လံာ်တၢ်ဂံၢ် 10:10 - Sgaw Karen Common Bible

¹⁰ ဒ်န့ၣ်အသိးလၢတၢ်သူၣ်ခုသးခုအကတီၢ်တဖၣ်လၢအမ့ၢ်, သုလါထီၣ်သီအမူးတဖၣ်ဒီးသုတၢ်ဘူၣ်တၢ်ဘါအမူးအဂၤတဖၣ်အခါ န့ၣ်, သုကဘၣ်အူထီၣ်ကွဲၤတဖၣ်န့ၣ်ဖဲသုဟ့ၣ်ထီၣ်သုတၢ်လုၢ်မ့ၣ် အူတဖၣ်ဒီးတၢ်လုၢ်မၤဃူမၤဖိးတဖၣ်အကတီၢ်န့ၣ်လီၤ. အန့ၣ်တစု, ယကမၤစၢၤသုလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလီၤ.”

လံာ်တၢ်ဂံၢ် 10:10 Iomraidhean Croise

လံာ်စီၤပၤခံဘ့ၣ်တဘ့ၣ် 4:23

အဝၤသံကွၢ်အီၤ, “ဘၣ်မနုၤလၢနကဘၣ်လဲၤတၢ်တနံၤအံၤန့ၣ်လဲၣ်. တနံၤအံၤတမ့ၢ်မုၢ်အိၣ်ဘှံးနံၤမ့ၢ်ဂ့ၤ, လါထီၣ်သီအနံၤအမူး မ့ၢ်ဂ့ၤန့ၣ်ဘၣ်.” ပိာ်မုၣ်န့ၣ်စံးဆၢအီၤ, “အတွးတအိၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 15:24

ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤၡဘၤနယၤ, စီၤယဟိၡၤဖး, စီၤနၤသန့လး, စီၤဧမၤစဲ, စီၤစကၤရယါ, စီၤဘနါယၤဒီးစီၤ အလၤဧစၢ်တဖၣ်ဘၣ်တၢ်ဃုထၢအီၤလၢကအူကွဲၤတဖၣ်လၢတၢ်အၢၣ်လီၤအီ လီၤအတလါအမဲာ်ညါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:28

အန့ၣ်ဒီးကယဲၢ်ပှၤအံၣ်စရ့လးဖိခဲလၢာ်ပိာ်ထီၣ်တၢ်အၢၣ်လီၤအီ လီၤတလါစီဆှံအခံဆူဝ့ၢ်ယရူၤၡလ့ၣ်အိၣ်ဃုာ်ဒီးတၢ်သူၣ်ခု သးခုအကိးပသူအသီၣ်တဖၣ်, ကွဲၤတဖၣ်, တနွဲတဖၣ်, ဒီးစှၢၢ်စှံးတဖၣ်အသီၣ်ဒီးသီတူၢ်တဖၣ်အတၢ်သးဝံၣ်အသီၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:42

စီၤဟ့မၣ်ဒီးစီၤယဒူသူၣ်မ့ၢ်စ့ၢ်ကီးပှၤအခိၣ်တဖၣ်လၢကွဲၤတ ဖၣ်, စှၢၢ်စှံးတဖၣ်, ဒီးတၢ်ဒ့တၢ်အူအပီးအလီအဂၤအဂီၢ်လၢအဘၣ်တၢ် ဒ့အီၤဖဲတၢ်သးဝံၣ်စံးထီၣ်ပတြၢၤဘၣ်တၢ်သးဝံၣ်အီၤအခါန့ၣ်လီၤ. စီၤယဒူသူၣ်အဒူၣ်ထၢဖိတဖၣ်န့ၣ်မ့ၢ်ပှၤအခိၣ်လၢတၢ်ပၢၤတြဲၤ တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:26

တၢ်ပီးတၢ်လီတဖၣ်ဒ်စီၤပၤစီၤဒၤဝံးသူတ့ၢ်ဝဲန့ၣ်လီၤ. ပှၤလုၢ်တၢ်အခိၣ်တဖၣ်စ့ၢ်ကီးဆၢထၢၣ်ဖဲန့ၣ်အိၣ်ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:28

