လံာ်စီၤနဃ့မယၤ 9:13 - Sgaw Karen Common Bible

¹³ နဟဲလီၤလၢမူခိၣ်ဖဲကစၢၢ်စံၤနါအလိၤ, နကတိၤတ့ၢ်တၢ်ဒီးနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်သိၣ်တၢ်သီအဂ့ၤတဖၣ်ဒီးတၢ်သိၣ်လိလၢအ ကြၢးဝဲဘၣ်ဝဲတဖၣ်န့ၣ်လီၤ.

လံာ်စီၤနဃ့မယၤ 9:13 Iomraidhean Croise

လံာ်စီၤပၤခံဘ့ၣ်တဘ့ၣ် 17:37

ထီဘိသုကဘၣ်စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤ လိာ်တဖၣ်လၢယကွဲးန့ၢ်တ့ၢ်သုန့ၣ်လီၤ. သုတဘၣ်စူၢ်ကစၢ်အဂုၤအဂၤတဖၣ်,

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

စံးထီၣ်ပတြၢၤ 119:137

ယွၤဧၢ, နမ့ၢ်တၢ်တီတၢ်လိၤ ဒီးနတၢ်စံၣ်ညီၣ်တဖၣ်န့ၣ်တီဝဲလိၤဝဲလီၤ.

စံးထီၣ်ပတြၢၤ 119:160

နကလုၢ်ကထါအကံၢ်အလဲန့ၣ် မ့ၢ်တၢ်တီတၢ်လိၤလီၤ. ဒီးနတၢ်တီတၢ်လိၤအတၢ်စံၣ်ညီၣ်တဖၣ်န့ၣ် အိၣ်ဝဲလီၤစိၤလီၤထီကိးထံၣ်ဒဲးလီၤ.

စံးထီၣ်ပတြၢၤ 119:4

နမၤလိာ်တ့ၢ်ပှၤလၢ ပဘၣ်တိၢ်န့ၢ်ဟံးဃာ် နတၢ်သိၣ်တၢ်သီထံထံဆးဆးလီၤ.

လံာ်တၢ်ဟးထီၣ်ကွံာ် 16:23

ဒီးအဝဲဒၣ်စံးဘၣ်အဝဲသ့ၣ်, “ယွၤမၤလိာ်တ့ၢ်ဝဲလၢခဲမုၢ် ဆ့ၣ်တနံၤန့ၣ်မ့ၢ်မုၢ်အိၣ်ဘှံးအနံၤစီဆှံလၢတၢ်ကဘၣ်ပာ်စီ ဆှံအီၤလၢယွၤအဂီၢ်န့ၣ်လီၤ. တၢ်လၢသုအဲၣ်ဒိးဘၢအီၤန့ၣ်ဘၢအီၤဒီးတၢ်လၢသုအဲၣ်ဒိးချီ အီၤန့ၣ်ချီအီၤတနံၤအံၤတက့ၢ်. တၢ်တမံၤလၢ်လၢ်လၢအအိၣ်လီၤတဲာ်န့ၣ်တၢ်ကဘၣ်ပာ်ကပၤအီၤဒီးပာ် ဃးအီၤလၢခဲမုၢ်ဆ့ၣ်အဂီၢ်လီၤ.”

လံာ်တၢ်ဟးထီၣ်ကွံာ် 19:11

ဒီးကဘၣ်အိၣ်ကတဲာ်ကတီၤအသးလၢခဲတဆ့ၣ်အနံၤန့ၣ်လီၤ. လၢနံၤအဝဲန့ၣ်ယကဟဲလီၤလၢကစၢၢ်စံၤနါအလိၤဖဲပှၤကိးဂၤဒဲး ထံၣ်ဘၣ်ယၤကသ့အလီၢ်န့ၣ်လီၤ.

လံာ်တၢ်ဟးထီၣ်ကွံာ် 20:1

ဒီးကစၢ်ယွၤကတိၤတၢ်ဒီးစံးဝဲဒၣ်, “ယမ့ၢ်ယွၤ, သုကစၢ်ယွၤလၢအထုးထီၣ်ကွံာ်သုလၢကီၢ်အဲၤကူပတူးအပူၤဖဲသုမ့ၢ်ကုၢ်တဖၣ်အလီၢ်န့ၣ်လီၤ.

