လံာ်စီၤနဃ့မယၤ 9:7 - Sgaw Karen Common Bible

⁷ နဲဒၣ်ယွၤ, ကစၢ်ယွၤဧၢ, နဃုထၢစီၤအၤဘြၣ် ဒီးနကိးထီၣ်ကွံာ်အီၤလၢဝ့ၢ်အူၢ်လၢကီၢ်ဘၤဘူၤလိၣ် ဒီးနလဲလိာ်ကွံာ်အမံၤဆူစီၤအၤဘြၤဟၣ်လီၤ.

လံာ်စီၤနဃ့မယၤ 9:7 Iomraidhean Croise

လံာ်တၢ်ကဲထီၣ်အခီၣ်ထံး 11:31

ဒီးစီၤတ့ရၤဟံးန့ၢ်အဖိခွါစီၤအၤဘြၣ်, ဒီးအလံၤစီၤလိာ်လၢအမ့ၢ်စီၤဟၤရၣ်အဖိခွါ, ဒီးအဒဲၣ်နီၢ်စၤရဲလၢအမ့ၢ်စီၤအၤဘြၣ်အမါ, ဒီးဟးထီၣ်ဃုာ်ဒီးအဝဲသ့ၣ်လၢဝ့ၢ်အူၢ်လၢအအိၣ်လၢကီၢ်ဘၤဘူၤ လိၣ်အပူၤ, ဒ်သိးအကလဲၤဝဲဆူကီၢ်ကနၤဧၣ်န့ၣ်လီၤ. ဒီးလဲၤဝဲပၢၢ်လၢဝ့ၢ်ဟၤရၣ်ဒီးသူၣ်လီၤဆီလီၤအတၢ်အိၣ်တၢ် ဆိးအလီၢ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 15:7

ဒီးယွၤစံးဘၣ်အီၤ, “ယမ့ၢ်ယွၤလၢအဒုးဟးထီၣ်နၤလၢဝ့ၢ်အူၢ် လၢကီၢ်ဘၤဘူၤလိၣ်အပူၤဒ်သိးယကဟ့ၣ်လီၤနၤထံကီၢ်အံၤလၢနတၢ် ဒၣ်နဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 17:5

နမံၤတမ့ၢ်စီၤအၤဘြၣ်လၢၤဘၣ်. မ့မ့ၢ်နမံၤကမ့ၢ်စီၤအၤဘြၤဟၣ် န့ၣ်လီၤ. အဂ့ၢ်ဒ်အံၤ, ယဒုးကဲထီၣ်နၤလၢပှၤအါကလုာ်အတၢ်လီၤစၢၤလီၤ သွဲၣ်အပၢ်ဖးဒိၣ်လၢပျၢၤအဃိလီၤ.

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်သိၣ်လီၤသီလီၤတၢ် 10:15

မ့မ့ၢ်ယွၤအတၢ်အဲၣ်လၢသုမိၢ်ပၢ်ဖံဖုလၢပျၢၤတဖၣ်အဂီၢ်န့ၣ်, ဆူၣ်ဝဲဒိၣ်မးတုၤဒၣ်လဲာ်, အဝဲဒၣ်ဃုထၢသု, လၢပှၤဂီၢ်မုၢ်အဂုၤအဂၤတဖၣ်အလီၢ်န့ၣ်လီၤ. ဒီးသုမ့ၢ်ဒံးဒၣ်အဝဲအပှၤဂီၢ်မုၢ်လၢအဃုထၢဝဲန့ၣ်လီၤ.