လံာ်တၢ်ဂံၢ် 11:15 - Sgaw Karen Common Bible

¹⁵ နမ့ၢ်အဲၣ်ဒိးမၤယၤဒ်အံၤန့ၣ်ဒီးသးကညီၤယၤဒီးမၤသံကွံာ် ယၤဒ်သိးယသုတတူၢ်ဘၣ်နတၢ်မၤဆါလၢတအိၣ်ဒီးတၢ်သးကညီၤအံၤ လၢၤတဂ့ၤန့ၣ်တက့ၢ်.”

လံာ်တၢ်ဂံၢ် 11:15 Iomraidhean Croise

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်စီၤယိၤဘး 7:15

တုၤဒၣ်လဲာ်ယအဲၣ်ဒိးဘၣ်တၢ်စံၢ်သံယၤဒိၣ်န့ၢ်ဒံးယကအိၣ် မူလၢယနီၢ်ခိနီၢ်ကစၢ်လၢအဘၣ်နးဘၣ်ဖှီၣ်အပူၤအံၤတက့ၢ်န့ၣ်လီၤ.

လံာ်တၢ်ဟးထီၣ်ကွံာ် 32:32

ဝံသးစူၤပျၢ်လၢ်အတၢ်ကမၣ်တက့ၢ်. ဘၣ်ဆၣ်ဒီးနမ့ၢ်တပျၢ်ဘၣ်န့ၣ် တြူာ်ကွံာ်ယမံၤလၢလံာ်လၢနကွဲးတ့ၢ်နပှၤဂီၢ်မုၢ်အမံၤတဖၣ်အပူၤန့ၣ်တက့ၢ်.”

လံာ်ယံးရမံယၤ 15:18

ဘၣ်မနုၤအဃိယတူၢ်ဘၣ်ဒံးဒၣ်တၢ်နးတၢ်ဖှီၣ်န့ၣ်လဲၣ်. ဘၣ်မနုၤ အဃိတဘျါက့ၤဝဲန့ၣ်လဲၣ်. မ့ၢ်နပာ်လီၤနသးလၢနကမၤ သးဟးဂီၤယၤဒ်ထံကျိဖိတဘိလၢအလီၤသံးကွံာ်ဝဲလၢတၢ်ကိၢ်ခါ အသိးန့ၣ်ဧါ.”

လံာ်ယံးရမံယၤ 20:18

ဘၣ်မနုၤအဃိယအိၣ်ဖျဲၣ်ထီၣ်လဲၣ်. မ့ၢ်အမ့ၢ်ဒၣ်ထဲလၢယကအိၣ်ဒီး တၢ်ကိၢ်တၢ်ဂီၤဒီးတၢ်သူၣ်အုးသးအုးလၢ ကမၤကတၢၢ်ကွံာ်ယတၢ်အိၣ်မူလၢတၢ်မဲာ်ဆှးအပူၤအဂီၢ်ဧိၤန့ၣ်ဧါ.

လံာ်ယိၤနါ 4:3

ဒီးခဲကနံၣ်အံၤ, ယွၤဧၢ, ဟံးန့ၢ်ကွံာ်ယသးသမူလၢယၤန့ၣ်တက့ၢ်. ယဃ့ကညးနၤလီၤ. အဂ့ၢ်ဒ်အံၤ, ယသံဂ့ၤန့ၢ်ယမူတက့ၢ်လီၤ.”

လံာ်စဖါနယၤ 3:15

ယွၤဆိကတီၢ်ကွံာ်တၢ်စံၣ်ညီၣ်လၢသုဂီၢ်, အဝဲသုးကွံာ်ကယဲၢ်သုဒုၣ်သုဒါခဲလၢာ်န့ၣ်လံ. ယွၤ, အံၣ်စရ့လးအစီၤပၤအိၣ်ဒီးသု, ဒီးခဲအံၤတၢ်ဂ့ၢ်တအိၣ်လၢၤနီတမံၤ လၢသုကဘၣ်ပျံၤတၢ်ဖုးတၢ်န့ၣ်ဘၣ်.

ယၤကိာ် 1:4

မ်သုတၢ်တူၢ်တၢ်အံၤကဆှၢသုဆူတၢ်အကတၢၢ်တစုတအိၣ် ဒီးတၢ်လီၤတူာ်လီၤကာ်ဘၣ်, ဒ်သိးသုကလၢထီၣ်ပှဲၤထီၣ်ဒီး အိၣ်ဒီးတၢ်ခဲလၢာ်ဒီးတလီၤဆံးလီၤစှၤလၢတၢ်နီတမံၤဘၣ် အဂီၢ်န့ၣ်တက့ၢ်.