လံာ်တၢ်ဟးထီၣ်ကွံာ် 20:22

ဒီးယွၤမၤလိာ်စီၤမိၤၡ့လၢကစံးဘၣ်ပှၤအံၣ်စရ့လးဖိတဖၣ်, “သုထံၣ်တ့ၢ်ယၤ, ယွၤ, ကတိၤတၢ်ဒီးသုလၢမူခိၣ်ဒ်လဲၣ်န့ၣ်လီၤ.

လံာ်ယၡါယၤ 64:1

နတအိးထီၣ်မူကပိာ်လိၤဒီးဟဲလီၤန့ၣ်ဘၣ်မနုၤအဃိလဲၣ်. ကစၢၢ်တဖၣ်ကထံၣ်ဘၣ်နၤဒီးကဟူးဝးဝဲလၢတၢ်ပျံၤတၢ်ဖုး အပူၤလီၤ.

လံာ်ယၡါယၤ 64:3

အဆၢကတီၢ်အိၣ်တ့ၢ်ဝဲတဘျီဖဲနဟဲဒီးမၤတ့ၢ်တၢ်လီၤပျံၤလီၤဖုး တဖၣ်လၢပတမုၢ်လၢ်တ့ၢ်ဘၣ်, ကစၢၢ်တဖၣ်ထံၣ်တ့ၢ်နၤဒီးဟူးဝးဝဲလၢတၢ်ပျံၤတၢ်ဖုးအပူၤလီၤ.

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

ရိမ့ၤ 7:16

ဖဲယမၤတၢ်လၢယတသးအိၣ်မၤန့ၣ်, မ့ၢ်ယအၢၣ်လီၤယဲလၢတၢ်သိၣ်တၢ်သီမ့ၢ်တၢ်လၢ အဂ့ၤဝဲဘၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်သိၣ်လီၤသီလီၤတၢ် 4:33

ပှၤဂီၢ်မုၢ်လၢအနၢ်ဟူဘၣ်ယွၤကတိၤတၢ်ဒီးအီၤလၢမ့ၣ်အူအပူၤ ဒီးအိၣ်မူဘၣ်ဒံးဝဲဒ်သုအသိးန့ၣ်မ့ၢ်အအိၣ်ဧါ.

လံာ်သိၣ်လီၤသီလီၤတၢ် 4:36

အဝဲပျဲသုနၢ်ဟူဘၣ်အကလုၢ်လၢမူခိၣ်ဒ်သိးအဝဲသိၣ်သီနဲၣ်ယုၤ သုကသ့ဝဲန့ၣ်လီၤ. ဒီးဖဲအံၤလၢဟီၣ်ခိၣ်ချၢအံၤန့ၣ်အဝဲပျဲသုထံၣ်ဘၣ်အမ့ၣ်အူ စီဆှံ, ဒီးအဝဲကတိၤတၢ်ဒီးသုလၢတၢ်န့ၣ်အပူၤလီၤ.

လံာ်သိၣ်လီၤသီလီၤတၢ် 4:8

ပှၤကလုာ်ဂၤကဒိၣ်ထဲလဲၣ်ထဲလဲၣ်န့ၣ်, တအိၣ်ဘၣ်ဒီးတၢ်ဘူၣ်တၢ်ဘါ အတၢ်သိၣ်တၢ်သီတဖၣ်လၢအတီဝဲဘၣ်ဝဲဒ်တၢ်သိၣ်တၢ်သီ တဖၣ်လၢယသိၣ်လိတ့ၢ်သုတနံၤအံၤန့ၣ်ဘၣ်.

လံာ်သိၣ်လီၤသီလီၤတၢ် 5:4

ဖဲန့ၣ်လၢကစၢၢ်ဒီခိၣ်န့ၣ်, ယွၤကတိၤတၢ်ဒီးသုမဲာ်သကိးမဲာ် လၢမ့ၣ်အူအကျါလီၤ.