လံာ်တၢ်ဂံၢ် 10:9 - Sgaw Karen Common Bible

⁹ ဖဲသုဒုးတၢ်ယၤတၢ်လၢသုကီၢ်ပူၤ, ဒီးသုကဘၣ်ဒီဒၣ်သုသးထီ ဒါသုဒုၣ်သုဒါလၢအဟဲဒုးတၢ်ဒီးသုအခါန့ၣ်, အူထီၣ်တၢ်ဒုးသုးအတၢ်ပနီၣ်လၢကွဲၤတဖၣ်အံၤတက့ၢ်. ယၤ, ယွၤသုကစၢ်ယွၤကမၤစၢၤသုဒီးအုၣ်က့ၤခီၣ်က့ၤသုလၢသု ဒုၣ်သုဒါတဖၣ်အစုပူၤန့ၣ်လီၤ.

လံာ်တၢ်ဂံၢ် 10:9 Iomraidhean Croise

လံာ်တၢ်ကဲထီၣ်အခီၣ်ထံး 8:1

ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:12

ကစၢ်ယွၤ, အကစၢ်ဒၣ်ဝဲ, မ့ၢ်ပခိၣ်ပနၢ်ဒီးအဝဲအပှၤလုၢ်တၢ်အခိၣ် တဖၣ်အိၣ်ဖဲအံၤ, ဒီးအကွဲၤတဖၣ်, ကတဲာ်ကတီၤအသးလၢကအူ ထီၣ်ဝဲဒီးကိးဃီၤပှၤဆူတၢ်ဒုးထီဒါသုန့ၣ်လီၤ. အံၣ်စရ့လးအပှၤဂီၢ်မုၢ်သ့ၣ်ဧၢ, ဒုးတၢ်ထီဒါယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤတဂ့ၤ. သုမၤနၢၤတၢ်တသ့ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 13:14

ပှၤယူဒၤဖိတဖၣ်ကွၢ်တရံးတၢ်ဒီးထံၣ်ဝဲလၢအဘၣ်တၢ်ကဝီၤဃာ်အီၤ န့ၣ်လီၤ. အဝဲသ့ၣ်ကိးထီၣ်ယွၤလၢတၢ်မၤစၢၤအဂီၢ်, ဒီးပှၤလုၢ်တၢ်အခိၣ်သ့ၣ်တဖၣ်အူထီၣ်ကွဲၤန့ၣ်လီၤ.

စံးထီၣ်ပတြၢၤ 106:4

ယွၤဧၢ, သ့ၣ်နီၣ်ထီၣ်က့ၤယၤဖဲနဒုးနဲၣ် တၢ်ကွၢ်မဲာ်နပှၤဂီၢ်မုၢ်, ဒီးမၤစၢၤယၤဖဲ နအုၣ်က့ၤခီၣ်က့ၤအဝဲသ့ၣ်, န့ၣ်တက့ၢ်

စံးထီၣ်ပတြၢၤ 106:42

အဒုၣ်အဒါတဖၣ်မၤနးမၤဖှီၣ်အီၤ ဒီးအဝဲသ့ၣ်ဘၣ်တၢ်ဆီၣ်လီၤအီၤလၢ အဒုၣ်အဒါတဖၣ်အတၢ်စိတၢ်ကမီၤအဖီလာ်လီၤ.

စံးထီၣ်ပတြၢၤ 136:23

ဒီးသ့ၣ်နီၣ်ထီၣ်က့ၤပှၤဖဲပဒုၣ်ပဒါမၤနၢၤပှၤ အကတီၢ်န့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်ယၡါယၤ 18:3

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်သ့ၣ်ဧၢ, ဒိကနၣ်တက့ၢ်. ကွၢ်တၢ်ပနီၣ်အနီၣ်တယၢ်လၢကဘၣ်တၢ်ယူာ်ထီၣ်အီၤ လၢကစၢၢ်တဖၣ်အဒီခိၣ်တက့ၢ်. ဒိကနၣ်ကွဲၤအသီၣ်ထီၣ်တက့ၢ်.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 4:21

ယကထံၣ်ဒံးတၢ်ဒုးဆူၣ်အံၤဒီးနၢ်ဟူဘၣ်ဒံးကွဲၤအသီၣ်န့ၣ်, ဆံးယံာ်လဲၣ်.

