လံာ်စီၤနဃ့မယၤ 9:22 - Sgaw Karen Common Bible

²² နဒုးမၤနၢၤကွံာ်အဝဲသ့ၣ်လၢပှၤကလုာ်တဖၣ်ဒီးထံကီၢ်တဖၣ်, ကီၢ်လၢအအိၣ်ဝးတရံးအဝဲသ့ၣ်အကီၢ်န့ၣ်လီၤ. အဝဲသ့ၣ်မၤနၢၤကွံာ်ကီၢ်ဃ့ၡဘိၣ်လၢစီၤစံဃိၣ်ပၢဝဲ, ဒီးကီၢ်ဘၤၡၣ်လၢစီၤပၤဧိာ်ပၢဝဲဒၣ်န့ၣ်လီၤ.

လံာ်စီၤနဃ့မယၤ 9:22 Iomraidhean Croise

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

စံးထီၣ်ပတြၢၤ 78:65

အန့ၣ်ဒီးယွၤဖုသံနီၣ်ထီၣ်ဒ်ပှၤလၢအမံအသိး, ဒီးဒ်ပှၤဂံၢ်ဆူၣ်ဘါဆူၣ်လၢအကိးပသူထီၣ်လၢ စပံးထံအဃိအသိးန့ၣ်လီၤ.

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်သိၣ်လီၤသီလီၤတၢ် 1:4

တၢ်အံၤမ့ၢ်ဖဲယွၤမၤနၢၤကွံာ်ပှၤဧၣ်မိၣ်ဖိတဖၣ်အစီၤပၤစံဃိၣ် လၢအပၢတၢ်လၢဝ့ၢ်ဃ့ၡဘိၣ်, ဒီးကီၢ်ဘၤၡၣ်အစီၤပၤစီၤဧိာ်လၢအပၢတၢ်လၢဝ့ၢ်ဧၤၡတြိးဒီး ဝ့ၢ်အ့ဒြၤတဖၣ်, အလီၢ်ခံန့ၣ်လီၤ.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

လံာ်သိၣ်လီၤသီလီၤတၢ် 4:46

တၢ်လီၢ်အံၤအိၣ်ဝဲလၢပှၤဧၣ်မိၣ်ဖိတဖၣ်အစီၤပၤစီၤစံဃိၣ်လၢ အပၢတၢ်လၢဝ့ၢ်ဃ့ၡဘိၣ်, အလီၢ်ကဝီၤပူၤန့ၣ်လီၤ. စီၤမိၤၡ့ဒီးကီၢ်အံၣ်စရ့လးအပှၤဂီၢ်မုၢ်မၤနၢၤကွံာ်အီၤဖဲ အဝဲသ့ၣ်ဟးထီၣ်ကွံာ်လၢကီၢ်အဲၤကူပတူးပူၤအခါန့ၣ်လီၤ.

လံာ်သိၣ်လီၤသီလီၤတၢ် 4:47

အဝဲသ့ၣ်မၤန့ၢ်အဝဲအကီၢ်ဒီးကီၢ်ဘၤၡၣ်အစီၤပၤစီၤဧိာ်, လၢအမ့ၢ်ပှၤဧၣ်မိၣ်ဖိအစီၤပၤအဂၤတဂၤအကီၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်တခီန့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.