လံာ်တၢ်ဂံၢ် 11:1 - Sgaw Karen Common Bible

¹ ဒီးပှၤဂီၢ်မုၢ်စးထီၣ်ကဒူးကဒ့ၣ်တၢ်ဆူယွၤအအိၣ်ဘၣ်ဃးဒီးအဝဲ သ့ၣ်အတၢ်ကိၢ်တၢ်ဂီၤတဖၣ်အဂ့ၢ်လီၤ. ဖဲယွၤနၢ်ဟူအဝဲသ့ၣ်ဒီးအဝဲသးဒိၣ်ထီၣ်ဒီးဆှၢလီၤမ့ၣ်အူ လၢပှၤဂီၢ်မုၢ်အဖီခိၣ်န့ၣ်လီၤ. မ့ၣ်အူအီၣ်တၢ်လၢအဝဲသ့ၣ်အကျါဒီးမၤဟးဂီၤကွံာ်တၢ်သူၣ်ဒဲ အလီၢ်တကပၤလီၤ.

လံာ်တၢ်ဂံၢ် 11:1 Iomraidhean Croise

လံာ်တၢ်ကဲထီၣ်အခီၣ်ထံး 38:10

တၢ်လၢအမၤတ့ၢ်ဝဲန့ၣ်တဘၣ်ယွၤအသးဘၣ်အဃိယွၤမၤသံ ကွံာ်စ့ၢ်ကီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:27

ဖဲတၢ်ဟီၣ်တၢ်ယၢၤအကတီၢ်ဝံၤဝဲန့ၣ် စီၤဒၤဝံးမၢပှၤဟဲကိးပိာ်မုၣ်န့ၣ်ဆူနီပူၤလီၤ. ပိာ်မုၣ်န့ၣ်ကဲထီၣ်အမါဒီးဆံးစၢ်န့ၢ်အီၤဖိခွါတဂၤလီၤ. ဘၣ်ဆၣ်ဒီးတၢ်လၢစီၤဒၤဝံးမၤတ့ၢ်အံၤ တဘၣ်ယွၤအသးဘၣ်.

လံာ်စီၤပၤခံဘ့ၣ်တဘ့ၣ် 1:12

စီၤအ့ၤလံယၤစံးဆၢဝဲဒၣ်, “ယမ့မ့ၢ်ကစၢ်ယွၤအပှၤကညီ တဂၤန့ၣ်ဒီးမ်မ့ၣ်အူဟဲလီၤလၢမူခိၣ်ဒီးအီၣ်ကွံာ်နၤဒီး နပှၤတဖၣ်န့ၣ်တက့ၢ်.” တဘျီဃီဖဲန့ၣ်ကစၢ်ယွၤအမ့ၣ်အူဟဲလီၤဒီးအီၣ်ကွံာ်သုးခိၣ် န့ၣ်ဒီးအပှၤတဖၣ်လီၤ.

လံာ်စီၤယိၤဘး 1:16

ဒီးဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဒီး စံးဝဲဒၣ်, “လီဖျးသံကွံာ်သိဒီးပှၤကွၢ်သိတဖၣ်ဒီးပှၤပူၤ ဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

စံးထီၣ်ပတြၢၤ 106:18

မ့ၣ်အူဟဲလီၤလၢပှၤပိာ်အဝဲသ့ၣ်အခံတဖၣ် အသိးအကျါ, ဒီးအီၣ်ကွံာ် ပှၤအအၢအသီတဖၣ်န့ၣ်လီၤ.

စံးထီၣ်ပတြၢၤ 78:21

လၢတၢ်န့ၣ်အဃိ, တုၤကစၢ်ယွၤနၢ်ဟူဝဲဒၣ်န့ၣ်ဒီးအဝဲပှဲၤဒီးတၢ်သးထီၣ်, ထီဒါယၤကိာ်ဒ် မ့ၣ်အူအီၣ်တၢ်အသိး ဒီးအသးကဲၤထီၣ်ထီဒါအံၣ်စရ့လးလီၤ.

စံးထီၣ်ပတြၢၤ 78:63

ပှၤဖိၣ်သၣ်ခွါတဖၣ်ဘၣ်တၢ်မၤသံကွံာ်အီၤ လၢတၢ်ဒုးအပူၤ, ဒီးပိာ်မုၣ်သးစၢ်သ့ၣ်တဖၣ်ကဖျီအသးဒီး ပှၤတအိၣ်နီတဂၤလၢၤဘၣ်.

လံာ်တၢ်ဟးထီၣ်ကွံာ် 16:7

လၢမုၢ်ဂီၤန့ၣ်သုကထံၣ်ဘၣ်ယွၤအိၣ်ဝဲဆိးဝဲအတၢ်ကပီၤကပြုၢ် ကပြီၤန့ၣ်လီၤ. အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤလီၤ. မ့ၢ်သုထီဒါအီၤလီၤ. အဂ့ၢ်ဒ်အံၤ, ထဲပဝဲဒၣ်ဧိၤပမ့ၢ်ပှၤလၢအမၤတၢ်ဒ်အတၢ်မၤလိာ်တဖၣ်အသိးန့ၣ်လီၤ.”

