လံာ်တၢ်ဂံၢ် 1:50 - Sgaw Karen Common Bible

⁵⁰ အခိၣ်တလိာ်, ပာ်ပှၤလ့ၤဝံဖိတဖၣ်ဒ်ပှၤအံးထွဲကွၢ်ထွဲ ယအိၣ်ဝဲဆိးဝဲအဒဲစီဆှံဒီးကယဲၢ်အတၢ်ပီးတၢ်လီခဲလၢာ်အသိး တက့ၢ်. အဝဲသ့ၣ်ကဘၣ်စိာ်အီၤဃုာ်ဒီးအတၢ်ပီးတၢ်လီတဖၣ်, မၤတၢ်လၢအပူၤဒီးသူၣ်ထီၣ်အဒဲဝးတရံးအီၤန့ၣ်လီၤ.

လံာ်တၢ်ဂံၢ် 1:50 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 24:6

လၢတၢ်န့ၣ်အဃိ, အဝဲကိးနုာ်အဝဲသ့ၣ်အပှၤအခိၣ်စီၤယဟိယဒါဒီး ဃ့ဆူၣ်တၢ်စံးဝဲ, တၢ်ခိတၢ်သွဲလၢယွၤအခ့အပှၤစီၤမိၤၡ့ မၢပှၤဂီၢ်မုၢ်ဟ့ၣ်အီၤလၢတၢ်မၤစၢၤယွၤအိၣ်ဝဲဆိးဝဲအဒဲ အဂီၢ်န့ၣ်, ဘၣ်မနုၤလၢနတမၢပှၤလ့ၤဝံဖိတဖၣ်ထၢဖှိၣ်အီၤလၢကီၢ်ယူဒၤ ဒီးဝ့ၢ်ယရူၤရှလ့ၣ်အပူၤလဲၣ်.”

လံာ်စီၤနဃ့မယၤ 12:22

လၢပှၤလုၢ်တၢ်အခိၣ်အဒိၣ်ကတၢၢ်တဖၣ်လၢအမ့ၢ်စီၤအ့လယၡံာ်, စီၤယိယဒၤ, စီၤယိဃၤနၣ်ဒီးစီၤယးဒူၤအမုၢ်နံၤတဖၣ်အပူၤ န့ၣ်ပှၤလုၢ်တၢ်အခိၣ်ဒီးပှၤလ့ၤဝံဖိအဟံၣ်ဒူၣ်ဃီထၢအခိၣ်အနၢ် တဖၣ်အတၢ်ကွဲးနီၣ်တခါဘၣ်တၢ်ပာ်အီၤန့ၣ်လီၤ. တၢ်ကွဲးနီၣ်အံၤဝံၤဝဲဖဲစီၤဒၤရယါဝ့ၣ်မ့ၢ်ကီၢ်ပၤရၣ်အစီၤ ပၤဖးဒိၣ်အခါန့ၣ်လီၤ.

လံာ်စီၤနဃ့မယၤ 12:47

လၢစီၤစရူၤဘၤဘ့လးဒီးစီၤနဃ့မယၤအမုၢ်နံၤတဖၣ်အပူၤန့ၣ် ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဟ့ၣ်မၤဘူၣ်တၢ်လၢတၢ် မၤစၢၤပှၤသးဝံၣ်တၢ်ဖိတဖၣ်ဒီးပှၤခိးတၢ်လုၢ်ဟံၣ်ဖိတဖၣ်အဂီၢ် ကိးနံၤဒဲးန့ၣ်လီၤ. ပှၤဂီၢ်မုၢ်ဟ့ၣ်တၢ်မၤဘူၣ်စီဆှံဆူပှၤလ့ၤဝံဖိတဖၣ် အအိၣ်, ဒီးပှၤလ့ၤဝံဖိသ့ၣ်တဖၣ်ဟ့ၣ်နီၤတၢ်ဆူပှၤလုၢ်တၢ်အခိၣ်သ့ၣ် တဖၣ်ဒ်အကြၢးဝဲလၢကဘၣ်ဟ့ၣ်ဝဲအသိးန့ၣ်လီၤ.

