လံာ်စီၤနဃ့မယၤ 9:33 - Sgaw Karen Common Bible

³³ နမၤတ့ၢ်တၢ်အဘၣ်လၢတၢ်စံၣ်ညီၣ်ပှၤ, ပမၤတ့ၢ်တၢ်ဒဲးဘးဘၣ်ဆၣ်, နမ့ၢ်တ့ၢ်ပှၤလၢအသူၣ်တီသးရၤလီၤ.

လံာ်စီၤနဃ့မယၤ 9:33 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်စီၤဧ့စြၤ 9:15

ယွၤ, အံၣ်စရ့လးအကစၢ်ယွၤဧၢ, နတီဝဲလိၤဝဲ, ဘၣ်ဆၣ်နပျဲအိၣ်မူဒံးပှၤလီၤ. ပအၢၣ်လီၤပတၢ်ကမၣ်လၢနၤ, ပဟဲဆူနခီၣ်ထံးမဲာ်ညါန့ၣ်ပတၢ်ကြၢးဝဲဘၣ်ဝဲတအိၣ်နီတမံၤ ဘၣ်.”

လံာ်စီၤနဃ့မယၤ 9:34

ပမိၢ်ပၢ်ဖံဖုလၢပျၢၤတဖၣ်, ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ် တတိၢ်န့ၢ်ဖံးဃာ်ဘၣ်နတၢ်သိၣ်တၢ်သီ လၢပှၤယူဒၤဖိအဂီၢ်ဘၣ်. အဝဲသ့ၣ်တဒိကနၣ်နတၢ်မၤလိာ်ဒီးနတၢ်ဟ့ၣ်ပလီၢ်သ့ၣ်တဖၣ်န့ၣ်ဘၣ်.

လံာ်စီၤနဃ့မယၤ 9:8

နထံၣ်တ့ၢ်လၢအဝဲမ့ၢ်ပှၤသးတီဒီးနၤ ဒီးနမၤတၢ်အၢၣ်လီၤအီလီၤတမံၤဒီးအီၤန့ၣ်လီၤ. နအၢၣ်လီၤတ့ၢ်လၢနကဟ့ၣ်အီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤယဘူၣ်ဖိ, ဒီးပှၤကံၣ်ကၣ်ဖိတဖၣ်အကီၢ် လၢကမ့ၢ်ကီၢ်တဘ့ၣ်လၢအဝဲအစၢၤအသွဲၣ်တဖၣ်ကအိၣ်ဝဲဆိးဝဲန့ၣ် လီၤ. နဟံးဃာ်ဂၢၢ်ကျၢၤနတၢ်အၢၣ်လီၤမ့ၢ်လၢနကလုၢ်တီဝဲ အဃိန့ၣ်လီၤ.

လံာ်စီၤယိၤဘး 33:27

အဝဲစံးတၢ်လၢပှၤဂီၢ်မုၢ်အမဲာ်ညါ, “ယမၤတ့ၢ်လံတၢ်ဒဲးဘးလံ. ယတမၤတၢ်လၢ အဘၣ်ဘၣ်. ဘၣ်ဆၣ်ဒီးကစၢ်ယွၤပျၢ်ဖျဲးယၤလီၤ.

လံာ်စီၤယိၤဘး 34:23

ကစၢ်ယွၤပာ်လီၤတၢ်ဆၢကတီၢ်လၢပှၤကညီကဘၣ်လဲၤဒီး ဒိးဘၣ်တၢ်စံၣ်ညီၣ်လၢအီၤန့ၣ်အလီၢ်တအိၣ်ဘၣ်.

စံးထီၣ်ပတြၢၤ 106:6

ပမၤလံတၢ်ဒဲးဘးဒ်ပပၢ်တဖၣ် မၤတ့ၢ်ဝဲအသိး ပမၤကမၣ်တ့ၢ်တၢ်ဒီး အိၣ်မူအၢအၢသီသီန့ၣ်လီၤ.

စံးထီၣ်ပတြၢၤ 119:137

ယွၤဧၢ, နမ့ၢ်တၢ်တီတၢ်လိၤ ဒီးနတၢ်စံၣ်ညီၣ်တဖၣ်န့ၣ်တီဝဲလိၤဝဲလီၤ.

စံးထီၣ်ပတြၢၤ 145:17

ယွၤန့ၣ်တီဝဲလိၤဝဲလၢအတၢ်မၤခဲလၢာ်အပူၤ ဒီးအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

လံာ်တၢ်ဟးထီၣ်ကွံာ် 32:31

အန့ၣ်ဝံၤဒီးစီၤမိၤၡ့က့ၤကဒါက့ၤဆူယွၤအအိၣ်ဒီးစံး, “ပှၤဂီၢ်မုၢ်အံၤမၤတ့ၢ်တၢ်ဒဲးဘးအၢအၢသီသီလီၤ. အဝဲသ့ၣ်မၤအိၣ်ထီၣ်ကစၢ်တဂၤလၢထူဒီးဘါထီၣ်ဝဲလီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 44:3

အဂ့ၢ်ဒ်အံၤ, အဝဲသ့ၣ်အပှၤဂီၢ်မုၢ် မၤတ့ၢ်တၢ်အၢတၢ်သီ ဒီး မၤသးဒိၣ်ထီၣ်တ့ၢ်ယၤအဃိလီၤ. အဝဲသ့ၣ် လုၢ်ထီၣ် တ့ၢ်တၢ်ဆူ ကစၢ်အဂၤတဖၣ်ဒီး မၤတ့ၢ်ကစၢ်တဖၣ်လၢ အဝဲသ့ၣ်မ့ၢ်ဂ့ၤ, သုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ် ဂ့ၤတဘူၣ်ထီၣ်ဘါထီၣ်နီတဘျီနီတစုဘၣ် အတၢ်မၤန့ၣ်လီၤ.

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်ယဃ့းစက့လး 11:12

သုကသ့ၣ်ညါလၢယမ့ၢ်ယွၤ, ဒီးဖဲသုဟံးဃာ်ဒံးပှၤကလုာ်လၢသု ဃၢၤတဖၣ်အတၢ်သိၣ်တၢ်သီတဖၣ်အဖၢမုၢ်န့ၣ်, မ့ၢ်သုထီဒါယတၢ်သိၣ်တၢ်သီတဖၣ်လၢပှၤယူဒၤဖိအဂီၢ်ဒီးတစူၢ် ဘၣ်ယတၢ်မၤလိာ်တဖၣ်ဘၣ်န့ၣ်လီၤ.”