လံာ်ယံးရမံယၤ 4:5

အူထီၣ်ကွဲၤသကုၤထံကီၢ်ဒီဘ့ၣ်ညါတက့ၢ်. ကိးထီၣ်ဒိၣ်ဒိၣ် ဒီးဆှံဆှံတက့ၢ်. တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢအကဃ့ၢ်ဆူ ဝ့ၢ်အိၣ်ဒီးအတိာ်ဧိၤတာ်ဧိၤတဖၣ်န့ၣ်တက့ၢ်.

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ယံးရမံယၤ 6:17

အန့ၣ်ဒီး, ယွၤဃုထၢပာ်လီၤပှၤပၢၤတၢ်ဖိတဖၣ်လၢအဝဲသ့ၣ်အဖီခိၣ်, ဒ်သိးအဝဲသ့ၣ်ကကနၣ်တၢ်ဟ့ၣ်ပလီၢ်အကွဲၤကသီၣ်ထီၣ်အဂီၢ်လီၤ. ဘၣ်ဆၣ်အဝဲသ့ၣ်စံးဝဲ, “ပတကနၣ်ဘၣ်.”

လံာ်ယဃ့းစက့လး 7:14

ကွဲၤသီၣ်ထီၣ်ဝဲဒီးပှၤကိးဂၤဒဲးအိၣ်ကတဲာ်ကတီၤအသးလီၤ. ဘၣ်ဆၣ်ဒီး, ပှၤတဟးထီၣ်လဲၤဆူတၢ်ဒုးအပူၤနီတဂၤဘၣ်. အဂ့ၢ်ဒ်အံၤ, ကစၢ်ယွၤအတၢ်သးဒိၣ်ထီၣ်ကလီၤဘၣ်ပှၤကိးဂၤဒဲးဒ်သိးသိးန့ၣ်လီၤ.

လံာ်ဟိၤၡ့ 5:8

အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်ဧၤမိၣ် 3:6

တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.

လံာ်စဖါနယၤ 1:16

မုၢ်တနံၤလၢအပှဲၤဒီးတၢ်ဒုးတၢ်ယၤအကွဲၤတဖၣ်အသီၣ်ဒီးတၢ်ဒုး တၢ်ယၤအတၢ်ကိးပသူလၢပှၤသုးဖိတဖၣ်ဖဲအလဲၤထီၣ်ဒုးဝ့ၢ်အိၣ်ဒီး အခိၣ်ဒူဒီးအတၢးထီၣ်ထီတဖၣ်န့ၣ်လီၤ.

လံာ်တၢ်ဂံၢ် 31:6

စီၤမိၤၡ့ဆှၢလီၤအဝဲသ့ၣ်ဆူတၢ်ဒုးတၢ်ယၤအပူၤလၢပှၤလုၢ်တၢ် အခိၣ်စီၤအလၤဧစၢ်အဖိခွါစီၤဖံၤနဃၣ်အတၢ်ပၢတၢ်ဆှၢအဖီလာ်, ပှၤတဂၤလၢအကွၢ်ထွဲတၢ်စီဆှံအပီးအလီတဖၣ်ဒီးကွဲၤတဖၣ်လၢ ကဟ့ၣ်ထီၣ်တၢ်ပနီၣ်တဖၣ်အဂီၢ်န့ၣ်လီၤ.

1 ကရံၣ်သူး 14:8

ဒီးပှၤလၢအအူကွဲၤတဂၤ, မ့ၢ်တဒုးသီၣ်ထီၣ်ကွဲၤအကလုၢ်ဆှံဆှံဘၣ်န့ၣ်, မ့ၢ်မတၤကအိၣ်ကတဲာ်ကတီၤထီၣ်အသးလၢတၢ်ဒုးတၢ်ယၤအဂီၢ် တဂၤလဲၣ်.

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်စီၤယိၤၡူ 6:5

ဝံၤဒီးအဝဲသ့ၣ်ကအူထီၣ်ဖးထီကွဲၤန့ၣ်လီၤ. တဘျီဃီဖဲသုနၢ်ဟူတၢ်အံၤန့ၣ်, ပှၤပိာ်ခွါခဲလၢာ်ကကိးပသူ ထီၣ်လၢအကလုၢ်ဖးဒိၣ်, အန့ၣ်ဒီးဝ့ၢ်အခိၣ်ဒူတဖၣ်ကလီၤပှီၢ်ကွံာ်ဝဲန့ၣ်လီၤ. ဝံၤဒီး, သုးမုၢ်သံၣ်ဘိဒီဖုကလဲၤနုာ်လီၤဝဲလိၤလိၤဆူဝ့ၢ်ပူၤန့ၣ် လီၤ.”

