လံာ်စီၤနဃ့မယၤ 9:32 - Sgaw Karen Common Bible

³² အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

လံာ်စီၤနဃ့မယၤ 9:32 Iomraidhean Croise

လံာ်စီၤပၤအခီၣ်ထံးတဘ့ၣ် 8:23

“ယွၤ, အံၣ်စရ့လးအကစၢ်ယွၤဧၢ, လၢမူခိၣ်လၢထးမ့ၢ်ဂ့ၤ, လၢဟီၣ်ခိၣ်လၢလာ်မ့ၢ်ဂ့ၤကစၢ်ဒ်သိးနၤတအိၣ်နီတဂၤဘၣ်. နဟံးဃာ်ဂၢၢ်ကျၢၤနတၢ်အၢၣ်လီၤဒီးနပှၤဂီၢ်မုၢ်ဒီးနဒုးနဲၣ် ဖျါထီၣ်နတၢ်အဲၣ်အဝဲသ့ၣ်, ဖဲအဝဲသ့ၣ်အိၣ်မူလၢတၢ်စူၢ်နၤလၢသူၣ်ဒီဖျၢၣ်သးဒီဖျၢၣ် အပူၤအကတီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:19

ကီၢ်အၤၡူၢ်အစီၤပၤတံးကလးပလ့စ့ၢ်နုာ်လီၤဒုးကီၢ်အံၣ်စရ့ လးဒီးစီၤမနၤဃ့ၣ်ဟ့ၣ်လီၤစ့လီၤတယၢၢ်အပီၢ်ခံကလးခံကထိ ဃိးကယၤဒ်သိးကမၤန့ၢ်အဝဲအတၢ်ဆီၣ်ထွဲမၤစၢၤအီၤလၢတၢ်ဒုး ဆူၣ်ထီၣ်စီၤမနၤဃ့ၣ်အစိကမီၤလၢထံကီၢ်အဖီခိၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:3

ကီၢ်အၤၡူၢ်အစီၤပၤဖးဒိၣ်ၡၤလမၤန့စ့ၢ်ဒုးတၢ်ထီဒါအီၤန့ၣ် လီၤ. စီၤဟိၤၡ့ဟ့ၣ်လီၤအသးဆူစီၤၡၤလမၤန့စ့ၢ်အစုပူၤ, ဒီးဟ့ၣ်အီၤတၢ်ခိတၢ်သွဲကိးနံၣ်ဒဲးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:7

ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်စီၤဧ့စြၤ 4:10

ဃုာ်ဒီးပှၤဂီၢ်မုၢ်အဂၤတဖၣ်လၢပှၤဒိၣ်စိဒိၣ်ကမီၤစီၤအၤစနး ပၢ်သုးကွံာ်အဟံၣ်တဖၣ်ဒီးဆီလီၤန့ၢ်အဝဲသ့ၣ်လၢဝ့ၢ်ၡၤမရံ ဒီးတၢ်လီၢ်သကုၤဆးဒးလၢကီၢ်ဖရၤသးအမုၢ်နုာ်တဖၣ်.”

လံာ်စီၤဧ့စြၤ 4:2

လၢတၢ်န့ၣ်အဃိအဝဲသ့ၣ်လဲၤထံၣ်စီၤစရူၤဘၤဘ့လးဒီးဒူၣ်ထၢ အခိၣ်တဖၣ်ဒီးစံးဝဲ, “ပျဲပပာ်ဖှိၣ်ဃုာ်ပသးဒီးသုလၢတၢ်သူၣ်ထီၣ်တၢ်လုၢ်ဟံၣ်န့ၣ်တ က့ၢ်. ပဘူၣ်ထီၣ်ဘါထီၣ်ကစၢ်ယွၤတဂၤဃီ လၢသုဘူၣ်ထီၣ်ဘါထီၣ်အီၤ, ဒီးပလုၢ်ထီၣ်တ့ၢ်လံတၢ်လုၢ်တၢ်ပာ် တဖၣ်ဆူအီၤစးထီၣ်တ့ၢ်လံလၢကီၢ်အၤၡူၢ်အစီၤပၤဖးဒိၣ်စီၤ အ့ၤစၢ်ဃးဒိၣ်ဆှၢလီၤပှၤလၢပကအိၣ်ကဆိးဖဲအံၤလံၤလံၤန့ၣ် လီၤ.”

လံာ်စီၤဧ့စြၤ 9:13

ဖဲတၢ်ခဲလၢာ်မၤတ့ၢ်အသးဒီးပှၤဒ်တၢ်စံၣ်ညီၣ်လၢပတၢ်ဒဲးဘးတဖၣ် ဒီးတၢ်ကမၣ်တဖၣ်အဃိဝံၤဒၣ်လဲာ်, ပသ့ၣ်ညါလၢနၤ, ပကစၢ်ယွၤစံၣ်ညီၣ်တ့ၢ်ပှၤစှၤန့ၢ်ဒံးပကြၢးဘၣ် တၢ်စံၣ်ညီၣ်တက့ၢ်ဒီးပျဲဒံးပှၤလၢပကအိၣ်မူဝဲလီၤ.

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

စံးထီၣ်ပတြၢၤ 47:2

ယွၤ, တၢ်ထီကတၢၢ်တဂၤအံၤကဘၣ်တၢ်ပျံၤအီၤလီၤ. အဝဲမ့ၢ်စီၤပၤဖးဒိၣ်တဂၤလၢ အပၢဟီၣ်ခိၣ်ဒီဘ့ၣ်န့ၣ်လီၤ.

