လံာ်တၢ်ဂံၢ် 1:51 - Sgaw Karen Common Bible

⁵¹ ဖဲသုသုးသုသူၣ်ဒဲအလီၢ်တဘျီလၢ်လၢ်န့ၣ်, ပှၤလ့ၤဝံဖိတဖၣ်ကရူၢ်လီၤဒဲစီဆှံဒီးသူၣ်ထီၣ်ကဒီးအီၤဖဲ တၢ်သူၣ်ထီၣ်ဒဲအလီၢ်အသီတတီၤကဒီးစုာ်စုာ်န့ၣ်လီၤ. ပှၤအဂၤတဂၤလၢ်လၢ်လၢအဟဲဘူးဒီးဒဲစီဆှံန့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

လံာ်တၢ်ဂံၢ် 1:51 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:7

တဘျီဃီန့ၣ်ယွၤ, ကစၢ်ယွၤအသးဒိၣ်ထီၣ်ဘၣ်စီၤဧူးစၤဒီးမၤသံကွံာ်အီၤ လၢအတယူးယီၣ်တၢ်အဃိန့ၣ်လီၤ. စီၤဧူးစၤသံဖဲန့ၣ်လၢယွၤအတၢ်အၢၣ်လီၤအီလီၤအတလါစီဆှံ အဃၢၤန့ၣ်လီၤ.

လံာ်တၢ်ဂံၢ် 10:11

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး ဝံၤအလီၢ်ခံ, ခံနံၣ်တနံၣ်, လါခံလါတလါထီၣ်အသီခံဆံအနံၤန့ၣ်, တၢ်အၢၣ်လၢယွၤအိၣ်ဝဲဆိးဝဲအဒဲစီဆှံအဖီခိၣ်န့ၣ်သုးထီထီၣ်အသး,

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 17:13

ပှၤတဂၤဂ့ၤတဂၤဂ့ၤမ့ၢ်လဲၤဘူးဘၣ်ထဲဒဲစီဆှံဧိၤဒီးကဘၣ်သံဝဲဒီး, ဂ့ၤလၢပသံခဲလၢာ်န့ၣ်လီၤ.

လံာ်တၢ်ဂံၢ် 17:5

အန့ၣ်ဒီးပှၤလၢယဃုထၢအီၤတဂၤအနီၣ်ထိးဘိန့ၣ်ကဒိးစၢ်ထီၣ်ဝဲလီၤ. လၢကျဲဒ်အံၤန့ၣ်ယကဆိကတီၢ်ကွံာ်ပှၤအံၣ်စရ့လးဖိတဖၣ်အံၤ အတၢ်ကဒူးကဒ့ၣ်ထီဒါသုတဘိယူၢ်ဃီန့ၣ်လီၤ.”

လံာ်တၢ်ဂံၢ် 18:22

ပှၤအံၣ်စရ့လးဖိအဂၤတဖၣ်တဘၣ်သုးဘူးအသးဆူဒဲစီဆှံ အအိၣ်နီတစုလၢၤဘၣ်. လၢကျဲဒ်အံၤအဃိန့ၣ်အဝဲသ့ၣ်ကဒုးလီၤဘၣ်တၢ်စံၣ်ညီၣ်သံလၢအဖီ ခိၣ်ဒၣ်ဝဲန့ၣ်လီၤ.

လံာ်တၢ်ဂံၢ် 18:3

အဝဲသ့ၣ်ကဘၣ်မၤလၢပှဲၤအမူအဒါတဖၣ်လၢနဂီၢ်ဒီးအမူ အဒါတဖၣ်လၢဒဲစီဆှံအပူၤ, ဘၣ်ဆၣ်ဒီးအဝဲသ့ၣ်တဘၣ်ထိးဘူးတၢ်အပီးအလီစီဆှံတဖၣ်လၢတၢ် အလီၢ်စီဆှံအပူၤမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲသ့ၣ်မ့ၢ်ထိးဘၣ်ဝဲဒီးအဝဲသ့ၣ်မ့ၢ်ဂ့ၤနၤမ့ၢ်ဂ့ၤကဘၣ် တၢ်မၤသံကွံာ်အီၤန့ၣ်လီၤ.

လံာ်တၢ်ဂံၢ် 18:4

အဝဲသ့ၣ်ကဘၣ်မၤတၢ်ဒီးနၤဒီးမၤလၢထီၣ်ပှဲၤထီၣ်အမူအဒါတဖၣ် လၢကယဲၢ်တၢ်မၤလၢဒဲစီဆှံပူၤအဂီၢ်, ဘၣ်ဆၣ်ဒီးပှၤလၢတကြၢးတဘၣ်တဖၣ်တဘၣ်မၤဃုာ်တၢ်ဒီးနၤဘၣ်.

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”

လံာ်တၢ်ဂံၢ် 3:10

နကဘၣ်ဃုထၢပာ်လီၤစီၤအၤဟရိၣ်ဒီးအဖိခွါတဖၣ်လၢကမၤပှၤလုၢ် တၢ်အခိၣ်အတၢ်မၤတဖၣ်အဂီၢ်န့ၣ်လီၤ. ဒီးပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.”

လံာ်တၢ်ဂံၢ် 3:38

စီၤမိၤၡ့, စီၤအၤဟရိၣ်ဒီးအဖိခွါတဖၣ်န့ၣ်ကဘၣ်သူၣ်ထီၣ်အဒဲ လၢဒဲစီဆှံအမဲာ်ညါလၢအမုၢ်ထီၣ်တခီန့ၣ်လီၤ. အဝဲသ့ၣ်အမူအဒါအိၣ်ဝဲလၢကမၤတၢ်ခ့တၢ်ပှၤအတၢ်မၤတဖၣ်လၢတၢ် အလီၢ်စီဆှံအပူၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. ပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤတဖၣ်န့ၣ်ကဘၣ်တၢ်မၤ သံကွံာ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:19

ယွၤမၤသံတ့ၢ်ပှၤအဂၤနွံဆံလၢဝ့ၢ်ဘ့ၤသၡ့မ့ၣ်အပူၤလီၤ. အဂ့ၢ်ဒ်အံၤ, အဝဲသ့ၣ်အိးထီၣ်ကွၢ်နုာ်ဝဲဒၣ်ဆူတၢ်အၢၣ်လီၤအီ လီၤအတလါစီဆှံအပူၤအဃိလီၤ. ဒီးပှၤဂီၢ်မုၢ်ဟီၣ်ဝဲယၢၤဝဲလၢယွၤဒုးအိၣ်ထီၣ် တၢ်မၤသံမၤဝီလၢအဝဲသ့ၣ်အကျါဒ်န့ၣ်အဃိလီၤ.