ကယဲၢ်ပှၤခဲလၢာ်လၢအအိၣ်ဖဲန့ၣ်, ဘူၣ်ထီၣ်ဘါထီၣ်သကိးတၢ်, ဒီးတၢ်သူၣ်ဝံၣ်သးဆၢဒီးတၢ်ဒ့တၢ်အူအဂၤတဖၣ်သီၣ်ထွဲဝဲ တုၤလၢကယဲၢ်တၢ်လုၢ်တၢ်ပာ်ခဲလၢာ်ဘၣ်တၢ်ဆူးကဲၤအီၤဝံၤန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:6

ပှၤလုၢ်တၢ်အခိၣ်တဖၣ်ဆၢထၢၣ်ဝဲဖဲတၢ်လီၢ်တဖၣ်လၢအဘၣ်တၢ်ပာ်လီၤ အီၤဒီးလၢအဝဲသ့ၣ်အမဲာ်ညါလိၤလိၤန့ၣ်, ပှၤလ့ၤဝံဖိတဖၣ်ဆၢထၢၣ်ဝဲစံးထီၣ်ပတြၢၤယွၤလၢတၢ်ဒ့တၢ်အူ အပီးအလီတဖၣ်လၢစီၤပၤဒၤဝံးမၤပာ်စၢၤတ့ၢ်ဝဲ, ဒီးသးဝံၣ်ထါသးဝံၣ်, “အဝဲအတၢ်အဲၣ်မ့ၢ်တၢ်အထူအယိာ်” ဒ်အဝဲသ့ၣ်ဘၣ်တၢ်မၢတ့ၢ်ဒီးဟ့ၣ်စိဟ့ၣ်ကမီၤအီၤလၢစီၤဒၤဝံး အသိးန့ၣ်လီၤ. ဖဲပှၤဂီၢ်မုၢ်ခဲလၢာ်ဆၢထၢၣ်ဝဲန့ၣ်, ပှၤလုၢ်တၢ်အခိၣ်တဖၣ်အူထီၣ်ကွဲၤတဖၣ်န့ၣ်လီၤ.

လံာ်စီၤဧ့စြၤ 3:10

တုၤပှၤတဖၣ်န့ၣ်စးထီၣ်ပာ်လီၤတၢ်လုၢ်ဟံၣ်အလၢၢ်သနၢၣ်ဒီးပှၤလုၢ် တၢ်အခိၣ်လၢအအိၣ်ဒီးအဆ့ကၤဒိၣ်တဖၣ်ဟံးန့ၢ်အလီၢ်အိၣ်ဒီးကွဲၤ တဖၣ်လၢအစုပူၤ, ဒီးပှၤလ့ၤဝံဖိတဖၣ်လၢစီၤအၤစာ်အဒူၣ်အထၢတဖၣ်ဆၢထၢၣ်ဖဲန့ၣ် အိၣ်ဒီးအစှၢၣ်စှံးတဖၣ်န့ၣ်လီၤ. အဝဲသ့ၣ်စံးထီၣ်ပတြၢၤယွၤဒ်တၢ်မၤလိာ်လၢအဘၣ်တၢ်ဟ့ၣ်လီၤတ့ၢ် အီၤလၢစီၤပၤစီၤဒၤဝံးအစိၤအသိးန့ၣ်လီၤ.

လံာ်စီၤနဃ့မယၤ 12:35

ပှၤလၢခံလၢအပိာ်ထီၣ်အခံန့ၣ်မ့ၢ်ဝဲစီၤစကၤရယၤလၢအမ့ၢ်စီၤ ယိနၤသၣ်အဖိခွါဒီးစီၤၡမါယၤအလံၤခွါန့ၣ်လီၤ. (အမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်စ့ၢ်ကီးဒီးစီၤမးတၤနယၤ, စီၤမံၤကါယၤ, ဒီးစီၤစးကူၢ်လၢစီၤအၤစာ်အဒူၣ်ထၢန့ၣ်လီၤ).

