လံာ်တၢ်ဂံၢ် 11:16 - Sgaw Karen Common Bible

¹⁶ ယွၤစံးဘၣ်စီၤမိၤၡ့, “ကိးဖှိၣ်ပှၤအဂၤနွံဆံလၢအဘၣ်တၢ် ယူးယီၣ်ပာ်ကဲအီၤဒီးဘၣ်တၢ်သ့ၣ်ညါအီၤဒ်ပှၤဂီၢ်မုၢ်အခိၣ်အနၢ် တဖၣ်, ဟဲကိးအီၤဆူယွၤအိၣ်ဝဲဆိးဝဲအဒဲစီဆှံဒီးတဲဘၣ်အဝဲသ့ၣ် လၢကဆၢထၢၣ်ဖဲန့ၣ်လၢနကပၤတက့ၢ်.

လံာ်တၢ်ဂံၢ် 11:16 Iomraidhean Croise

လံာ်တၢ်ကဲထီၣ်အခီၣ်ထံး 46:27

ဖိခွါခံဂၤအိၣ်ဖျဲၣ်ဝဲလၢစီၤယိၤသးအဂီၢ်လၢကီၢ်အဲၤကူ ပတူးအပူၤန့ၣ်လီၤ. စီၤယၤကိာ်အဒူၣ်ဖိထၢဖိလၢအလဲၤန့ၣ်, အတၢ်ဂံၢ်တုၤဆူကီၢ်အဲၤကူပတူးအပူၤမ့ၢ်ဝဲ, ပှၤအဂၤနွံဆံန့ၣ်လီၤ.

လံာ်တၢ်ဟးထီၣ်ကွံာ် 24:1

ယွၤစံးဘၣ်စီၤမိၤၡ့, “ဟဲထီၣ်ဆူကစၢၢ်ကလိဆူယအိၣ်, နဲဒၣ်ဒီးစီၤအၤဟရိၣ်, စီၤနၤဒးဒီးစီၤအဘံဟူၤ, ဒီးပှၤအံၣ်စရ့လးဖိအခိၣ်အနၢ်တဖၣ်အဂၤနွံဆံန့ၣ်တက့ၢ်. ဒီးဖဲသုအိၣ်ဒံးလၢအယံၤန့ၣ်ဆုးလီၤသုခိၣ်လၢတၢ်ဘူၣ်ထီၣ် ဘါထီၣ်အပူၤတက့ၢ်.

လံာ်တၢ်ဟးထီၣ်ကွံာ် 24:9

စီၤမိၤၡ့, စီၤအၤဟရိၣ်, စီၤနၤဒး, စီၤအဘံဟူၤဒီးပှၤအံၣ် စရ့လးဖိအခိၣ်အနၢ်အဂၤနွံဆံန့ၣ်လဲၤထီၣ်ဆူကစၢၢ်အလိၤ,

လံာ်တၢ်ဟးထီၣ်ကွံာ် 4:29

ဒီးစီၤမိၤၡ့, ဒီးစီၤအၤဟရိၣ်လဲၤဆူကီၢ်အဲၤကူပတူးဒီး ဒုးအိၣ်ဖှိၣ်ရိဖှိၣ်ပှၤအံၣ်စရ့လးဖိအပှၤသူၣ်က့သးပှၢ်ခဲ လၢာ်န့ၣ်လီၤ.

လံာ်ယံးရမံယၤ 19:1

ယွၤစံးဘၣ်ယၤလၢယကလဲၤတၢ်ဒီးပှ့ၤသပၢၤဟီၣ်ခိၣ်တဖျၢၣ်လီၤ. အဝဲစံးဘၣ်စ့ၢ်ကီးယၤလၢယကလဲၤကိးဃုာ်ပှၤဂီၢ်မုၢ်အသူၣ်က့ သးပှၢ်တနီၤဒီးပှၤလုၢ်တၢ်အခိၣ်လၢအသးပှၢ်တနီၤ,

လံာ်ယဃ့းစက့လး 8:11

ကီၢ်အံၣ်စရ့လးအခိၣ်အနၢ်အဂၤနွံဆံအိၣ်ဝဲဖဲန့ၣ်, အိၣ်ဃုာ်ဒီးစီၤၡၤဖၣ်အဖိခွါစီၤယၤစါနယၤလီၤ. တဂၤစုာ်စုာ်ဟံးဃာ်တၢ်နၢမူအသပၢၤမ့ၣ်အူ, ဒီးတၢ်နၢမူအမ့ၣ်အူလုၣ်ခုၣ်ထီၣ်ဝဲန့ၣ်လီၤ.

လံာ်တၢ်ဂံၢ် 11:24

မၤသးဒ်န့ၣ်ဒီး, စီၤမိၤၡ့ဟးထီၣ်ဝဲဆူတၢ်ချၢဒီးတဲဘၣ်ပှၤဂီၢ်မုၢ်လၢ, တၢ်လၢယွၤစံးဝဲန့ၣ်လီၤ. အဝဲကိးဖှိၣ်ပှၤခိၣ်ပှၤနၢ်အဂၤနွံဆံဒီးပာ်အီၤဝးတရံးဒဲစီဆှံန့ၣ်လီၤ.

လံာ်တၢ်ဂံၢ် 16:25

တုၤနုၤတစု, ကီၢ်အံၣ်စရ့လးအပှၤခိၣ်ပှၤနၢ်တဖၣ်ပိာ်ထီၣ်စီၤ မိၤၡ့အခံဒီးလဲၤဆူစီၤဒၤသၣ်ဒီးစီၤအဘံရၣ်အအိၣ်လီၤ.

လံာ်လူၤကၣ် 10:1

တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 10:17

ပှၤနွံဆံဂၤဟဲက့ၤဝဲလၢတၢ်သူၣ်ဖှံသးညီဖးဒိၣ်အပူၤလီၤ. အဝဲသ့ၣ်စံးဝဲ, “ကစၢ်ဧၢ, တၢ်ဝံတၢ်နါတဖၣ်ဒၣ်လဲာ် စူၢ်ပကလုၢ်လၢနမံၤအဃိလီၤ.”

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်သိၣ်လီၤသီလီၤတၢ် 31:28

ပာ်ဖှိၣ်ထီၣ်သုပှၤအဒူၣ်အခိၣ်တဖၣ်ဒီးအပဒိၣ်ပပှၢ်တဖၣ်လၢယမဲာ် ညါဒ်သိးယတဲဘၣ်အဝဲလၢတၢ်တဖၣ်အံၤကသ့ဝဲန့ၣ်တက့ၢ်. ယကကိးထီၣ်မူခိၣ်ဒီးဟီၣ်ခိၣ်လၢကမ့ၢ်ယပှၤအုၣ်အသးတဖၣ်ထီဒါ အဝဲသ့ၣ်န့ၣ်လီၤ.