လံာ်စီၤနဃ့မယၤ 12:8

ပှၤလ့ၤဝံဖိတဖၣ်န့ၣ်မ့ၢ်ဝဲစီၤယ့ၤၡူ, စီၤဘံနူၤ, စီၤကးမံၤအ့လး, စီၤၡ့ရ့ဘယၤ, စီၤယူဒၤ, ဒီးစီၤမးတၤနယၤတဖၣ်န့ၣ်လီၤ. အဝဲသ့ၣ်မ့ၢ်ပှၤကွၢ်ထွဲတၢ်သးဝံၣ်တၢ်စံးထီၣ်ပတြၢၤအထါသး ဝံၣ်တဖၣ်န့ၣ်လီၤ.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:5

အဝဲပျဲတ့ၢ်စီၤတိၤဘံယၤလၢကသူဝဲဒၢးဖးဒိၣ်တဖျၢၣ်လၢတၢ် ပာ်လီၤဆီအီၤထဲဒၣ်လၢတၢ်ကပာ်တၢ်မၤဘူၣ်လၢဘုဧိၤဟုဧိၤဒီး တၢ်နၢမူ, တၢ်ပီးတၢ်လီလၢတၢ်သူအီၤလၢယွၤအတၢ်လုၢ်ဟံၣ်အပူၤ, တၢ်မၤဘူၣ်တဖၣ်လၢပှၤလုၢ်တၢ်အဒိၣ်တဖၣ်အဂီၢ်, ဒီးတၢ်ဆံဆဲၣ်ပူတပူတဖၣ်လၢဘုဧိၤဟုဧိၤ, စပံးထံ, သ့ၣ်စၤယံးအသိလၢအဘၣ်တၢ်ဟ့ၣ်အီၤဆူပှၤလ့ၤဝံဖိ တဖၣ်ဆူတၢ်လုၢ်ဟံၣ်အပှၤသးဝံၣ်တၢ်ဖိတဖၣ်ဒီးဆူပှၤခိးတၢ်လုၢ် ဟံၣ်တဖၣ်အဂီၢ်န့ၣ်လီၤ.

စံးထီၣ်ပတြၢၤ 122:4

ပှၤအဒူၣ်, ယွၤအဒူၣ်သ့ၣ်တဖၣ်လဲၤထီၣ်ဖဲန့ၣ် ဒ်တၢ်မၤလိာ်အံၣ်စရ့လးအသိး, ဒ်သိးကစံးထီၣ်ပတြၢၤယွၤအမံၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 38:21

အအံၤမ့ၢ်တၢ်ကွဲးနီၣ်တမံၤဘၣ်ဃးဒီးစ့ဃါဃုာ်အနီၣ်ဂံၢ်တဖၣ် လၢဘၣ်တၢ်သူအီၤလၢယွၤအိၣ်ဝဲဆိးဝဲအဒဲစီဆှံအပူၤတၢ်လီၢ် ဖဲတၢ်ပာ်လၢၢ်ဘ့ၣ်ဘၣ်ခံဘ့ၣ်လၢတၢ်မၤလိာ်အထံၣ်တဆံအိၣ်ကွဲး အသိးလၢအလိၤန့ၣ်လီၤ. ဒ်စီၤမိၤၡ့ဟ့ၣ်လီၤအကလုၢ်အသိးတၢ်ကွဲးနီၣ်အံၤဘၣ်တၢ်မၤအီၤ လၢပှၤလ့ၤဝံဖိတဖၣ်လၢအမၤတၢ်လၢပှၤလုၢ်တၢ်အခိၣ်စီၤအၤဟရိၣ် အဖိခွါစီၤအံသမၢ်အတၢ်နဲၣ်ကျဲအဖီလာ်န့ၣ်လီၤ.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်တၢ်ဂံၢ် 10:21

အန့ၣ်ဝံၤဒီးပှၤလ့ၤဝံဖိစီၤကဃးအဒူၣ်ထၢကဟးထီၣ်စိာ်တၢ်စီ ဆှံအပီးအလီတဖၣ်န့ၣ်လီၤ. အဆၢကတီၢ်ဖဲအဝဲသ့ၣ်တုၤဃီၤဆူသူၣ်ဒဲအလီၢ်လၢခံတတီၤန့ၣ်ဒဲ စီဆှံဘၣ်တၢ်ထီထီၣ်ကဒီးအီၤန့ၣ်လီၤ.

လံာ်တၢ်ဂံၢ် 17:7

အန့ၣ်ဝံၤဒီးစီၤမိၤၡ့ပာ်ကယဲၢ်နီၣ်ထိးဘိတဖၣ်န့ၣ်လၢဒဲစီ ဆှံအပူၤဖဲယွၤအတၢ်အၢၣ်လီၤအီလီၤအတလါအမဲာ်ညါန့ၣ်လီၤ.

လံာ်တၢ်ဂံၢ် 18:5

ထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်မူဒါတဖၣ်လၢ တၢ်အလီၢ်စီဆှံဂီၢ်ဒီးလၢတၢ်လုၢ်လီၢ်အဂီၢ်, ဒ်သိးယတၢ်သးဒိၣ်အသုတဟဲဖျိးထီၣ်ကဒီးထီဒါဘၣ်ကီၢ်အံၣ်စရ့ လးအပှၤဂီၢ်မုၢ်တဖၣ်တဂ့ၤအဂီၢ်န့ၣ်လီၤ.