စံးထီၣ်ပတြၢၤ 150:3

စံးထီၣ်ပတြၢၤအီၤလၢကွဲၤအသီၣ်န့ၣ်တက့ၢ်. စံးထီၣ်ပတြၢၤအီၤလၢသီတူၢ်ဒီးတနၢ်တက့ၢ်.

စံးထီၣ်ပတြၢၤ 81:3

အူထီၣ်ကွဲၤလၢဘူၣ်အဂီၢ်, ဖဲလါထီၣ်သီဒီးဖဲလါပှဲၤအနံၤန့ၣ်တက့ၢ်.

စံးထီၣ်ပတြၢၤ 81:4

အဂ့ၢ်ဒ်အံၤ, တၢ်အံၤမ့ၢ်တၢ်သိၣ်တၢ်သီလၢ အံၣ်စရ့လးအကီၢ်ပူၤ, ဒီးမ့ၢ်စီၤယၤကိာ်အကစၢ်ယွၤအတၢ်မၤလိာ်န့ၣ်လီၤ.

စံးထီၣ်ပတြၢၤ 89:15

ပှၤဂီၢ်မုၢ်လၢအဘါထီၣ်နၤ အိၣ်ဒီးတၢ်သးဝံၣ်တဖၣ်, လၢအအိၣ်လၢနတၢ်သးကညီၤအတၢ်ကပီၤ အပူၤန့ၣ်ဘၣ်ဆိၣ်ဂ့ၤဝဲလီၤ.

လံာ်တၢ်ဟးထီၣ်ကွံာ် 28:29

ဖဲစီၤအၤဟရိၣ်ဟဲနုာ်လီၤဆူတၢ်အလီၢ်စီဆှံဒီးအဝဲကသိးထီၣ် ဝဲသဃိးအံၤလၢပှၤအံၣ်စရ့လးဖိအဒူၣ်တဖၣ်အမံၤစိးပျၤတ့ၢ်အသး လၢအလိၤဒ်သိးယၤ, ယွၤ, ကသ့ၣ်နီၣ်ထီၣ်ယပှၤဂီၢ်မုၢ်တဘိယူၢ်ဃီန့ၣ်လီၤ.

လံာ်တၢ်ဟးထီၣ်ကွံာ် 30:16

ထၢဖှိၣ်စ့တဖၣ်အံၤလၢကီၢ်အံၣ်စရ့လးအပှၤဂီၢ်မုၢ်အအိၣ်ဒီးသူ အီၤလၢတၢ်ကွၢ်ထွဲဒဲစီဆှံလၢယအိၣ်ယဆိးန့ၣ်အဂီၢ်တက့ၢ်. တၢ်အခိအသွဲအံၤကဘၣ်မ့ၢ်တၢ်ဟ့ၣ်တၢ်အပှ့ၤလၢအဝဲသ့ၣ်အသးသမူအဂီၢ်, ဒီးယကသ့ၣ်နီၣ်ထီၣ်လၢယကဒီဒၣ်အိၣ်ပှိၤအဝဲသ့ၣ်အဂီၢ်န့ၣ်လီၤ.”

လံာ်ယၡါယၤ 27:13

တုၤမုၢ်တနံၤန့ၣ်ဟဲဝဲဒီး, ကွဲၤတဖျၢၣ်ကဘၣ်တၢ်အူထီၣ် အီၤလၢတၢ်ကိးက့ၤပှၤအံၣ်စရ့လးဖိခဲလၢာ်လၢဘၣ်တၢ်စိာ် မၢကဲကုၢ်အီၤလၢကီၢ်အၤၡူၢ်ဒီးကီၢ်အဲၤကူပတူးန့ၣ်လီၤ. အဝဲသ့ၣ်ကဟဲဒီးဘူၣ်ထီၣ်ဘါထီၣ်ယွၤလၢဝ့ၢ်ယရူၤၡလ့ၣ်, လၢအကစၢၢ်စီဆှံအလိၤန့ၣ်လီၤ.