လံာ်တၢ်ဟးထီၣ်ကွံာ် 16:9

စီၤမိၤၡ့စံးဘၣ်စီၤအၤဟရိၣ်, “တဲဘၣ်ပှၤဒီဒူၣ်ဒီထၢလၢ အကဟဲဒီးဆၢထၢၣ်လၢယွၤအမဲာ်ညါတက့ၢ်. အဂ့ၢ်ဒ်အံၤ, ယွၤနၢ်ဟူတ့ၢ်အဝဲသ့ၣ်အတၢ်ကဒူးကဒ့ၣ်တဖၣ်ထီဒါအီၤလီၤ.”

လံာ်ယၡါယၤ 10:17

ကစၢ်ယွၤ, အံၣ်စရ့လးအတၢ်ကပီၤ, ကကဲထီၣ်မ့ၣ်အူတမံၤလီၤ. အံၣ်စရ့လးအကစၢ်ယွၤစီဆှံကကဲထီၣ်မ့ၣ်အူလၣ်တမံၤ, ဒီးလၢတနံၤဃီအတီၢ်ပူၤန့ၣ်ကအီၣ်ကွံာ်တၢ်ခဲလၢာ်, တုၤဒၣ်လဲာ်လၢတၤဆှုၣ်တၤမဲတဖၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်သးသယုၢ်တၢ် 3:39

ဖဲပဘၣ်တၢ်စံၣ်ညီၣ်လၢပတၢ်ဒဲးဘးအဃိန့ၣ်ဘၣ်မနုၤလၢ ပကဒူးကဒ့ၣ်ထီရီၤတၢ်န့ၣ်လဲၣ်.

လံာ်ယဃ့းစက့လး 20:36

ခဲကနံၣ်အံၤယကစံၣ်ညီၣ်ဃၣ်သု, ဒ်သိးဒၣ်ယစံၣ်ညီၣ်ဃၣ်တ့ၢ် သုပၢ်တဖၣ်လၢကစၢၢ်စံၤနါအပှၢ်မုၢ်ကနၢပူၤအသိးန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်စံးတၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:2

ဒီးမ့ၣ်အူဟဲလီၤလၢယွၤအအိၣ်သတူၢ်ကလာ်ဒီးအီၣ်ကွံာ်အဝဲ သ့ၣ်တုၤအသံဝဲဖဲန့ၣ်လၢယွၤအမဲာ်ညါန့ၣ်လီၤ.

လံာ်နၤဃူၣ် 1:5

ကစၢၢ်ကလိတဖၣ်ဟူးဝးဆှဲးဆှိး ဒီးတၢ်လူၢ်ဒီခိၣ်တဖၣ်ပှံၢ်ထီၣ်ကွံာ်ဝဲလၢယွၤ အမဲာ်ညါန့ၣ်လီၤ. ဟီၣ်ခိၣ်ဟူးဝးဖဲယွၤလီၣ်ဖျါထီၣ်အသး, ဟီၣ်ခိၣ်ဒီးအပှၤဂီၢ်မုၢ်ခဲလၢာ်ကနိးကစုာ်ဝဲဒၣ်န့ၣ်လီၤ.

လံာ်ဃဘးကူာ် 3:5

အဝဲဆှၢလီၤတၢ်ဆူးတၢ်ဆါလၢအမဲာ်ညါ ဒီးမၤလိာ်တၢ်သံလၢကပိာ်ထွဲထီၣ်အခံန့ၣ်လီၤ.

လံာ်တၢ်ဂံၢ် 10:33

ဖဲပှၤဂီၢ်မုၢ်ဟးထီၣ်ကွံာ်လၢစံၤနါကစၢၢ်စီဆှံန့ၣ်, အဝဲသ့ၣ်လဲၤတၢ်သၢသီလီၤ. ယွၤအတၢ်အၢၣ်လီၤအီလီၤအတလါစီဆှံလဲၤတၢ်လၢအဝဲသ့ၣ်အမဲာ်ညါ တဘိယူၢ်ဃီဒ်သိးကဃုန့ၢ်တၢ်လီၢ်တတီၤလၢအဝဲသ့ၣ်ကသူၣ်အဒဲအဂီၢ် န့ၣ်လီၤ.

လံာ်တၢ်ဂံၢ် 11:18

ခဲကနံၣ်အံၤတဲဘၣ်ပှၤဂီၢ်မုၢ်, “မၤကဆှီသုသးလၢခဲဂီၤကိာ် အဂီၢ်တက့ၢ်. သုကအိၣ်ဒီးတၢ်ဖံးတၢ်ညၣ်လၢသုကအီၣ်အဂီၢ်လီၤ. ယွၤနၢ်ဟူဘၣ်သုတၢ်ကအုကစွါဒီးလၢသုစံးသုအဲၣ်ဒိးတၢ်ဖံးတၢ်ညၣ်, ဒီးသုအိၣ်ဘၣ်မုာ်ဒိၣ်တက့ၢ်လၢကီၢ်အဲၤကူပတူးအပူၤန့ၣ်လီၤ. ခဲအံၤယွၤကဟ့ၣ်သုတၢ်ဖံးတၢ်ညၣ်ဒီးသုကအီၣ်ဘၣ်အီၤလီၤ.

