လံာ်စီၤနဃ့မယၤ 9:19 - Sgaw Karen Common Bible

¹⁹ ဘၣ်ဆၣ်နတလဲၤသဒၣ်အဝဲသ့ၣ်ဖဲန့ၣ်လၢပှၢ်မုၢ်ကနၢအပူၤန့ၣ်ဘၣ်. အဂ့ၢ်ဒ်အံၤ, နတၢ်သးကညီၤဒိၣ်ဝဲနီၢ်မးန့ၣ်လီၤ. နတဟံးထီၣ်ကွံာ်တၢ်အၢၣ်မ့ၢ်ဂ့ၤ, မ့ၣ်အူမ့ၢ်ဂ့ၤ လၢအဒုးနဲၣ်အဝဲသ့ၣ်ကျဲလၢမုၢ်နံၤဒီးမုၢ်နၤန့ၣ်ဘၣ်.

လံာ်စီၤနဃ့မယၤ 9:19 Iomraidhean Croise

လံာ်စီၤနဃ့မယၤ 9:12

ဒီးလၢမုၢ်ဆါန့ၣ်နဆှၢအဝဲသ့ၣ်လၢတၢ်အၢၣ်ဒီးလၢမုၢ်နၤန့ၣ် နမၤကပီၤထီၣ်အကျဲဒီးမ့ၣ်အူန့ၣ်လီၤ.

လံာ်စီၤနဃ့မယၤ 9:27

ဒီးလၢတၢ်န့ၣ်အဃိနပျဲအဝဲသ့ၣ်အဒုၣ်အဒါတဖၣ်မၤနၢၤအီၤဒီး ပၢဘၣ်အဝဲသ့ၣ်န့ၣ်လီၤ. လၢအဝဲသ့ၣ်အတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ကိးထီၣ်နၤလၢတၢ် မၤစၢၤအဂီၢ်, ဒီးနစံးဆၢအဝဲသ့ၣ်လၢမူခိၣ်န့ၣ်လီၤ. ဒီးလၢနတၢ်သးကညီၤဖးဒိၣ်အပူၤနဆှၢလီၤန့ၢ်အဝဲသ့ၣ်လၢခိၣ် နၢ်တဖၣ်လၢကအုၣ်က့ၤခီၣ်က့ၤအဝဲသ့ၣ်လၢအဒုၣ်အဒါတဖၣ်န့ၣ်လီၤ.

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

စံးထီၣ်ပတြၢၤ 106:45

လၢအဝဲသ့ၣ်အဂီၢ် ယွၤသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤဒီး လၢအတၢ်အဲၣ်ဒိၣ်ဝဲအဃိ, အဝဲထိၣ်ကဆှၣ်လီၤက့ၤအသးန့ၣ်လီၤ.

စံးထီၣ်ပတြၢၤ 136:16

ဆှၢခီဖျိအပှၤဂီၢ်မုၢ်လၢပှၢ်မုၢ်ကနၢအပူၤလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်တၢ်ဟးထီၣ်ကွံာ် 40:36

ပှၤအံၣ်စရ့လးဖိတဖၣ်သုးအသူၣ်ဒဲအလီၢ်, ဆူတၢ်လီၢ်အဂၤတတီၤ, ထဲဒၣ်ဖဲလၢတၢ်အၢၣ်သုးကွံာ်အသးလၢဒဲ စီဆှံအဖီခိၣ်အခါဧိၤန့ၣ်လီၤ.

လံာ်တၢ်ဟးထီၣ်ကွံာ် 40:38

ဖဲအဝဲသ့ၣ်ဟးဝ့ၤဝီၤဝဲအဆၢကတီၢ်ဒီကတီၢ်န့ၣ်အဝဲသ့ၣ်ထံၣ်ဘၣ် ယွၤအိၣ်ဝဲဆိးဝဲအတၢ်အၢၣ်လၢဒဲစီဆှံအဖီခိၣ်လၢမုၢ်ဆါကတီၢ်, ဒီးမ့ၣ်အူကပီၤထီၣ်လၢအဖီခိၣ်လၢမုၢ်နၤအကတီၢ်န့ၣ်လီၤ.

