လံာ်တၢ်ဂံၢ် 10:12 - Sgaw Karen Common Bible

¹² ဒီးပှၤအံၣ်စရ့လးဖိတဖၣ်စးထီၣ်အတၢ်လဲၤဟးထီၣ်ကွံာ်လၢကစၢၢ် နံၤနါအပှၢ်မုၢ်ကနၢပူၤန့ၣ်လီၤ. တၢ်အၢၣ်န့ၣ်ဟဲလီၤဒီးအိၣ်ကတီၢ်ဝဲဖဲပှၢ်မုၢ်ကနၢပၤရၣ်န့ၣ်လီၤ.

လံာ်တၢ်ဂံၢ် 10:12 Iomraidhean Croise

လံာ်တၢ်ကဲထီၣ်အခီၣ်ထံး 14:6

ဒီးပှၤဃိၢ်ဖိအိၣ်လၢကီၢ်အဒိၣ်အကစၢၢ်ကလိတဖၣ်အကျါ, ဒီးလူၤထွဲအဝဲသ့ၣ်ယံၤတုၤဆူဝ့ၢ်အ့လးဖရၣ်အိၣ်လၢမဲးမုၢ် ခိၣ်အဃၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 21:21

အမိၢ်ဃုထံၣ်န့ၢ်အီၤအဲၤကူပတူးမုၣ်တဂၤလၢကကဲထီၣ်အမါအဂီၢ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:18

အဝဲသ့ၣ်ဟးထီၣ်ကွံာ်လၢကီၢ်မံးဒယၣ်အပူၤဒီးလဲၤဝဲဆူကီၢ်ပၤ ရၣ်ဖဲပှၤအဂၤတနီၤပာ်ဖှိၣ်ထီၣ်အသးဒီးအဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်လဲၤဝဲဆူကီၢ်အဲၤကူပတူး, ဒီးလဲၤဝဲဆူစီၤပၤအအိၣ်, ဒီးစီၤပၤဟ့ၣ်လီၤစီၤဟၤဒးလၢတၢ်လီၢ်တနီၤ, ဒီးဟံၣ်တဖျၢၣ်ဒီးဟ့ၣ်လီၤအီၤလၢတၢ်အီၣ်တၢ်အီန့ၣ်လီၤ.

လံာ်တၢ်ဟးထီၣ်ကွံာ် 13:20

ပှၤအံၣ်စရ့လးဖိတဖၣ်ဟးထီၣ်လၢဝ့ၢ်စူးကိၤသးဒီးသူၣ်လီၤအဒဲ တဖၣ်ဖဲဝ့ၢ်အ့သၣ်လၢပှၢ်မုၢ်ကနၢအဃၢၤန့ၣ်လီၤ.

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

လံာ်တၢ်ဂံၢ် 1:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အပူၤ, ပူၤကွံာ်ခံနံၣ်တနံၣ်, လါခံလါတလါထီၣ်အခီၣ်ထံးကတၢၢ်တသီ န့ၣ်ယွၤကတိၤတၢ်ဒီးစီၤမိၤၡ့လၢယွၤအိၣ်ဝဲဆိးဝဲ အဒဲစီဆှံပူၤလၢကစၢၢ်စံၤနါအပှၢ်မုၢ်ကနၢပူၤန့ၣ်လီၤ. ယွၤစံးဝဲဒၣ်,

လံာ်တၢ်ဂံၢ် 10:33

ဖဲပှၤဂီၢ်မုၢ်ဟးထီၣ်ကွံာ်လၢစံၤနါကစၢၢ်စီဆှံန့ၣ်, အဝဲသ့ၣ်လဲၤတၢ်သၢသီလီၤ. ယွၤအတၢ်အၢၣ်လီၤအီလီၤအတလါစီဆှံလဲၤတၢ်လၢအဝဲသ့ၣ်အမဲာ်ညါ တဘိယူၢ်ဃီဒ်သိးကဃုန့ၢ်တၢ်လီၢ်တတီၤလၢအဝဲသ့ၣ်ကသူၣ်အဒဲအဂီၢ် န့ၣ်လီၤ.

