လံာ်စီၤနဃ့မယၤ 9:37 - Sgaw Karen Common Bible

³⁷ တၢ်လၢဟီၣ်ခိၣ်ဟ့ၣ်ထီၣ်ဝဲတဖၣ်န့ၣ်လဲၤဝဲဆူစီၤပၤတဖၣ် လၢနပာ်အီၤလၢပဖီခိၣ်အအိၣ်မ့ၢ်လၢပမၤတ့ၢ် တၢ်ဒဲးဘးအဃိန့ၣ်လီၤ. အဝဲသ့ၣ်မၤဘၣ်ပှၤဒီးပဆၣ်ဖိကီၢ်ဖိတဖၣ်ဒ်အသးဒၣ်ဝဲ ဒီးပအိၣ်လၢတၢ်ကိၢ်တၢ်ဂီၤယိာ်မးအပူၤန့ၣ်လီၤ.”

လံာ်စီၤနဃ့မယၤ 9:37 Iomraidhean Croise

လံာ်စီၤဧ့စြၤ 4:13

ကစၢ်စီၤပၤဖးဒိၣ်ဧၢ, ဝ့ၢ်အံၤမ့ၢ်ဘၣ်တၢ်သူၣ်ထီၣ်ကဒါက့ၤအီၤ, ဒီးအခိၣ်ဒူတဖၣ်မ့ၢ်ဝံၤန့ၣ်, ပှၤဂီၢ်မုၢ်ကဆိကတီၢ်ဟ့ၣ်တၢ်ခိ တၢ်သွဲတဖၣ်, ဒီးတၢ်ခိတၢ်သွဲတဖၣ်လၢအဘၣ်ဃးဒီးစီၤပၤကစှၤလီၤဝဲန့ၣ် လီၤ.

လံာ်စီၤဧ့စြၤ 6:8

အအံၤမ့ၢ်ယတၢ်မၤလိာ်လၢသုကဘၣ်မၤစၢၤအဝဲသ့ၣ်လၢအတၢ်သူၣ်ထီၣ် ကဒါက့ၤတၢ်လုၢ်ဟံၣ်န့ၣ်လီၤ. အဝဲသ့ၣ်အတၢ်လၢာ်တဖၣ်ကဘၣ်တၢ်ဟ့ၣ်အီၤဘၣ်ဆၢဘၣ်ကတီၢ်လၢစီၤပၤ အကျိၣ်အစ့လၢအမၤန့ၢ်ဝဲလၢတၢ်ခိတၢ်သွဲ လၢကီၢ်ဖရၤသးအမုၢ်နုာ်အပူၤဒ်သိးတၢ်ဖံးတၢ်မၤအသုတဘၣ်တံာ် တာ်တဂ့ၤအဂီၢ်န့ၣ်လီၤ.

လံာ်စီၤဧ့စြၤ 7:24

သုတဘၣ်ထၢစ့ၢ်ကီးတၢ်ခိတၢ်သွဲတဖၣ်လၢပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တ ဖၣ်, ဒီးကယဲၢ်ပှၤတဂၤလၢ်လၢ်လၢအဘၣ်ထွဲဒီးတၢ်လုၢ်ဟံၣ်အံၤအအိၣ် န့ၣ်ဘၣ်.

လံာ်စီၤနဃ့မယၤ 5:8

ဒီးယစံးဘၣ်အဝဲသ့ၣ် “ဖဲပမၤသ့ဝဲအသိးန့ၣ်ပပှ့ၤက့ၤလံ ပဒီပုၢ်ဝဲၢ်သ့ၣ်တဖၣ်လၢအဆါလီၤအသးဆူပှၤကလုာ်ဂၤန့ၣ်လီၤ. ဒီးခဲကနံၣ်အံၤသုမၤဆူၣ်သုဒီပုၢ်ဝဲၢ်သ့ၣ်တဖၣ်လၢကဆါလီၤ အသးလၢသုပှၤယူဒၤဖိကဒဲကဒဲန့ၣ်လီၤ.” ဒီးပှၤခိၣ်ပှၤနၢ်တဖၣ်အိၣ်ဘှီၣ်ဝဲဒီးစံးတၢ်တသ့နီတမံၤဘၣ်န့ၣ်လီၤ.