လံာ်ယၡါယၤ 44:21

ယွၤစံးဝဲ, “ကီၢ်အံၣ်စရ့လးဧၢ, သ့ၣ်နီၣ်ထီၣ်တၢ်အံၤတက့ၢ်. သ့ၣ်နီၣ်ထီၣ်က့ၤလၢနမ့ၢ်ယခ့ယပှၤတက့ၢ်. ယတ့လီၤပာ်လီၤနၤလၢနကမ့ၢ်ယခ့ယပှၤဒီး ယတသးပ့ၤနီၣ်နၤနီတစုဘၣ်.

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

လံာ်ယဃ့းစက့လး 20:17

အန့ၣ်ဒၣ်လဲာ်ယအိၣ်ဒီးတၢ်သးကညီၤလၢအဝဲသ့ၣ်အဖီခိၣ်လီၤ. ယပာ်လီၤယသးလၢယတမၤသံအဝဲသ့ၣ်ဖဲန့ၣ်လၢပှၢ်မုၢ်ကနၢအပူၤဘၣ်.

လံာ်ယဃ့းစက့လး 20:22

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိ ယမံၤအလၤကပီၤလၢပှၤကလုာ်တဖၣ်အကျါ, ပှၤတဖၣ်လၢအထံၣ်တ့ၢ်ယထုးထီၣ်ကွံာ်အံၣ်စရ့လးလၢကီၢ်အဲၤကူပတူး အပူၤန့ၣ်လီၤ.

လံာ်ဒၤနံးယ့လး 9:18

အိကစၢ်ယွၤဧၢ, ဒိကနၣ်လၢ်ပှၤတက့ၢ်. ကွၢ်လီၤပှၤဒီးထံၣ်လီၤ ပတၢ်ကိၢ်တၢ်ဂီၤလၢအအိၣ်လၢပပူၤဒီးဝ့ၢ်တဝ့ၢ်လၢအအိၣ်ဒီး နမံၤအတၢ်ဘၣ်နးဘၣ်ဖှီၣ်န့ၣ်တက့ၢ်. ပဘါထုကဖၣ်တၢ်ဆူနအိၣ်န့ၣ်မ့ၢ် လၢနလၢပှဲၤဒီးတၢ်သးကညီၤအဃိလီၤ. တမ့ၢ်ဘၣ်လၢပမၤ တ့ၢ်တၢ်လိၤတၢ်ဘၣ်အဃိဘၣ်.

လံာ်ဒၤနံးယ့လး 9:9

နပှဲၤဒီးတၢ်သးကညီၤဒီးနပျၢ်ပတၢ်ကမၣ်ဖဲပပူထီၣ်ထီဒါတ့ၢ်နၤ အခါဒၣ်လဲာ်န့ၣ်လီၤ.

လံာ်မၤလကံ 3:6

ဒီးယဲဒၣ်အံၤယမ့ၢ်ယွၤ, ဒီးယတကဒံကဒါဘၣ်. မၤသးဒ်န့ၣ်ဒီးသုဝဲ, ပှၤလၢအဟဲလီၤစၢၤလီၤသွဲၣ်လၢစီၤယၤကိာ်သ့ၣ်ဧၢ, သုတတုၤဘၣ်လၢတၢ်ဟးဂူာ်ဟးဂီၤဘၣ်.

လံာ်တၢ်ဂံၢ် 14:14

အဝဲသ့ၣ်ကတဲဘၣ်တၢ်အံၤဆူပှၤဂီၢ်မုၢ်လၢအအိၣ်လၢကီၢ်တဘ့ၣ်အံၤ အပူၤလီၤ. ပှၤဂီၢ်မုၢ်အံၤနၢ်ဟူတ့ၢ်လံလၢနၤ, ယွၤ, အိၣ်ဒီးပှၤ, လၢနအိၣ်ဖျါလီၤတံၢ်လီၤဆဲးဖဲနတၢ်အၢၣ်အထူၣ်အိၣ် ကတီၢ်လၢပဖီခိၣ်ဒီးနလဲၤဆိတၢ်လၢပမဲာ်ညါလၢတၢ်အၢၣ်အထူၣ် တထူၣ်အပူၤလၢမုၢ်ဆါခီဒီးလၢမ့ၣ်အူထူၣ်တထူၣ်အပူၤလၢမုၢ်နၤ ခီန့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.