လံာ်တၢ်ဂံၢ် 12:16

အန့ၣ်ဝံၤဒီးအဝဲသ့ၣ်ဟးထီၣ်ကွံာ်လၢဃစ့ရိၤဒီးသူၣ်ဒဲလၢပၤရၣ်အပှၢ်မုၢ်ကနၢပူၤန့ၣ်လီၤ.

လံာ်တၢ်ဂံၢ် 13:26

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.

လံာ်တၢ်ဂံၢ် 13:3

စီၤမိၤၡ့စူၢ်တၢ်ဒီးလၢပၤရၣ်အပှၢ်မုၢ်ကနၢန့ၣ်အဝဲဆှၢလီၤ ပှၤခိၣ်ပှၤနၢ်တဖၣ်ဒ်လၢလာ်အံၤအသိးန့ၣ်လီၤ. ပှၤအဒူၣ် ခိၣ်နၢ် ရူၤဘ့ၣ် စီၤစးကူၢ်အဖိခွါစီၤၡးမူၤ စူၤမ့းအိၣ် စီၤဃိရံၤအဖိခွါစီၤၡၤဖး ယူဒၤ စီၤယဖူန့ၤအဖိခွါစီၤကၤလ့း ယံးစၣ်ကၢ် စီၤယိၤသးအဖိခွါစီၤယံးကအၤလး အ့ၤဖရဲၣ် စီၤနိၣ်အဖိခွါစီၤယိၤၡူ ဘံၣ်ယၤမံၣ် စီၤရါဖူၤအဖိခွါစီၤပးလတံၤ စဘူလိၣ် စီၤစိဒံၤအဖိခွါစီၤကးဒံၤအ့လး မနၤၡ့ၤ စီၤစူစံၤအဖိခွါစီၤကၤဒံ ဒၣ် စီၤကမးလံၤအဖိခွါစီၤဧးမံၤအ့လး အၤၡ့ၢ် စီၤမံၤက့လးအဖိခွါစီၤစသူၢ် နးသၤလံ စီၤဝးဖစံၤအဖိခွါ, စီၤဃၤနဘံ ကံး စီၤမၤကံအဖိခွါစီၤကအူၤမ့လး

လံာ်တၢ်ဂံၢ် 2:34

မၤသးဒ်န့ၣ်ဒီး, ကီၢ်အံၣ်စရ့လးအပှၤဂီၢ်မုၢ်မၤကယဲၢ်တၢ်ကိး မံၤဒဲးဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ. အဝဲသ့ၣ်ပာ်လီၤအသူၣ်ဒဲလီၢ်လၢအနီၣ်တယၢ်ဒၣ်ဝဲအဖီလာ်ဒီးအဝဲ သ့ၣ်လဲၤထီၣ်ဝဲ, တကရူၢ်ဘၣ်တကရူၢ်စုာ်စုာ်လၢအဒူၣ်အထၢဒၣ်ဝဲ အပူၤန့ၣ်လီၤ.

လံာ်တၢ်ဂံၢ် 9:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အလီၢ်ခံ, ပူၤကွံာ်ခံနံၣ်တနံၣ်, လၢအခီၣ်ထံးကတၢၢ်တလါန့ၣ်ယွၤကတိၤတၢ်ဒီးစီၤမိၤၡ့လၢ ကစၢၢ်စံၤနါအပှၢ်မုၢ်ကနၢအပူၤန့ၣ်, ဒီးစံးဝဲဒၣ်,

လံာ်တၢ်ဂံၢ် 9:17

တဘျီလၢ်လၢ်ဖဲတၢ်အၢၣ်သုးထီထီၣ်အသးန့ၣ်, ကီၢ်အံၣ်စရ့လးအပှၤ ဂီၢ်မုၢ်ရူၢ်လီၤအသူၣ်ဒဲအလီၢ်ဒီးလဲၤသူၣ်ထီၣ်က့ၤဝဲဖဲတၢ်လီၢ် လၢတၢ်အၢၣ်ဟဲလီၤဝဲန့ၣ်လီၤ.

