လံာ်စီၤနဃ့မယၤ 9:38 - Sgaw Karen Common Bible

³⁸ မ့ၢ်လၢတၢ်မၤအသးခဲလၢာ်သ့ၣ်တဖၣ်အံၤအဃိပဝဲကီၢ်အံၣ်စရ့လး အပှၤဂီၢ်မုၢ်, ပမၤတၢ်အၢၣ်လီၤသမှံၤသပှၢ်တခါလၢအအိၣ်ကွဲးလီၤအသး, ဒီးပခိၣ်ပနၢ်တဖၣ်, ပပှၤလ့ၤဝံဖိတဖၣ်ဒီးပပှၤလုၢ်တၢ်အခိၣ်တဖၣ် စဲဃာ်အီၤဒီးအဝဲသ့ၣ်အတၢ်ပနီၣ်တဖၣ်န့ၣ်လီၤ.

လံာ်စီၤနဃ့မယၤ 9:38 Iomraidhean Croise

လံာ်စီၤပၤခံဘ့ၣ်တဘ့ၣ် 23:3

အဝဲဆၢထၢၣ်လၢစီၤပၤအတၢ်ဆၢထၢၣ်အလီၢ်, ဒီးမၤတၢ်အၢၣ်လီၤအီလီၤတမံၤဒီးယွၤလၢအကစူၢ်အီၤ, လၢအကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး အတၢ်မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်, ဒီးတၢ်တဖၣ်လၢကဘၣ်မၤဝဲလၢအအိၣ်ဘျးစဲအသး ဒီးတၢ်အၢၣ်လီၤအီလီၤဒ်အအိၣ်ကွဲးအသးလၢလံာ်အပူၤအသိးန့ၣ်, အဝဲကအိၣ်မူမၤထွဲဝဲန့ၣ်လီၤ. ဒီးကယဲၢ်ပှၤဂီၢ်မုၢ်ခဲလၢာ်အၢၣ်လီၤလၢကတိၢ်န့ၢ်ဖံးဃာ်တၢ်အၢၣ် လီၤအီလီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:16

ပှၤလုၢ်တၢ်အခိၣ်စီၤယဟိယဒါမၢစီၤပၤစီၤယိၤအၣ်ဒီးပှၤဂီၢ် မုၢ်ပာ်ဖှိၣ်ဃုာ်အသးဒီးအီၤလၢကမၤတၢ်အၢၣ်လီၤအီလီၤတမံၤလၢ, အဝဲသ့ၣ်ကမ့ၢ်ယွၤအပှၤဂီၢ်မုၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:10

ဒီးခဲကနံၣ်အံၤယပာ်လီၤယသးလၢယကမၤတၢ်အၢၣ်လီၤအီလီၤတမံၤ ဒီးယွၤ, အံၣ်စရ့လးအကစၢ်ယွၤ, ဒ်သိးအဝဲသုတသးထီၣ်ဘၣ်ပှၤလၢၤတဂ့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

လံာ်စီၤဧ့စြၤ 10:3

ခဲကနံၣ်အံၤ, ပကဘၣ်မၤတၢ်အၢၣ်လီၤအီလီၤသညူးသပှၢ်တမံၤဆူပကစၢ် ယွၤလၢပကဆှၢဖျိးကွံာ်ပှၤပိာ်မုၣ်တဖၣ်အံၤဒီးအဖိသၣ်တဖၣ်န့ၣ်လီၤ. ပကမၤတၢ်ဒ်နၤဒီးပှၤဂုၤပှၤဂၤတဖၣ်လၢအစူၢ်ကစၢ်ယွၤအတၢ်မၤလိာ် ဟ့ၣ်ကူၣ်ပှၤလၢပကမၤအီၤအသိးန့ၣ်လီၤ. ပကမၤတၢ်ဒ်ကစၢ်ယွၤအတၢ်သိၣ်တၢ်သီမၢပှၤအသိးန့ၣ်လီၤ.

လံာ်စီၤနဃ့မယၤ 10:1

ပှၤအဆိကတၢၢ်လၢအဘၣ်ဆဲးလီၤအမံၤန့ၣ်မ့ၢ်ဝဲပဒိၣ်ဖးဒိၣ်စီၤ နဃ့မယၤလၢအမ့ၢ်စီၤဃကါလယၤအဖိခွါန့ၣ်လီၤ. အန့ၣ်ဝံၤဒီးစီၤစံးဒကံယၤဆဲးလီၤအမံၤန့ၣ်လီၤ. ဒီးပှၤအဂၤတဖၣ်လၢအဆဲးလီၤအမံၤန့ၣ်မ့ၢ်ဝဲဒ်အဖီလာ်အသိးလီၤ.

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

လံာ်ယၡါယၤ 44:5

ပှၤတဂၤဘၣ်တဂၤကစံးဝဲ, ‘ယဲဒၣ်အံၤယမ့ၢ်ယွၤအတၢ်လီၤ. အဝဲသ့ၣ်ကဟဲပာ်ဖှိၣ်အသးဒီးကီၢ်အံၣ်စရ့လး အပှၤဂီၢ်မုၢ်လီၤ. ပှၤတဂၤစုာ်စုာ်ကကွဲးလီၤယွၤအမံၤလၢအစုတီၤလိၤ ဒီးကိးလီၤအသးလၢအမ့ၢ်ကစၢ်ယွၤအပှၤဂီၢ်မုၢ်အကျါတဂၤန့ၣ် လီၤ.’ ”

လံာ်မးသဲ 27:66

လၢတၢ်န့ၣ်အဃိ, အဝဲသ့ၣ်လဲၤဒီးစဲပနီၣ်ဃာ်လၢၢ်လၢတၢ်ပူၤခိၣ်ထိးန့ၣ်ဝံၤ ဒီး, ပာ်တ့ၢ်ပှၤသုးဖိလၢအကခိးဃာ်တၢ်သွၣ်ခိၣ်အပူၤအဂီၢ်, ဖဲန့ၣ်လီၤ.