အတၢ်သူၣ်လီသးကွံဒၣ်ဝဲ ဒီးတအိၣ်ဒီးယွၤအသးဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:6

သတူၢ်ကလာ်န့ၣ်ယွၤအသးကဟဲလီၤလၢနလိၤဒီးပၢၤနၤဒီးနကဂဲၤ ကလံာ်ဃုာ်လၢအဝဲသ့ၣ်အတၢ်ဘူၣ်တၢ်ဘါအတၢ်ဂဲၤကလံာ်အပူၤဒီးကိး ပသူထီၣ်ဒီးနကကဲထီၣ်ပှၤလီၤဆီတဂၤန့ၣ်လီၤ.