လံာ်တၢ်ဂံၢ် 10:1 - Sgaw Karen Common Bible

^1-2 ဒီးယွၤစံးဘၣ်စီၤမိၤၡ့, “ပိာ်န့ၢ်ကွဲၤခံဖျၢၣ်လၢစ့ညၣ်လၢနကသူအီၤလၢတၢ်ကိးဖှိၣ် ပှၤဂီၢ်မုၢ်အဂီၢ်ဒီးလၢတၢ်ရူၢ်လီၤသူၣ်ဒဲအလီၢ်အဂီၢ်တက့ၢ်.

လံာ်တၢ်ဂံၢ် 10:1 Iomraidhean Croise

လံာ်တၢ်ကဲထီၣ်အခီၣ်ထံး 42:13

အဝဲသ့ၣ်စံးဝဲ, “ကစၢ်ဧၢ, ပမ့ၢ်ပှၤဒီပုၢ်ဝဲၢ်ခွါခဲလၢာ်တဆံ ခံဂၤ, ပှၤတဂၤဃီလၢကီၢ်ကနၤဧၣ်ပူၤအဖိခွါတဖၣ်န့ၣ်လီၤ. ပဒီပုၢ်ဝဲၢ်ခွါတဂၤသံလံ. ဒီးခဲကနံၣ်အံၤပဒီပုၢ်ဝဲၢ်ခွါ အဆံးကတၢၢ်တဂၤန့ၣ်အိၣ်ဒီးပပၢ်လီၤ.”

လံာ်တၢ်ကဲထီၣ်အခီၣ်ထံး 46:15

လၢအဖိမုၣ်နီၢ်ဒံနၤအမဲာ်ညါန့ၣ်, ပှၤသ့ၣ်တဖၣ်အံၤ, မ့ၢ်ဖိခွါတဖၣ်လၢနီၢ်လ့ၤအၤဆံးစၢ်န့ၢ်လၢစီၤယၤကိာ်အဂီၢ် လၢကီၢ်မ့းစပတၤမံအပူၤန့ၣ်လီၤ. အစၢၤအသွဲၣ်တဖၣ်လၢနီၢ်လ့ၤအၤအတၢ်ဂံၢ်မ့ၢ်ဝဲခဲလၢာ်သၢဆံသၢ ဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:15

မၤသးဒ်န့ၣ်ဒီးအဝဲဒီးကယဲၢ်ပှၤအံၣ်စရ့လးဖိခဲလၢာ် က့ၤစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ယရူၤရှလ့ၣ်အိၣ် ဒီးတၢ်သူၣ်ခုသးခုအတၢ်ကိးပသူထီၣ်ဒီးကွဲၤတဖၣ်အသီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:14

ဖဲန့ၣ်အဝဲထံၣ်ဘၣ်စီၤပၤအသီဆၢထၢၣ်ဝဲဖဲတၢ်လဲၤနုာ်လီၤဆူ ယွၤအတၢ်လုၢ်ဟံၣ်အကျဲစၢၤအထူၣ်အကပၤဒ်တၢ်လုၢ်တၢ်လၢ်အိၣ်ဝဲ အသိးန့ၣ်လီၤ. စီၤပၤဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူ ကွဲၤတဖၣ်, ဒီးပှၤဂီၢ်မုၢ်ကိးထီၣ်လၢတၢ်သူၣ်ခုသးခုအပူၤခဲလၢာ်ဒီးအူ ထီၣ်ကွဲၤတဖၣ်န့ၣ်လီၤ. နီၢ်ဧသၤလယၤဖှီယာ်အကူအသိးတဖၣ်လၢတၢ်သူၣ်ကိၢ်သးဂီၤအပူၤ ဒီးကိးထီၣ်ဝဲ, “တၢ်ပူထီၣ်ထီဒါ, တၢ်ပူထီၣ်ထီဒါ” န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:13

ဖဲန့ၣ်အဝဲထံၣ်ဘၣ်စီၤပၤအသီတဂၤလၢယွၤအတၢ်လုၢ်ဟံၣ်အကျဲစၢၤ, ဆၢထၢၣ်ဝဲဖဲတၢ်လီၢ်လၢအဘၣ်တၢ်ပာ်လီၤဆီအီၤလၢစီၤပၤတဖၣ် အဂီၢ်ဒီးဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူကွဲၤ တဖၣ်န့ၣ်လီၤ. ကယဲၢ်ပှၤဂီၢ်မုၢ်ခဲလၢာ်ကိးသတြီထီၣ်လၢတၢ်သူၣ်ခုသးခု ဒီးအူထီၣ်ကွဲၤတဖၣ်, ဒီးယွၤအတၢ်လုၢ်ဟံၣ်အပှၤသးဝံၣ်တၢ်သ့ၣ်တဖၣ်ဆှၢဝဲတၢ်စံးထီၣ် ပတြၢၤန့ၣ်လၢအတၢ်ဒ့တၢ်အူ အပီးအလီတဖၣ်န့ၣ်လီၤ. နီၢ်ဧသၤလယၤဖှီယာ်ကွံာ်အကူအကၤတဖၣ်လၢတၢ်သူၣ်ဆါသးဆါ အပူၤဒီးကိးထီၣ်ဝဲ, “တၢ်ပူထီၣ်, တၢ်ပူထီၣ်” န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:12