လံာ်ပှၤစံၣ်ညီၣ်ကွီၢ် 10:12

ပှၤစံဒိၣ်ဖိ, ပှၤဧမၤလ့းဖိ, ဒီးပှၤမၤဧိၣ်ဖိတဖၣ်ဆီၣ်ဘံၣ်ဆီၣ်ဘၢတ့ၢ်သုလၢ အပူၤကွံာ်ဒီးသုကိးထီၣ်တ့ၢ်ယၤလီၤ. မ့ၢ်ယတအုၣ်က့ၤခီၣ်က့ၤသုလၢအဝဲသ့ၣ်အစုပူၤဘၣ်ဧါ.

လံာ်ပှၤစံၣ်ညီၣ်ကွီၢ် 10:8

လၢတဆံဃိးနံၣ်အတီၢ်ပူၤန့ၣ်အဝဲသ့ၣ်ဆီၣ်ဘံၣ်ဆီၣ်ဘၢ ဒီးမၤနးမၤဖှီၣ်ကယဲၢ်ပှၤအံၣ်စရ့လးဖိတဖၣ်လၢအအိၣ်လၢ ပှၤအမိၢ်ဖိတဖၣ်အကီၢ်ပူၤဖဲထံကျိယၢ်ဒ့ၣ်အမုၢ်ထီၣ်လၢအဘၣ်ဃးဒီးကီၢ်ကံးလဧး အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:18

ဖဲယွၤဟ့ၣ်လီၤပှၤအံၣ်စရ့လးဖိလၢခိၣ်နၢ်တဘျီလၢ်လၢ်န့ၣ်, ယွၤမၤစၢၤအီၤဒီးအုၣ်က့ၤခီၣ်က့ၤပှၤဂီၢ်မုၢ်လၢအဒုၣ်အဒါတဖၣ်အစုပူၤဖဲခိၣ်နၢ်တဂၤန့ၣ်အိၣ်မူဒံးဝဲအဆၢကတီၢ်န့ၣ်လီၤ. ယွၤသးကညီၤအဝဲသ့ၣ်မ့ၢ်လၢအဝဲသ့ၣ်ကအုကစွါဝဲလၢ အတၢ်နးတၢ်ဖှီၣ်ဒီးတၢ်မၤအၢမၤနးအပူၤအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 3:27

ဖဲအဝဲတုၤဆူကီၢ်အ့ဖရဲၣ်ကစၢၢ်ကလိဒီး, အဝဲအူထီၣ်ကွဲၤဒ်သိးကကိးဃီၤကီၢ်အံၣ်စရ့လးအပှၤပိာ်ခွါတဖၣ်လၢကလဲၤထီၣ်ဒုးတၢ်အဂီၢ်လီၤ. ဒီးအဝဲဆှၢပှၤတဖၣ်န့ၣ်ဆူတၢ်ပၢၤခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:34

ယွၤအသးလီၤဘၣ်လၢစီၤကံးဒဧိၣ်အလိၤ, ဒီးအဝဲအူထီၣ်ကွဲၤ ဒ်သိးကကိးဖှိၣ်ပှၤအဘံၤဧ့စ့ၢ်အဒူၣ်ဖိထၢဖိလၢအကပိာ်အခံန့ၣ်လီၤ.

လံာ်ပှၤစံၣ်ညီၣ်ကွီၢ် 6:9

ယအုၣ်က့ၤခီၣ်က့ၤသုလၢပှၤအဲၤကူပတူးဖိတဖၣ်အစုပူၤဒီးလၢ ပှၤဂီၢ်မုၢ်လၢအဒုးတၢ်ထီဒါသုလၢကီၢ်အံၤအပူၤန့ၣ်လီၤ. ယဟီထီၣ်ကွံာ်အဝဲသ့ၣ်ဖဲသုဟဲထီၣ်ဒုးတၢ်, ဒီးယဟ့ၣ်လီၤသုလၢအဝဲသ့ၣ်အကီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:18

ဒီးစံးဘၣ်အဝဲသ့ၣ်, “ယွၤ, ကီၢ်အံၣ်စရ့လးအကစၢ်ယွၤစံးဝဲ ဒၣ်, ယထုးထီၣ်တ့ၢ်သုလၢကီၢ်အဲၤကူပတူးဒီးအုၣ်က့ၤခီၣ်က့ၤသုလၢ ပှၤအဲၤကူပတူးဖိတဖၣ်အစုပူၤဒီးလၢကယဲၢ်ပှၤဂီၢ်မုၢ်အဂၤတဖၣ် လၢအမၤနးမၤဖှီၣ်သုန့ၣ်လီၤ.