လံာ်စီၤနဃ့မယၤ 9:15 - Sgaw Karen Common Bible

¹⁵ တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

လံာ်စီၤနဃ့မယၤ 9:15 Iomraidhean Croise

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်စီၤနဃ့မယၤ 9:20

လၢနတၢ်ဂ့ၤတၢ်ဝါအပူၤန့ၣ်, နတဲဘၣ်အဝဲသ့ၣ်တၢ်လၢအ ကြၢးမၤဝဲ, နလုၢ်အီၣ်တ့ၢ်အဝဲသ့ၣ်လၢကိၣ်မၤနၤဒီးဟ့ၣ်အီၤထံလၢကအီဝဲ အဂီၢ်န့ၣ်လီၤ.

စံးထီၣ်ပတြၢၤ 114:8

ပှၤတဂၤလၢအလဲလိာ်ကွံာ်လၢၢ်တဖၣ်ဆူ ထံနိၣ်တဖၣ်, ဒီးလ့ကဘျၣ်အကိၤဆူ ထံထီၣ်ပၢၢ်လၢအယွၤလီၤဝဲ, အမဲာ်ညါန့ၣ်တက့ၢ်.

လံာ်တၢ်ဟးထီၣ်ကွံာ် 16:4

ဒီးယွၤစံးဘၣ်စီၤမိၤၡ့, “ခဲကနံၣ်အံၤ, ယကဒုးစူၤလီၤတၢ်အီၣ်တၢ်အီလၢမူခိၣ်လၢသုဝဲခဲလၢာ်အဂီၢ်လီၤ. ပှၤဂီၢ်မုၢ်ကဘၣ်ဟးထီၣ်ကိးမုၢ်နံၤဒီးပာ်ဖှိၣ်တၢ်လၢလၢလီၣ် လီၣ်လၢအနံၤဝဲန့ၣ်အဂီၢ်လီၤ. လၢကျဲဒ်သိးအံၤန့ၣ်, ယမၤကွၢ်အဝဲသ့ၣ်ဒ်သိးယကထံၣ်န့ၢ်အဝဲသ့ၣ်လၢမ့ၢ်အကပိာ်ထွဲ, မ့တမ့ၢ်တပိာ်ထွဲယတၢ်သိၣ်တၢ်သီတဖၣ်အခံဧါကသ့န့ၣ်လီၤ.

လံာ်တၢ်ဟးထီၣ်ကွံာ် 17:3

ဘၣ်ဆၣ်ဒီးပှၤဂီၢ်မုၢ်အသးသူထံနးနးကလဲာ်အဃိကဒူးကဒ့ၣ်တၢ် အါထီၣ်လၢစီၤမိၤၡ့အလိၤလီၤ. အဝဲသ့ၣ်စံးဝဲ, “ဘၣ်မနုၤလၢနထုးထီၣ်ပှၤလၢကီၢ်အဲၤကူပတူး အပူၤန့ၣ်လဲၣ်. မ့ၢ်ဒ်သိးနကမၤသံပှၤဒီးပဖိပလံၤဒီးပဆၣ်ဖိကီၢ်ဖိတဖၣ် လၢတၢ်သူအသးလၢထံအဂီၢ်န့ၣ်ဧါ.”

လံာ်တၢ်ဟးထီၣ်ကွံာ် 17:6

ယကဆၢထၢၣ်လၢသုမဲာ်ညါလၢလ့တဖျၢၣ်အဖီခိၣ်ဖဲကစၢၢ်စံၤနါန့ၣ် လီၤ. တီၢ်လ့န့ၣ်ဒီးထံကဟဲထီၣ်လၢအပူၤလၢပှၤဂီၢ်မုၢ်ကအီအီၤအဂီၢ် လီၤ.” ဒီးစီၤမိၤၡ့မၤဝဲဒ်န့ၣ်လၢကီၢ်အံၣ်စရ့လးအခိၣ်အနၢ်တဖၣ်အမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 6:8

ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

လံာ်တၢ်ဂံၢ် 14:30

ယအၢၣ်လီၤအီလီၤတ့ၢ်လၢသုကအိၣ်ဘၣ်ဖဲန့ၣ်ဘၣ်ဆၣ်ဒီးမ့တမ့ၢ် လၢစီၤကၤလ့းဒီးစီၤယိၤၡူဘၣ်န့ၣ်ပှၤတလဲၤနုာ်ဘၣ်နီတဂၤ ဘၣ်.

လံာ်သိၣ်လီၤသီလီၤတၢ် 1:21

ကွၢ်တကၢ်. ကီၢ်လၢယွၤပကစၢ်ယွၤဟ့ၣ်လီၤသုန့ၣ်, အိၣ်ဖဲန့ၣ်လီၤ. လဲၤဒီးမၤန့ၢ်အီၤဒ်အဝဲမၤလိာ်တ့ၢ်ဝဲအသိး န့ၣ်တက့ၢ်. မၤယံာ်မၤနီၢ်သုသးဒီးပျံၤတၢ်တဂ့ၤ.

လံာ်သိၣ်လီၤသီလီၤတၢ် 1:8

ကယဲၢ်တၢ်ခဲလၢာ်အံၤမ့ၢ်ကီၢ်လၢယၤ, ယွၤ, အၢၣ်လီၤတ့ၢ်လၢကဟ့ၣ် အီၤဆူသုမိၢ်ပၢ်ဖံဖုလၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်ဒီးဆူအဝဲသ့ၣ်အစၢၤအသွဲၣ်တဖၣ် အအိၣ်န့ၣ်လီၤ. လဲၤဒီးမၤန့ၢ်အီၤတက့ၢ်.”

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.