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

စံးထီၣ်ပတြၢၤ 66:5

ဟဲဒီးကွၢ်တၢ်လၢကစၢ်ယွၤမၤတ့ၢ်န့ၣ်တက့ၢ်. အဝဲမ့ၢ်တၢ်ပျံၤအလီၢ်လၢ အတၢ်မၤတဖၣ်လၢပှၤကညီအကျါန့ၣ်လီၤ.

လံာ်တၢ်ဟးထီၣ်ကွံာ် 18:8

ဒီးစီၤမိၤၡ့တဲဘၣ်စီၤယံးသရိၤတၢ်ကိးမံၤလၢယွၤမၤဘၣ် တ့ၢ်ကီၢ်အဲၤကူပတူးအစီၤပၤဒီးအပှၤဂီၢ်မုၢ်ဒ်သိးကအုၣ်က့ၤ ခီၣ်က့ၤပှၤအံၣ်စရ့လးဖိတဖၣ်အဂ့ၢ်န့ၣ်လီၤ. ဒီးတဲဘၣ်အီၤစ့ၢ်ကီးဝဲတၢ်ကီတၢ်ခဲတဖၣ်လၢပှၤဂီၢ်မုၢ်ဘၣ် ကွၢ်ဆၢၣ်မဲာ်လၢကျဲဒီဘိညါဒီးယွၤမၤစၢၤအဝဲသ့ၣ်ဒ်လဲၣ် အဂ့ၢ်တဖၣ်န့ၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ဒၤနံးယ့လး 9:4

ယဃ့ဘါထုကဖၣ်ဆူယွၤ, ယကစၢ်ယွၤအအိၣ်ဒီးအၢၣ်လီၤ အီလီၤယပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ. ဒီးယစံး, “ယွၤ, ကစၢ်ယွၤဧၢ, နဒိၣ်ဝဲထီဝဲဒီးပမၤလၤကပီၤနၤလီၤ. နတီဒီးနတၢ်အၢၣ်လီၤဒီးပာ်ဖျါထီၣ်နတၢ်အဲၣ်တဘိယူၢ် ဃီဆူပှၤလၢအအဲၣ်နၤဒီးမၤတၢ်လၢနမၤလိာ်အီၤတဖၣ်န့ၣ်လီၤ.

လံာ်ဒၤနံးယ့လး 9:6

ပတဒိကနၣ်တ့ၢ်ဘၣ်နခ့နပှၤဝံသ့ၣ်တဖၣ်လၢအကတိၤတ့ၢ်တၢ်လၢ နမံၤအပူၤဆူပစီၤပၤတဖၣ်, ပပှၤပၢတၢ်တဖၣ်, ပမိၢ်ပၢ်ဖံဖုလၢပျၢၤတဖၣ်ဒီး ပပှၤဒီကလုာ်ညါန့ၣ်ဘၣ်.

လံာ်ဒၤနံးယ့လး 9:8

ယွၤဧၢ, ပစီၤပၤတဖၣ်, ပပှၤပၢတၢ်တဖၣ်, ဒီးမိၢ်ပၢ်ဖံဖုလၢပျၢၤတဖၣ်မၤတ့ၢ်တၢ်လၢအလီၤမဲာ်ဆှး ဒီးမၤတ့ၢ်တၢ်ဒဲးဘးထီဒါနၤလီၤ.

လံာ်တၢ်ဘူၣ်ထီၣ်ဘါထီၣ် 26:18

ဒီးတၢ်စံၣ်ညီၣ်လၢထးတဖၣ်အံၤဘၣ်သုဒၣ်လဲာ်န့ၣ်သုမ့ၢ်တဒိ ကနၣ်ဘၣ်ယၤဒီး, ယကမၤအါထီၣ်တၢ်စံၣ်ညီၣ်နွံဘျီလၢသုဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:21

သုမ့ၢ်ထီဒါဒံးယၤဒီးတဒိကနၣ်ဘၣ်ယၤန့ၣ်, ယကမၤအါထီၣ်ကဒီးတၢ်စံၣ်ညီၣ်နွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:24

ယကဃၣ်ဒူချၢယသး လၢသုဒီးစံၣ်ညီၣ်သုနးန့ၢ်ဒံးတၢ်စံၣ်ညီၣ်လၢညါနွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်သိၣ်လီၤသီလီၤတၢ် 7:12

သုမ့ၢ်ဒိကနၣ်တၢ်မၤလိာ်တဖၣ်အံၤဒီးစူၢ်အီၤလၢတၢ်သူၣ်တီသး ရၤအပူၤန့ၣ်, အန့ၣ်တစု, ယွၤ, သုကစၢ်ကဟံးဃာ်ထွဲဒံးအတၢ် အၢၣ်လီၤဒီးသုဒီးကဒုးနဲၣ်သုလၢအတၢ်အဲၣ်တထံၣ်ဃီဒ်အဝဲ အၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

လံာ်သိၣ်လီၤသီလီၤတၢ် 7:9

သ့ၣ်နီၣ်ထီၣ်က့ၤလၢယွၤ, သုကစၢ်ယွၤမ့ၢ်ကစၢ်ယွၤထဲတဂၤဧိၤ, ဒီးလၢအဝဲမ့ၢ်ပှၤလၢအကလုၢ်တီန့ၣ်တက့ၢ်. အဝဲကဟံးဃာ်အတၢ်အၢၣ်လီၤအီလီၤဒီးဒုးနဲၣ်အတၢ်အဲၣ်အထူအယိာ် ဆူပှၤတဖၣ်လၢအအဲၣ်အီၤဒီးစူၢ်အတၢ်မၤလိာ်, တုၤလီၤလၢပှၤအစိၤတကထိန့ၣ်လီၤ.