လံာ်တၢ်ဂံၢ် 2:17

အန့ၣ်ဝံၤဒီး, လၢပှၤအခီၣ်ထံးခံကရူၢ်ဒီးပှၤအလီၢ်ခံကတၢၢ်ခံ ကရူၢ်အခၢၣ်သးန့ၣ်ပှၤလ့ၤဝံဖိတဖၣ်ကလဲၤထီၣ်ဒီးစိာ်ဃုာ်ဒဲစီ ဆှံန့ၣ်လီၤ. တကရူၢ်ဘၣ်တကရူၢ်စုာ်စုာ်န့ၣ်ကလဲၤထီၣ်ဒ်တၢ်ရဲၣ်လီၤအသးအသိးဒ် အသူၣ်ဒဲလီၢ်အိၣ်ဝဲအသိးန့ၣ်လီၤ. ဒီးတကရူၢ်ဘၣ်တကရူၢ်ကအိၣ်လၢအနီၣ်တယၢ်ဒၣ်ဝဲအဖီလာ်န့ၣ်လီၤ.

လံာ်တၢ်ဂံၢ် 20:11

အန့ၣ်ဝံၤဒီးစီၤမိၤၡ့ယူာ်ဃီၤအစုဒီးတီၢ်လ့န့ၣ်လၢနီၣ် ထိးဘိခံဘျီဒီးထံကျိၤဖးဒိၣ်တကျိၤပုာ်ထီၣ်ယွၤလီၤဒီး ထံဒီးကယဲၢ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်အီဝဲလီၤ.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 4:3

ဒီးကွဲးနီၣ်ပှၤပိာ်ခွါအသးအိၣ်အနံၣ်သၢဆံဒီးအနံၣ်ယဲၢ်ဆံ အဘၢၣ်စၢၤလၢအကြၢးဝဲဘၣ်ဝဲလၢကမၤတၢ်လၢယွၤအိၣ်ဝဲဆိးဝဲ အဒဲစီဆှံအပူၤအဂီၢ်န့ၣ်လီၤ.

လံာ်တၢ်ဂံၢ် 8:19

ဒီးယဟ့ၣ်လီၤပှၤလ့ၤဝံဖိတဖၣ်ဆူစီၤအၤဟရိၣ်ဒီးအဖိခွါတဖၣ် အအိၣ်ဒ်ပှၤအံၣ်စရ့လးဖိတဖၣ်အတၢ်ဟ့ၣ်လီၤဆီတမံၤ, ဒ်သိးအကမၤတၢ်လၢဒဲစီဆှံအပူၤလၢကီၢ်အံၣ်စရ့လးအပှၤဂီၢ် မုၢ်အဂီၢ်ဒီးလၢအကဒီဒၣ်အိၣ်ပှိၤပှၤအံၣ်စရ့လးဖိတဖၣ်လၢတၢ် တတၢးတနါလၢကလီၤဘၣ်အဝဲသ့ၣ်ဖဲအဝဲသ့ၣ်မ့ၢ်ဟဲဘူးဘၣ် ဒီးတၢ်အလီၢ်စီဆှံအခါန့ၣ်လီၤ.”

လံာ်တၢ်ဂံၢ် 8:20

မၤသးဒ်န့ၣ်ဒီး, စီၤမိၤၡ့, စီၤအၤဟရိၣ်ဒီးကယဲၢ်ကီၢ်အံၣ်စရ့ လးအပှၤဂီၢ်မုၢ်ပာ်စီဆှံထီၣ်ပှၤလ့ၤဝံဖိတဖၣ်ဒ်ယွၤမၤလိာ် တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဂံၢ် 8:22

ပှၤဂီၢ်မုၢ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့ အသိးလၢတၢ်ဘၣ်ဃးဒီးပှၤလ့ၤဝံဖိတဖၣ်န့ၣ်လီၤ. မၤသးဒ်န့ၣ်ဒီး, ပှၤလ့ၤဝံဖိတဖၣ်န့ၣ်ကြၢးဝဲဘၣ်ဝဲဒီးတၢ်ဖံး တၢ်မၤလၢဒဲစီဆှံအပူၤလၢစီၤအၤဟရိၣ်ဒီးအဖိခွါတဖၣ်အဖီ လာ်န့ၣ်လီၤ.

လံာ်လီၣ်ဖျါ 15:5

တၢ်န့ၣ်ဝံၤအလီၢ်ခံ, ယထံၣ်တၢ်လုၢ်ဟံၣ်လၢမူခိၣ်အိးထီၣ် အသး, အိၣ်ဒီးတၢ်အၢၣ်လီၤအီလီၤအဒဲလၢအအိပူၤန့ၣ်လီၤ.