လံာ်တၢ်ဂံၢ် 1:4 - Sgaw Karen Common Bible

⁴ ဃ့တၢ်မၤစၢၤလၢဒူၣ်တဒူၣ်အခိၣ်လၢဒူၣ်ကိးဒူၣ်ဒဲးအပူၤလၢကမၤ စၢၤနၤအဂီၢ်တက့ၢ်.”

လံာ်တၢ်ဂံၢ် 1:4 Iomraidhean Croise

လံာ်စီၤပၤအခီၣ်ထံးတဘ့ၣ် 8:1

ဒီးစီၤပၤၡလိၤမိၤဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လး ဖိအဒူၣ်တဖၣ်ဒီးအဒူၣ်ထၢတဖၣ်, အခိၣ်အနၢ်တဖၣ်ဒ်သိးကဟဲဆူအဝဲအအိၣ်လၢဝ့ၢ်ယရူၤၡလ့ၣ်အပူၤ, လၢကဟဲစိာ်ယွၤအတၢ်အၢၣ်လီၤအီလီၤအတလါလၢဝ့ၢ်စံယိၣ်, စီၤဒၤဝံးအဝ့ၢ်ဆူယွၤအတၢ်လုၢ်ဟံၣ်န့ၣ်လီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဂံၢ် 17:3

ဝံၤဒီးကွဲးလီၤစီၤအၤဟရိၣ်အမံၤလၢပှၤလ့ၤဝံဖိတဖၣ်အခၢၣ် စးနီၣ်ထိးဘိအလိၤန့ၣ်တက့ၢ်. ပှၤအခိၣ်အနၢ်တဂၤစုာ်စုာ်အနီၣ်ထိးဘိကအိၣ်ဝဲတဘိစုာ်စုာ်န့ၣ် လီၤ.

လံာ်တၢ်ဂံၢ် 25:14

ပှၤအံၣ်စရ့လးဖိတဂၤလၢအဘၣ်တၢ်မၤသံဃုာ်အီၤဒီးပှၤမံးဒယၣ် မုၣ်တဂၤန့ၣ်အမံၤမ့ၢ်ဝဲစီၤစၤလူအဖိခွါစီၤစံၣ်ရံၤန့ၣ်လီၤ. အဝဲမ့ၢ်ဒူၣ်ဖိထၢဖိအခိၣ်တဂၤလၢစူၤမ့းအိၣ်အဒူၣ်ပူၤန့ၣ်လီၤ.

လံာ်တၢ်ဂံၢ် 30:1

စီၤမိၤၡ့ဟ့ၣ်လီၤတၢ်သိၣ်လိနဲၣ်ယုၤတဖၣ်ဒ်လၢလာ်အံၤဆူ အံၣ်စရ့လးအဒူၣ်တဖၣ်အခိၣ်အနၢ်တဖၣ်အအိၣ်န့ၣ်လီၤ.

လံာ်တၢ်ဂံၢ် 4:34

ပိာ်ထွဲထီၣ်ယွၤအတၢ်ဟ့ၣ်လီၤအကလုၢ်အခံန့ၣ်, စီၤမိၤၡ့စီၤအၤဟရိၣ်, ဒီးကမျၢၢ်အခိၣ်အနၢ်တဖၣ်ထၢဖှိၣ်ကွဲးနီၣ်ပှၤအနီၣ်ဂံၢ်လၢပှၤ လ့ၤဝံဖိအဒူၣ်ထၢသၢဒူၣ်လၢအမ့ၢ်, စီၤက့ရၡိၣ်, စီၤကဃး, ဒီးစီၤမရၤရံၤအဒူၣ်ထၢပူၤန့ၣ်လီၤ. အဝဲသ့ၣ်မၤတၢ်အံၤဒ်ပှၤအဒူၣ်အဆံးဖိဒီးဟံၣ်ဖိဃီဖိတဖၣ် အိၣ်ဝဲအသိးဒီးကွဲးနီၣ်ဝဲကယဲၢ်ပှၤပိာ်ခွါအသးအိၣ်အနံၣ်သၢဆံ တုၤအနံၣ်ယဲၢ်ဆံအဘၢၣ်စၢၤလၢအကြၢးဘၣ်ဝဲဒီးတၢ်မၤလၢ ယွၤအိၣ်ဝဲဆိးဝဲအဒဲစီဆှံအပူၤအဂီၢ်, ဒ်အဖီလာ်အံၤအသိးန့ၣ်လီၤ. စီၤကဃးအဒူၣ်ထၢ, ပှၤအနီၣ်ဂံၢ် ခံကထိနွံကယၤယဲၢ်ဆံ ဂၤ. စီၤက့ရၡိၣ်အဒူၣ်ထၢ, ပှၤအနီၣ်ဂံၢ် ခံကထိဃုကယၤသၢဆံ ဂၤ. စီၤမရၤရံၤအဒူၣ်ထၢ, ပှၤအနီၣ်ဂံၢ် သၢကထိခံကယၤဂၤ. ခဲလၢာ်ပာ်ဖှိၣ်အဒူၣ်ထၢ, ပှၤအနီၣ်ဂံၢ် ဃိးကထိယဲၢ်ကယၤဃိးဆံဂၤ.

လံာ်တၢ်ဂံၢ် 7:2

အန့ၣ်ဝံၤဒီးဒူၣ်ထၢအပဒိၣ်တဖၣ်လၢအမ့ၢ်အံၣ်စရ့လးအဒူၣ်အခိၣ် အနၢ်တဖၣ်, ပှၤတဖုဃီလၢအကဲခိၣ်ကဲနၢ်လၢတၢ်ထၢဖှိၣ်ကွဲးနီၣ်ပှၤ အနီၣ်ဂံၢ်တဖၣ်န့ၣ်,

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်စီၤယိၤၡူ 22:14

ပှၤအခိၣ်အဂၤတဆံလဲၤဃုာ်တၢ်ဒီးစီၤဖံၤနဃၣ်ပှၤတဒူၣ်တဂၤစုာ်စုာ်လၢမုၢ်နုာ်အဒူၣ်တဖၣ်အပူၤ ဒီးတဂၤဘၣ်တဂၤန့ၣ်မ့ၢ်ဝဲအဒူၣ် ဖိထၢဖိတဖၣ်အခိၣ်န့ၣ်လီၤ.