လံာ်တၢ်ဂံၢ် 10:21 - Sgaw Karen Common Bible

²¹ အန့ၣ်ဝံၤဒီးပှၤလ့ၤဝံဖိစီၤကဃးအဒူၣ်ထၢကဟးထီၣ်စိာ်တၢ်စီ ဆှံအပီးအလီတဖၣ်န့ၣ်လီၤ. အဆၢကတီၢ်ဖဲအဝဲသ့ၣ်တုၤဃီၤဆူသူၣ်ဒဲအလီၢ်လၢခံတတီၤန့ၣ်ဒဲ စီဆှံဘၣ်တၢ်ထီထီၣ်ကဒီးအီၤန့ၣ်လီၤ.

လံာ်တၢ်ဂံၢ် 10:21 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:2

အန့ၣ်ဒီးအဝဲစံးဝဲဒၣ်, “ထဲပှၤလ့ၤဝံဖိတဖၣ်ဧိၤ, ကြၢးစိာ်တၢ်အၢၣ်လီၤအီလီၤအတလါမ့ၢ်လၢ, အဝဲသ့ၣ်, မ့ၢ်ပှၤတဖုလၢယွၤဃုထၢတ့ၢ်အီၤလၢကစိာ်တလါအဂီၢ်ဒီးမၤအတၢ် မၤလီၤစိၤလီၤဃၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:24

ပှၤသ့ၣ်တဖၣ်အံၤမ့ၢ်စီၤလ့ၤဝံအစၢၤအသွဲၣ်တဖၣ်ဒ်အဒူၣ်ထၢတဖၣ် ဒီးအဟံၣ်ဖိဃီဖိတဖၣ်အိၣ်ဝဲအသိး, ဒီးအဝဲသ့ၣ်ကိးဂၤဒဲးဘၣ်တၢ်ထၢဒီးကွဲးနီၣ်အမံၤဒ်အအိၣ်ဝဲ အသိးန့ၣ်လီၤ. အဝဲအစၢၤအသွဲၣ်တဖၣ်လၢအသးအိၣ်အနံၣ်ခံဆံဒီးအါန့ၢ်အန့ၣ်တဂၤ ဘၣ်တဂၤစုာ်စုာ်အိၣ်ဒီးအမူအဒါလၢအလီၤဘၣ်အီၤတဂၤတမံၤလၢ ယွၤအတၢ်လုၢ်ဟံၣ်အပူၤန့ၣ်လီၤ.

လံာ်တၢ်ဂံၢ် 1:51

ဖဲသုသုးသုသူၣ်ဒဲအလီၢ်တဘျီလၢ်လၢ်န့ၣ်, ပှၤလ့ၤဝံဖိတဖၣ်ကရူၢ်လီၤဒဲစီဆှံဒီးသူၣ်ထီၣ်ကဒီးအီၤဖဲ တၢ်သူၣ်ထီၣ်ဒဲအလီၢ်အသီတတီၤကဒီးစုာ်စုာ်န့ၣ်လီၤ. ပှၤအဂၤတဂၤလၢ်လၢ်လၢအဟဲဘူးဒီးဒဲစီဆှံန့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

လံာ်တၢ်ဂံၢ် 10:17

အန့ၣ်ဝံၤဒီးဒဲစီဆှံကဘၣ်တၢ်ရူၢ်လီၤကွံာ်အီၤဒီးစီၤက့ ရၡိၣ်ဒီးစီၤမရၤရံၤအဒူၣ်ထၢတဖၣ်လၢအစိာ်ဒဲန့ၣ်ကဟးထီၣ်ဝဲ လီၤ.

လံာ်တၢ်ဂံၢ် 10:20

ဒီးစီၤဒဧူၤအ့လးအဖိခွါစီၤအ့လယၤစာ်ပၢဆှၢစီၤကးအဒူၣ် န့ၣ်လီၤ.

လံာ်တၢ်ဂံၢ် 2:17

အန့ၣ်ဝံၤဒီး, လၢပှၤအခီၣ်ထံးခံကရူၢ်ဒီးပှၤအလီၢ်ခံကတၢၢ်ခံ ကရူၢ်အခၢၣ်သးန့ၣ်ပှၤလ့ၤဝံဖိတဖၣ်ကလဲၤထီၣ်ဒီးစိာ်ဃုာ်ဒဲစီ ဆှံန့ၣ်လီၤ. တကရူၢ်ဘၣ်တကရူၢ်စုာ်စုာ်န့ၣ်ကလဲၤထီၣ်ဒ်တၢ်ရဲၣ်လီၤအသးအသိးဒ် အသူၣ်ဒဲလီၢ်အိၣ်ဝဲအသိးန့ၣ်လီၤ. ဒီးတကရူၢ်ဘၣ်တကရူၢ်ကအိၣ်လၢအနီၣ်တယၢ်ဒၣ်ဝဲအဖီလာ်န့ၣ်လီၤ.

လံာ်တၢ်ဂံၢ် 4:20

ဘၣ်ဆၣ်ဒီးပှၤကဃးဖိတဖၣ်မ့ၢ်နုာ်လီၤဆူဒဲစီဆှံအပူၤဒီး ထံၣ်ပှၤလုၢ်တၢ်အခိၣ်တဖၣ်ကတဲာ်ကတီၤတၢ်စီဆှံအပီးအလီ တဖၣ်လၢတၢ်သုးအီၤအဂီၢ်န့ၣ်အဝဲသ့ၣ်ကသံဝဲလီၤ.”

လံာ်တၢ်ဂံၢ် 7:9

ဘၣ်ဆၣ်ဒီးစီၤမိၤၡ့တဟ့ၣ်လ့ၣ်နီတခိၣ်, ကျီၢ်ဖါနီတဒုဆူ ပှၤကဃးဖိတဖၣ်အအိၣ်ဘၣ်. အဂ့ၢ်ဒ်အံၤ, တၢ်အပီးအလီစီဆှံလၢအဝဲသ့ၣ်ကဘၣ်အံးထွဲကွၢ် ထွဲဝဲတဖၣ်န့ၣ်ကဘၣ်ယိးဒၣ်ဝဲလၢအဖံဘၣ်ခိၣ်အလိၤန့ၣ်လီၤ.