လံာ်တၢ်ဂံၢ် 10:9

ဖဲသုဒုးတၢ်ယၤတၢ်လၢသုကီၢ်ပူၤ, ဒီးသုကဘၣ်ဒီဒၣ်သုသးထီ ဒါသုဒုၣ်သုဒါလၢအဟဲဒုးတၢ်ဒီးသုအခါန့ၣ်, အူထီၣ်တၢ်ဒုးသုးအတၢ်ပနီၣ်လၢကွဲၤတဖၣ်အံၤတက့ၢ်. ယၤ, ယွၤသုကစၢ်ယွၤကမၤစၢၤသုဒီးအုၣ်က့ၤခီၣ်က့ၤသုလၢသု ဒုၣ်သုဒါတဖၣ်အစုပူၤန့ၣ်လီၤ.

လံာ်တၢ်ဂံၢ် 28:11

လၢလါတလါစုာ်စုာ်ထီၣ်အခီၣ်ထံးကတၢၢ်တနံၤန့ၣ်, ဟ့ၣ်ထီၣ်တၢ်လုၢ်မ့ၣ်အူတမံၤဆူယွၤအအိၣ်တက့ၢ်. ကျီၢ်ဖါအသးစၢ်ခံဒု, သိဖါတဒု, သိဖါဖိအသးအိၣ်တနံၣ်နွံဒု, ခဲလၢာ်အံၤကဘၣ်ပူၤဒီးတၢ်သံၣ်သူမီၣ်ကျာ်တဖၣ်န့ၣ်လီၤ.

လံာ်တၢ်ဂံၢ် 29:1

လၢနွံလါတလါထီၣ်အခီၣ်ထံးကတၢၢ်တသီန့ၣ်, သုကဘၣ်ပာ်ဖှိၣ်ထီၣ် သုသးလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်မၤတဘၣ် တၢ်မၤအီၤနီတမံၤဘၣ်. လၢနံၤအဝဲန့ၣ်, န့ၣ်ကွဲၤတဖၣ်ကဘၣ်တၢ်အူထီၣ်အီၤလီၤ.

လံာ်မးသဲ 11:28

ပှၤလၢတၢ်ဘှံးအသးဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်. ဒီးယကဒုးအိၣ်ဘှံးသုလီၤ.

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

၁ သ့းစၤလနံ 4:16

တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”

လံာ်စီၤယိၤၡူ 6:4

ပှၤလုၢ်တၢ်အခိၣ်နွံဂၤ, တဂၤကစိာ်ကွဲၤတဖျၢၣ်စုာ်စုာ်, ကဘၣ်လဲၤတၢ်လၢတၢ်အၢၣ်လီၤအီလီၤ အတလါအမဲာ်ညါန့ၣ်လီၤ. ဒီးလၢနွံသီတသီန့ၣ်, နၤဒီးနသုးဖိတဖၣ်ကဘၣ်လဲၤတရံးဝ့ၢ်န့ၣ်နွံဝီဖဲပှၤလုၢ်တၢ် အခိၣ်တဖၣ်အူထီၣ်ကွဲၤအခါန့ၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.

လံာ်စီၤၡမူၤအ့လးအခီၣ်ထံးတဘ့ၣ် 20:5

စီၤဒၤဝံးစံးဝဲ, “ခဲမုၢ်ဆ့ၣ်န့ၣ်မ့ၢ်လါထီၣ်သီအမူးဒီး ယကဘၣ်အီၣ်တၢ်ဒီးစီၤပၤလီၤ. ဘၣ်ဆၣ်ဒီးမ့ၢ်ဘၣ်သူၣ်ဘၣ်သးနၤန့ၣ်, ယကလဲၤအိၣ်ခူသူၣ်လၢပျီပူၤတုၤလၢခဲတဆ့ၣ်တနံၤမုၢ်ဟါလီၤန့ၣ်လီၤ.