ကယဲၢ်ပှၤသးဝံၣ်တၢ်ဖိ, ပှၤလ့ၤဝံဖိလၢအမ့ၢ်, စီၤအၤစာ်, စီၤဟ့ၤမၣ်ဒီးစီၤယဒူသူၣ်, ဒီးပှၤလၢအဝဲသ့ၣ်အဒူၣ်ထၢပူၤတ ဖၣ်, ကူသိးဝဲဒီးဖှီဝါကဆှၣ်လီၤ. ပှၤလ့ၤဝံဖိတဖၣ်အံၤဆၢထၢၣ်ဝဲဘူးဒီးတၢ်လုၢ်လီၢ်အမုၢ်ထီၣ် တကပၤ, အိၣ်ဒီးစှၢၣ်စှံးတဖၣ်ဒီးသီတူၢ်တဖၣ်, ဒီးဃုာ်ဒီးအဝဲသ့ၣ် န့ၣ်ပှၤလုၢ်တၢ်အခိၣ်လၢအအူကွဲၤတဖၣ်အိၣ်ဝဲတကယၤခံဆံဂၤန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:6

ပှၤလုၢ်တၢ်အခိၣ်တဖၣ်ဆၢထၢၣ်ဝဲဖဲတၢ်လီၢ်တဖၣ်လၢအဘၣ်တၢ်ပာ်လီၤ အီၤဒီးလၢအဝဲသ့ၣ်အမဲာ်ညါလိၤလိၤန့ၣ်, ပှၤလ့ၤဝံဖိတဖၣ်ဆၢထၢၣ်ဝဲစံးထီၣ်ပတြၢၤယွၤလၢတၢ်ဒ့တၢ်အူ အပီးအလီတဖၣ်လၢစီၤပၤဒၤဝံးမၤပာ်စၢၤတ့ၢ်ဝဲ, ဒီးသးဝံၣ်ထါသးဝံၣ်, “အဝဲအတၢ်အဲၣ်မ့ၢ်တၢ်အထူအယိာ်” ဒ်အဝဲသ့ၣ်ဘၣ်တၢ်မၢတ့ၢ်ဒီးဟ့ၣ်စိဟ့ၣ်ကမီၤအီၤလၢစီၤဒၤဝံး အသိးန့ၣ်လီၤ. ဖဲပှၤဂီၢ်မုၢ်ခဲလၢာ်ဆၢထၢၣ်ဝဲန့ၣ်, ပှၤလုၢ်တၢ်အခိၣ်တဖၣ်အူထီၣ်ကွဲၤတဖၣ်န့ၣ်လီၤ.

လံာ်စီၤဧ့စြၤ 3:10

တုၤပှၤတဖၣ်န့ၣ်စးထီၣ်ပာ်လီၤတၢ်လုၢ်ဟံၣ်အလၢၢ်သနၢၣ်ဒီးပှၤလုၢ် တၢ်အခိၣ်လၢအအိၣ်ဒီးအဆ့ကၤဒိၣ်တဖၣ်ဟံးန့ၢ်အလီၢ်အိၣ်ဒီးကွဲၤ တဖၣ်လၢအစုပူၤ, ဒီးပှၤလ့ၤဝံဖိတဖၣ်လၢစီၤအၤစာ်အဒူၣ်အထၢတဖၣ်ဆၢထၢၣ်ဖဲန့ၣ် အိၣ်ဒီးအစှၢၣ်စှံးတဖၣ်န့ၣ်လီၤ. အဝဲသ့ၣ်စံးထီၣ်ပတြၢၤယွၤဒ်တၢ်မၤလိာ်လၢအဘၣ်တၢ်ဟ့ၣ်လီၤတ့ၢ် အီၤလၢစီၤပၤစီၤဒၤဝံးအစိၤအသိးန့ၣ်လီၤ.