လံာ်တၢ်ဂံၢ် 9:5

ဒီးလၢလါအခီၣ်ထံးကတၢၢ်တလါထီၣ်တဆံလွံၢ်သီတသီ အဟါန့ၣ်အဝဲသ့ၣ်မၤတ့ၢ်ဝဲဒ်န့ၣ်လၢကစၢၢ်စံၤနါအပှၢ်မုၢ်ကနၢ အပူၤန့ၣ်လီၤ. ပှၤဂီၢ်မုၢ်မၤတ့ၢ်တၢ်ကိးမံၤဒဲးဒ်ယွၤမၤလိာ်စီၤမိၤၡ့ အသိးန့ၣ်လီၤ.

လံာ်သိၣ်လီၤသီလီၤတၢ် 1:1

လၢလံာ်အံၤအပူၤအိၣ်ဒီးတၢ်ကတိၤတဖၣ်လၢစီၤမိၤၡ့ကတိၤတ့ၢ် ဝဲဆူကီၢ်အံၣ်စရ့လးအပှၤဂီၢ်မုၢ်, ဖဲအဝဲသ့ၣ်အိၣ်လၢပှၢ်မုၢ်ကနၢအပူၤလၢထံကျိယၢ်ဒ့ၣ်အမုၢ်ထီၣ် အခါန့ၣ်လီၤ. အဝဲသ့ၣ်အိၣ်လၢထံကျိယၢ်ဒ့ၣ်အတၢ်တြီၤပူၤဘူးဒီးဝ့ၢ်စူး, လၢအအိၣ်ဖဲလၢတၢ်ဘၢၣ်စၢၤဖဲတခီမ့ၢ်ဝ့ၢ်ပၤရၣ်ဒီးလၢအဂၤတခီ န့ၣ်အိၣ်ဒီးဝ့ၢ်တိဖလး, ဝ့ၢ်လၤဘၣ်, ဝ့ၢ်ဃစ့ရိးဒီးဝ့ၢ်ဒံစၤဟးတဖၣ်န့ၣ်လီၤ.

လံာ်သိၣ်လီၤသီလီၤတၢ် 1:19

ပမၤတၢ်လၢယွၤ, ပကစၢ်ယွၤမၤလိာ်တ့ၢ်ပှၤန့ၣ်လီၤ. ပဟးထီၣ်ကွံာ်လၢကစၢၢ်စံၤနါ, ဒီးလဲၤခီဖျိပှၢ်မုၢ်ကနၢဖး ဒိၣ်ဖးလဲၣ်ဒီးလီၤပျံၤလီၤဖုး, လၢပတၢ်လဲၤကျဲဆူပှၤဧၣ်မိၣ်ဖိတဖၣ်အကီၢ်လၢအပှဲၤဒီးတၢ်လူၢ်တၢ်တြီၤန့ၣ်လီၤ. ဖဲပလဲၤတုၤလၢဝ့ၢ်ကၤဒ့ၣ်ဘၢ်န့န့ၣ်,

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:1

စီၤၡမူၤအ့လးသံဝဲဒီးကယဲၢ်ပှၤအံၣ်စရ့လးဖိတဖၣ်ဟဲသကိး ဒီးဟီၣ်တၢ်ယၢၤတၢ်လၢအဃိလီၤ. အန့ၣ်ဝံၤဒီးအဝဲသ့ၣ်ခူၣ်လီၤအီၤလၢအဟံၣ်လၢဝ့ၢ်ရၤမါအပူၤ န့ၣ်လီၤ.