လံာ်စီၤနဃ့မယၤ 9:12 - Sgaw Karen Common Bible

¹² ဒီးလၢမုၢ်ဆါန့ၣ်နဆှၢအဝဲသ့ၣ်လၢတၢ်အၢၣ်ဒီးလၢမုၢ်နၤန့ၣ် နမၤကပီၤထီၣ်အကျဲဒီးမ့ၣ်အူန့ၣ်လီၤ.

လံာ်စီၤနဃ့မယၤ 9:12 Iomraidhean Croise

လံာ်စီၤနဃ့မယၤ 9:19

ဘၣ်ဆၣ်နတလဲၤသဒၣ်အဝဲသ့ၣ်ဖဲန့ၣ်လၢပှၢ်မုၢ်ကနၢအပူၤန့ၣ်ဘၣ်. အဂ့ၢ်ဒ်အံၤ, နတၢ်သးကညီၤဒိၣ်ဝဲနီၢ်မးန့ၣ်လီၤ. နတဟံးထီၣ်ကွံာ်တၢ်အၢၣ်မ့ၢ်ဂ့ၤ, မ့ၣ်အူမ့ၢ်ဂ့ၤ လၢအဒုးနဲၣ်အဝဲသ့ၣ်ကျဲလၢမုၢ်နံၤဒီးမုၢ်နၤန့ၣ်ဘၣ်.

စံးထီၣ်ပတြၢၤ 105:39

ကစၢ်ယွၤသလၣ်ထီၣ်တၢ်အၢၣ်လၢ အပှၤဂီၢ်မုၢ်အဖီခိၣ်ဒီး ဟ့ၣ်လီၤအီၤ မ့ၣ်အူလၢ မုၢ်နၤဒ်သိးကဟ့ၣ်အဝဲသ့ၣ်လၢတၢ်ကပီၤန့ၣ်လီၤ.

စံးထီၣ်ပတြၢၤ 107:7

အဝဲဆှၢအီၤလၢကျဲလၢအလိၤအဘျၢတုၤ အဝဲသ့ၣ်လဲၤတုၤဆူဝ့ၢ် လၢကအိၣ်ဝဲဆိးဝဲလၢအပူၤန့ၣ်လီၤ.

စံးထီၣ်ပတြၢၤ 143:8

ဒုးသ့ၣ်နီၣ်ယၤလၢနတၢ်အဲၣ်ဂၢၢ်ကျၢၤကိးဂီၤဒဲးတက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ. သိၣ်လိယၤလၢကျဲလၢယဂ့ၤပိာ်တဘိန့ၣ်တက့ၢ်. အဂ့ၢ်ဒ်အံၤ, ယစိာ်ထီၣ်ယသးဆူနအိၣ်လီၤ.

စံးထီၣ်ပတြၢၤ 78:14

လၢမုၢ်ဆါယွၤဆှၢအဝဲသ့ၣ်လၢတၢ်အၢၣ်, ဒီးသီတနၤကျၢၤလၢမ့ၣ်အူအတၢ်ကပီၤန့ၣ်လီၤ.

လံာ်တၢ်ဟးထီၣ်ကွံာ် 15:13

လၢနတၢ်သးတီဒီးနတၢ်အၢၣ်လီၤန့ၣ်, နဆှၢနပှၤဂီၢ်မုၢ်လၢ နအုၣ်က့ၤခီၣ်က့ၤတ့ၢ်အီၤန့ၣ်လီၤ. လၢနဂံၢ်နဘါန့ၣ်နဆှၢတ့ၢ်အဝဲသ့ၣ်ဆူနကီၢ်စီဆှံ အပူၤလီၤ.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်တၢ်ဂံၢ် 9:16

လၢမုၢ်နၤန့ၣ်တၢ်အၢၣ်အံၤဖျါလီၤဂာ်မးဒ်မ့ၣ်အူအသိးန့ၣ် လီၤ.

လံာ်တၢ်ဂံၢ် 9:21

တဘျီဘျီတၢ်အၢၣ်အိၣ်ထဲစးထီၣ်လၢဟါခီဒီးတုၤလၢဂီၤခီ အကတီၢ်ဧိၤဒီးအဝဲသ့ၣ်သုးအသးတကီၢ်ခါဖဲတၢ်အၢၣ်သုးထီထီၣ် အသးန့ၣ်လီၤ. တဘျီလၢ်လၢ်ဖဲတၢ်အၢၣ်သုးထီထီၣ်အသးန့ၣ်, အဝဲသ့ၣ်လဲၤဆူညါန့ၣ်လီၤ.

လံာ်သိၣ်လီၤသီလီၤတၢ် 1:33

အဝဲလဲၤဆိဒၣ်လဲာ်လၢသုမဲာ်ညါဒီးဃုထံၣ်တၢ်လီၢ်တတီၤလၢသူၣ် ဒဲအဂီၢ်ဘၣ်ဆၣ်သုတနာ်ဒံးဘၣ်အီၤဘၣ်. အဝဲလဲၤဆိတၢ်လၢသုမဲာ်ညါလၢမ့ၣ်အူထူၣ်အပူၤလၢမုၢ်နၤဒီး လၢတၢ်အၢၣ်အထူၣ်အပူၤလၢမုၢ်ဆါ, ဒ်သိးကဒုးနဲၣ်သု ကျဲအဂီၢ်န့ၣ်လီၤ.