လံာ်တၢ်ဂံၢ် 10:33 - Sgaw Karen Common Bible

³³ ဖဲပှၤဂီၢ်မုၢ်ဟးထီၣ်ကွံာ်လၢစံၤနါကစၢၢ်စီဆှံန့ၣ်, အဝဲသ့ၣ်လဲၤတၢ်သၢသီလီၤ. ယွၤအတၢ်အၢၣ်လီၤအီလီၤအတလါစီဆှံလဲၤတၢ်လၢအဝဲသ့ၣ်အမဲာ်ညါ တဘိယူၢ်ဃီဒ်သိးကဃုန့ၢ်တၢ်လီၢ်တတီၤလၢအဝဲသ့ၣ်ကသူၣ်အဒဲအဂီၢ် န့ၣ်လီၤ.

လံာ်တၢ်ဂံၢ် 10:33 Iomraidhean Croise

စံးထီၣ်ပတြၢၤ 95:11

ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး, “သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ် တၢ်အိၣ်ဘှံးအပူၤန့ၣ်နီတစုဘၣ်.”

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 28:12

အဝဲဟ့ၣ်တ့ၢ်သုတၢ်အိၣ်ဘှံးဒီးတၢ်မၤမုာ်လၢသုဝဲခဲလၢာ်အဂီၢ်, ဘၣ်ဆၣ်ဒီးသုဂ့ၢ်လိာ်တ့ၢ်လၢသုကဒိကနၣ်အီၤလီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 3:16

ဒီးတုၤသုအါထီၣ်ဂီၢ်ထီၣ်လၢထံကီၢ်န့ၣ်အပူၤဒီး, ပှၤဂီၢ်မုၢ်တကတိၤလၢၤဘၣ်ဃးယတၢ်အၢၣ်လီၤအီလီၤအတလါအဂ့ၢ် လၢၤဘၣ်. အဝဲသ့ၣ်တဆိကမိၣ်မ့ၢ်ဂ့ၤ, တသ့ၣ်နီၣ်မ့ၢ်ဂ့ၤ, တၢ်အၢၣ်လီၤအီလီၤအတလါန့ၣ်လၢၤဘၣ်. အဝဲသ့ၣ်တလိၣ် ဘၣ်လၢၤဒၣ်လဲာ်အီၤမ့ၢ်ဂ့ၤ, မၤကဒီးဝဲအဂၤတခါမ့ၢ်ဂ့ၤလၢၤဘၣ်.

လံာ်ယံးရမံယၤ 31:2

လၢပှၢ်မုၢ်ကနၢအပူၤန့ၣ်, ယဒုးနဲၣ်တ့ၢ်တၢ်သးကညီၤဆူ ပှၤဂီၢ်မုၢ်န့ၣ်လၢ အမၤထူၣ်ဖျဲးထီၣ်တ့ၢ်လၢ တၢ်သံအပူၤလီၤ. ဖဲကီၢ်အံၣ်စရ့လး အပှၤဂီၢ်မုၢ်သးအိၣ်အိၣ်ဘှံးန့ၣ်,

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်တၢ်ဂံၢ် 10:12

ဒီးပှၤအံၣ်စရ့လးဖိတဖၣ်စးထီၣ်အတၢ်လဲၤဟးထီၣ်ကွံာ်လၢကစၢၢ် နံၤနါအပှၢ်မုၢ်ကနၢပူၤန့ၣ်လီၤ. တၢ်အၢၣ်န့ၣ်ဟဲလီၤဒီးအိၣ်ကတီၢ်ဝဲဖဲပှၢ်မုၢ်ကနၢပၤရၣ်န့ၣ်လီၤ.

လံာ်သိၣ်လီၤသီလီၤတၢ် 1:33

အဝဲလဲၤဆိဒၣ်လဲာ်လၢသုမဲာ်ညါဒီးဃုထံၣ်တၢ်လီၢ်တတီၤလၢသူၣ် ဒဲအဂီၢ်ဘၣ်ဆၣ်သုတနာ်ဒံးဘၣ်အီၤဘၣ်. အဝဲလဲၤဆိတၢ်လၢသုမဲာ်ညါလၢမ့ၣ်အူထူၣ်အပူၤလၢမုၢ်နၤဒီး လၢတၢ်အၢၣ်အထူၣ်အပူၤလၢမုၢ်ဆါ, ဒ်သိးကဒုးနဲၣ်သု ကျဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 31:26

“ဟံးန့ၢ်လံာ်အံၤလၢအဘၣ်ထွဲဒီးယူဒၤအတၢ်သိၣ်တၢ်သီ လၢကစၢ်ယွၤဟ့ၣ်လီၤဝဲဒီးပာ်လီၤအီၤလၢယွၤ, သုကစၢ်အတၢ်အၢၣ်လီၤအီလီၤအတလါစီဆှံအကပၤ, ဒ်သိးတၢ်န့ၣ်ကအိၣ်ဒံးဝဲဖဲန့ၣ်ဒ်တၢ်အုၣ်အသးတမံၤထီဒါအဝဲ အပှၤဂီၢ်မုၢ်အဂီၢ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”

လံာ်ပှၤစံၣ်ညီၣ်ကွီၢ် 20:27

ကစၢ်ယွၤအတၢ်အၢၣ်လီၤအီၤလီၤအတလါအိၣ်ဖဲဘ့ၤသ့လး လၢမုၢ်နံၤတဖၣ်န့ၣ်အပူၤဒီးစီၤအၤဟရိၣ်အလံၤ, စီၤအလၤဧစၢ်အဖိခွါစီၤဖံနဃၤကဲခိၣ်ကဲနၢ်ကွၢ်ထွဲအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:3

ဖဲပှၤအိၣ်မူတ့ၢ်တဖၣ်ဟဲက့ၤဆူတၢ်သူၣ်ဒဲအလီၢ်န့ၣ်, ကီၢ်အံၣ်စရ့လးအခိၣ်အနၢ်တဖၣ်စံးဝဲ, “ဘၣ်မနုၤယွၤပျဲ ပှၤဖလ့ၡသးဖိတဖၣ်မၤနၢၤပှၤတနံၤအံၤန့ၣ်လဲၣ်. မ်ပလဲၤဒီးဟံးန့ၢ်ယွၤအတၢ်အၢၣ်လီၤအီလီၤအတလါစီဆှံလၢ ဝ့ၢ်ၡံလိၤဒ်သိးကလဲၤဃုာ်ဒီးပှၤဒီးအုၣ်က့ၤခီၣ်က့ၤပှၤလၢ ပဒုၣ်ပဒါအစုပူၤအဂီၢ်တက့ၢ်.”