လံာ်တၢ်ဂံၢ် 12:2

အဝဲသ့ၣ်စံးဝဲဒၣ်, “မ့ၢ်ယွၤကတိၤတၢ်ခီဖျိဒၣ်ထဲစီၤမိၤၡ့ တဂၤဧိၤလီၤဧါ. မ့ၢ်အတကတိၤတၢ်ခီဖျိစ့ၢ်ကီးပှၤဘၣ်ဧါ.” ယွၤနၢ်ဟူတၢ်လၢအဝဲသ့ၣ်စံးတ့ၢ်ဝဲန့ၣ်လီၤ.

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်တၢ်ဂံၢ် 14:28

ခဲအံၤဟ့ၣ်အဝဲသ့ၣ်လၢတၢ်စံးဆၢအံၤတက့ၢ်. “ယဆိၣ်လီၤယသးလၢ, ဒ်ယမူယဲအသိး, ယကမၤတၢ်လၢသုဂီၢ်ဒ်သုဃ့တ့ၢ်တၢ်အသိးန့ၣ်လီၤ. ယၤ, ယွၤစံးလံတၢ်လံ.

လံာ်တၢ်ဂံၢ် 16:11

ဖဲနကဒူးကဒ့ၣ်တၢ်ထီဒါစီၤအၤဟရိၣ်န့ၣ်မ့ၢ်နၤဒီးပှၤပိာ်နခံ တဖၣ်ပူထီၣ်ယွၤနီၢ်နီၢ်န့ၣ်လီၤ.”

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်တၢ်ဂံၢ် 17:5

အန့ၣ်ဒီးပှၤလၢယဃုထၢအီၤတဂၤအနီၣ်ထိးဘိန့ၣ်ကဒိးစၢ်ထီၣ်ဝဲလီၤ. လၢကျဲဒ်အံၤန့ၣ်ယကဆိကတီၢ်ကွံာ်ပှၤအံၣ်စရ့လးဖိတဖၣ်အံၤ အတၢ်ကဒူးကဒ့ၣ်ထီဒါသုတဘိယူၢ်ဃီန့ၣ်လီၤ.”

လံာ်တၢ်ဂံၢ် 21:5

ဒီးကတိၤတၢ်ထီဒါကစၢ်ယွၤဒီးစီၤမိၤၡ့န့ၣ်လီၤ. အဝဲသ့ၣ်ကဒူးကဒ့ၣ်တၢ်စံးဝဲ, “နထုးထီၣ်ပှၤလၢကီၢ်အဲၤကူပတူးဒ်သိးပကသံလၢပှၢ်မုၢ်ကနၢ အပူၤအံၤဖဲတၢ်အီၣ်တအိၣ်ထံတအိၣ်န့ၣ်ဘၣ်မနုၤလဲၣ်. တၢ်အီၣ်တဂိာ်တသီၣ်အံၤ, ပအီၣ်တကဲလၢၤဘၣ်.”

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

လံာ်သိၣ်လီၤသီလီၤတၢ် 25:18

အဝဲသ့ၣ်တအိၣ်ဒီးတၢ်ပျံၤယွၤဘၣ်. လၢတၢ်န့ၣ်အဃိအဝဲသ့ၣ်ဒုးသုလၢသုလီၢ်ခံဖဲတၢ်ဘှံးသုသးဒီးသုလီၤဘှံးလီၤဘှါအဆၢကတီၢ်န့ၣ်လီၤ. အဝဲသ့ၣ်မၤသံကယဲၢ်ပှၤလၢအဟးပိာ်ထွဲပှၤအခံ တချုးဒီးအိၣ်တ့ၢ်လၢတၢ်လီၢ်ခံတဖၣ်န့ၣ်လီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်သိၣ်လီၤသီလီၤတၢ် 9:22

သုမၤသးဒိၣ်ထီၣ်စ့ၢ်ကီးယွၤ, သုကစၢ်ယွၤ, ဖဲသုအိၣ်လၢဝ့ၢ်တးဘဧ့ရၤ, ဝ့ၢ်မးစၤဒီးဝ့ၢ်ကံးဘြိၤဟး တဝၤအပူၤအခါန့ၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.

ယူဒၤ 1:16

ပှၤသ့ၣ်တဖၣ်အံၤကဒူးကဒ့ၣ်တၢ်ဒီးပာ်တၢ်ကမၣ်လၢ ပှၤဂၤအလိၤထီဘိန့ၣ်လီၤ. အဝဲသ့ၣ်မၤထွဲအကစၢ်ဒၣ်ဝဲအတၢ်သူၣ်လီသးကွံအအၢအသီ တဖၣ်အခံန့ၣ်လီၤ. အဝဲသ့ၣ်ကတိၤဒိၣ်ကတိၤသွါလီၤက့ၤအသးဒၣ်ဝဲဒီး ကတိၤကဖၢလၢထီၣ်ပှၤဂၤတဖၣ်လၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.