လံာ်တၢ်ဂံၢ် 10:32 - Sgaw Karen Common Bible

³² နမ့ၢ်ဟဲဃုာ်ဒီးပှၤန့ၣ်, ပကနီၤဟ့ၣ်နၤလၢကယဲၢ်တၢ်ဆိၣ်ဂ့ၤတဖၣ် လၢယွၤဟ့ၣ်လီၤပှၤတဖၣ်န့ၣ်လီၤ.”

လံာ်တၢ်ဂံၢ် 10:32 Iomraidhean Croise

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 10:18

အဝဲမၤလီၤတံၢ်ဝဲလၢဖိၣ်ဃဲတဖၣ်ဒီးမုၣ်ကမဲတဖၣ်ကဘၣ်တၢ်မၤ အီၤတီတီလိၤလိၤန့ၣ်လီၤ. အဝဲအဲၣ်ပှၤတခီဘီမုၢ်ဖိတဖၣ်လၢအအိၣ်ဆိးဝဲလၢပပှၤဂီၢ်မုၢ်အကျါ, ဒီးဟ့ၣ်လီၤအဝဲသ့ၣ်လၢတၢ်အီၣ်တၢ်အီဒီးတၢ်ကူတၢ်သိးတဖၣ်န့ၣ်လီၤ.

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.

လံာ်ပှၤစံၣ်ညီၣ်ကွီၢ် 1:16

ဒီးပှၤက့ၣ်ဖိ, စီၤမိၤၡ့အမံၤပှၢ်အစၢၤအသွဲၣ်တဖၣ်လဲၤဃုာ်တၢ် ဒီးယူဒၤအပှၤဂီၢ်မုၢ်စးထီၣ်လၢဝ့ၢ်ယရံၤဃိ, ဝ့ၢ်လၢအအိၣ်ဒီးသ့ၣ်စူၣ်ပလူၣ်တဖၣ်ဒီးပၢၢ်တုၤဆူကီၢ်ယူဒၤ အဝ့ၢ်ဧရးအကလံၤထံးဖဲတၢ်မုၢ်တၢ်ဘိတကဲထီၣ်ဘၣ်အလီၢ်န့ၣ်လီၤ. ဒီးဖဲန့ၣ်အဝဲသ့ၣ်အိၣ်ဆိးဃုာ်ဒီးပှၤဧမၤလ့းဖိတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:11

ဖဲအကတီၢ်အဝဲန့ၣ်, ပှၤက့ၣ်ဖိစီၤဃ့ဘ့ၢ်သူၣ်ထီၣ်အဒဲဘူးဒီးက့ဒ့ၣ်, ဖဲပျီစၤဧနဲၣ်အသ့ထိးဖၣ်တထံးအဃၢၤန့ၣ်လီၤ. အဝဲဟးဖးတ့ၢ်ဒီးပှၤက့ၣ်ဖိအဂၤတဖၣ်လၢအမ့ၢ်စီၤမိၤၡ့အမံၤပှၢ်စီၤဃိဘာ်အစၢၤအသွဲၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”