လံာ်သးသယုၢ်တၢ် 5:5

ပဘၣ်တၢ်နီၣ်ဆူၣ်ပှၤဒ်ကသ့ၣ်လၤမ့တမ့ၢ်ကီၤလၤအူးတဖၣ် အသိးန့ၣ်လီၤ. တၢ်ဘှံးပသးဘၣ်ဆၣ်ဒီးတၢ်တဒုးအိၣ်ဘှံးပှၤဘၣ်.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်ယိၤဟၣ် 8:33

အဝဲသ့ၣ်စံးဆၢအီၤ, “ပမ့ၢ်စီၤအၤဘြၤဟၣ်အစၢၤအသွဲၣ်တဖၣ် ဒီးပတကဲပှၤဂၤအကုၢ်နီတဘျီဒံးဘၣ်ဒီးနစံးလၢ ‘တၢ်ကမၤထူၣ်ဖျဲးသု’ န့ၣ်, နပာ်နဲအခီပညီဒ်လဲၣ်.”

လံာ်သိၣ်လီၤသီလီၤတၢ် 28:33

ပှၤကလုာ်တကလုာ်လၢထံဂၤကီၢ်ဂၤတခီကဟံးန့ၢ်ကွံာ်ကယဲၢ်တၢ်မုၢ် တၢ်ဘိတၤသူတၤသၣ်တဖၣ်လၢသုကျဲးစၢးမၤတ့ၢ်ဆူၣ်ဆူၣ်ဒီးသူၣ် လီၤဖျးလီၤအီၤ, ဖဲသုတဒိးန့ၢ်တၢ်နီတမံၤဘၣ်, မ့မ့ၢ်တခီသုဘၣ်တၢ်မၤနၢၤမၤပ့ၤ, မၤအၢမၤနးသုဆါဆါကလဲာ် တပယူာ်ဃီန့ၣ်လီၤ.

လံာ်သိၣ်လီၤသီလီၤတၢ် 28:39

သုကသူၣ်လီၤဖျးလီၤစပံးလီၢ်တဖၣ်ဒီးအံးထွဲကွၢ်ထွဲအဝဲ သ့ၣ်, ဘၣ်ဆၣ်သုတဒဲးဘၣ်အစပံးသၣ်တဖၣ်မ့ၢ်ဂ့ၤ, အီဘၣ်စပံးထံလၢအီၤမ့ၢ်ဂ့ၤဘၣ်, မ့ၢ်လၢသံမိၢ်ပီၤတဖၣ်ကအီၣ် ကွံာ်စပံးအမုၢ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.

လံာ်သိၣ်လီၤသီလီၤတၢ် 28:51

အဝဲသ့ၣ်ကအီၣ်ကွံာ်သုဆၣ်ဖိကီၢ်ဖိလၢသုဘုၣ်အီၤတဖၣ်ဒီးသု တၢ်မုၢ်တၢ်ဘိ, တၤသူတၤသၣ်တဖၣ်, ဒီးသုကသၣ်ဝံၤလီၤဒိသံကွံာ်န့ၣ်လီၤ. အဝဲသ့ၣ်တပာ်တ့ၢ်န့ၢ်သုလၢဘုဧိၤဟုဧိၤ, စပံးထံ, သ့ၣ်စၤယံးအသိ, ဆၣ်ဖိကီၢ်ဖိလၢသုဘုၣ်အီၤမ့ၢ်ဂ့ၤ, သိမ့ၢ်ဂ့ၤနီတမံၤဘၣ်, ဒီးသုကဘၣ်သံန့ၣ်လီၤ.