စံးထီၣ်ပတြၢၤ 47:5

ကစၢ်ယွၤက့ၤထီၣ်ဆူအလီၢ်ပစိာ်လီၤ. တၢ်သူၣ်ဖှံသးညီအတၢ်ကိးထီၣ်တဖၣ် ဒီးကွဲၤတဖၣ်သီၣ်ထီၣ်ဝဲ ဖဲယွၤက့ၤထီၣ်ဆူထးန့ၣ်လီၤ.

စံးထီၣ်ပတြၢၤ 81:3

အူထီၣ်ကွဲၤလၢဘူၣ်အဂီၢ်, ဖဲလါထီၣ်သီဒီးဖဲလါပှဲၤအနံၤန့ၣ်တက့ၢ်.

စံးထီၣ်ပတြၢၤ 98:6

အူထီၣ်ကွဲၤတဖၣ်ဒီး တနွဲတဖၣ်ဒီး ကိးထီၣ်လၢတၢ်သးခုဆူ ယွၤ, ပစီၤပၤတက့ၢ်.

လံာ်တၢ်ဂံၢ် 1:52

ပှၤအံၣ်စရ့လးဖိအဂၤခဲလၢာ်ကသူၣ်ထီၣ်အဒဲတဖုဘၣ်တဖု, ပှၤတဂၤစုာ်စုာ်ဒီးအကရူၢ်ဒၣ်ဝဲလၢအနီၣ်တယၢ်ဒၣ်ဝဲအဖီလာ်န့ၣ် လီၤ.

လံာ်တၢ်ဂံၢ် 29:1

လၢနွံလါတလါထီၣ်အခီၣ်ထံးကတၢၢ်တသီန့ၣ်, သုကဘၣ်ပာ်ဖှိၣ်ထီၣ် သုသးလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်မၤတဘၣ် တၢ်မၤအီၤနီတမံၤဘၣ်. လၢနံၤအဝဲန့ၣ်, န့ၣ်ကွဲၤတဖၣ်ကဘၣ်တၢ်အူထီၣ်အီၤလီၤ.

လံာ်တၢ်ဂံၢ် 7:2

အန့ၣ်ဝံၤဒီးဒူၣ်ထၢအပဒိၣ်တဖၣ်လၢအမ့ၢ်အံၣ်စရ့လးအဒူၣ်အခိၣ် အနၢ်တဖၣ်, ပှၤတဖုဃီလၢအကဲခိၣ်ကဲနၢ်လၢတၢ်ထၢဖှိၣ်ကွဲးနီၣ်ပှၤ အနီၣ်ဂံၢ်တဖၣ်န့ၣ်,

လံာ်တၢ်ဂံၢ် 9:23

အဝဲသ့ၣ်သူၣ်ထီၣ်ဒဲဒီးရူၢ်လီၤသူၣ်ဒဲအလီၢ်န့ၣ်လၢတၢ်ဒိကနၣ် ယွၤအကလုၢ်ဒ်အကတိၤတၢ်ခီဖျိစီၤမိၤၡ့အသိးန့ၣ်လီၤ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်စီၤယိၤၡူ 6:4

ပှၤလုၢ်တၢ်အခိၣ်နွံဂၤ, တဂၤကစိာ်ကွဲၤတဖျၢၣ်စုာ်စုာ်, ကဘၣ်လဲၤတၢ်လၢတၢ်အၢၣ်လီၤအီလီၤ အတလါအမဲာ်ညါန့ၣ်လီၤ. ဒီးလၢနွံသီတသီန့ၣ်, နၤဒီးနသုးဖိတဖၣ်ကဘၣ်လဲၤတရံးဝ့ၢ်န့ၣ်နွံဝီဖဲပှၤလုၢ်တၢ် အခိၣ်တဖၣ်အူထီၣ်ကွဲၤအခါန့ၣ်လီၤ.

လံာ်လီၣ်ဖျါ 8:2

တုၤနုၤတစု, ယထံၣ်ကလူးနွံဂၤလၢအအိၣ်ဆၢထၢၣ်လၢ ကစၢ်ယွၤအမဲာ်ညါ, ဒီးအဝဲသ့ၣ်ဘၣ်တၢ်ဟ့ၣ်အီၤလၢကွဲၤနွံ ဖျၢၣ်လီၤ.

လံာ်ပှၤစံၣ်ညီၣ်ကွီၢ် 7:20

ဒီးပှၤအဂၤခံဖုန့ၣ်မၤတၢ်တမံၤဃီဒ်န့ၣ်လီၤ. အဝဲသ့ၣ်ခဲလၢာ်စိာ်ဃာ်ဆှီလၢအစုစ့ၣ်, ကွဲၤလၢအစုထွဲဒီး ကိးပသူထီၣ်ဝဲ, “နးတဘ့ၣ်လၢယွၤဒီးစီၤကံးဒဧိၣ်အဂီၢ်” န့ၣ်လီၤ.