လံာ်စီၤနဃ့မယၤ 8:9 - Sgaw Karen Common Bible

⁹ တုၤပှၤဂီၢ်မုၢ်နၢ်ဟူဘၣ်တၢ်လၢယူဒၤအတၢ်သိၣ်တၢ်သီဃ့ဝဲန့ၣ်, အဝဲသ့ၣ်အသးဘၣ်ဒိတုၤအစးထီၣ်ဟီၣ်ဝဲလီၤ. လၢတၢ်န့ၣ်အဃိ, ပဒိၣ်ဖးဒိၣ်စီၤနဃ့မယၤ, ပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤအတၢ်သိၣ်တၢ်သီအဂ့ၢ် စီၤဧ့စြၤ, ဒီးပှၤလ့ၤဝံဖိတဖၣ်လၢအတဲနၢ်ပၢၢ်တ့ၢ်ယူဒၤအတၢ်သိၣ်တၢ်သီ န့ၣ်စံးဘၣ်ပှၤဂီၢ်မုၢ်ခဲလၢာ် “မုၢ်တနံၤအံၤမ့ၢ်မုၢ်နံၤစီဆှံလၢယွၤသုကစၢ်ယွၤအဂီၢ်အဃိသူၣ် အုးသးအုးတဂ့ၤဒီးဟီၣ်တဂ့ၤ.

လံာ်စီၤနဃ့မယၤ 8:9 Iomraidhean Croise

လံာ်စီၤပၤခံဘ့ၣ်တဘ့ၣ် 22:11

တုၤစီၤပၤနၢ်ဟူဘၣ်လံာ်အံၤဘၣ်တၢ်ဖးန့ၢ်အီၤဝံၤဒီး, အဝဲဖှီကွံာ်အကူအသိးတဖၣ်လၢတၢ်ကမၢကမၣ်အပူၤ,

လံာ်စီၤပၤခံဘ့ၣ်တဘ့ၣ် 22:19

ဒီးနပီၢ်ယၢ်လီၤက့ၤနသး, ဒီးနဆီၣ်လီၤနသးလၢယမဲာ်ညါ, နဖှီနကူနသိးတဖၣ်နဟီၣ်တၢ်ယၢၤတၢ်ဖဲနနၢ်ဟူဘၣ်ယမၤပျံၤမၤ ဖုးတၢ်လၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ်န့ၣ် လီၤ. ယကဒုးကဲထီၣ်အီၤလၢတၢ်ထံၣ်လီၤပျံၤလီၤဖုးအလီၢ်တတီၤ, တၢ်လီၢ်တတီၤလၢပှၤဂီၢ်မုၢ်ကသူအမံၤဒ်တၢ်ဆိၣ်အၢန့ၣ်လီၤ. ဘၣ်ဆၣ်ယနၢ်ဟူတ့ၢ်နတၢ်ထုကဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 15:3

လၢအါနံၣ်အါလါအပူၤန့ၣ်, ကီၢ်အံၣ်စရ့လးအိၣ်မူဝဲ, တအိၣ်ဘၣ်ဒီးကစၢ်ယွၤအမ့ၢ်အတီ, တအိၣ်ဘၣ်ဒီးပှၤလုၢ်တၢ်အခိၣ် တဖၣ်လၢကသိၣ်လိအဝဲသ့ၣ်ဒီးတအိၣ်ဘၣ်ဒီးတၢ်စူၢ်တၢ်နာ်အတၢ်သိၣ် တၢ်သီတမံၤဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:22

စီၤဃံးစကံယၤစံးထီၣ်ပတြၢၤပှၤလ့ၤဝံဖိတဖၣ်လၢအဝဲသ့ၣ် အတၢ်သ့တၢ်ဘၣ်လၢကဆှၢတၢ်ဘူၣ်ထီၣ်ဘါထီၣ်ယွၤအဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:19

တုၤစီၤပၤနၢ်ဟူလံာ်န့ၣ်ဘၣ်တၢ်ဖးန့ၢ်အီၤဒီး, အဝဲဖှီယာ်အကူအသိးလၢတၢ်သူၣ်ပျံၤသးဖုးဒီးတၢ်ကမၢ ကမၣ်ဖးဒိၣ်အပူၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 34:21

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢပှၤဂီၢ်မုၢ်လၢ အအိၣ်တ့ၢ်ဒံးဝဲလၢကီၢ်အံၣ်စရ့လးဒီးကီၢ်ယူဒၤအပူၤအဂီၢ် န့ၣ်တက့ၢ်. ဃုထံၣ်သ့ၣ်ညါလံာ်အံၤအတၢ်သိၣ်တၢ်သီတဖၣ် အဂ့ၢ်တက့ၢ်. ယွၤသးထီၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တစူၢ်ယွၤအကလုၢ်ဒီးတမၤ ဘၣ်တၢ်လၢလံာ်အံၤတဲဘၣ်အီၤလၢကဘၣ်မၤဝဲတဖၣ် အဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 35:3

အဝဲဟ့ၣ်လီၤစ့ၢ်ကီးတၢ်သိၣ်လိနဲၣ်ယုၤတဖၣ်အံၤဆူပှၤလ့ၤဝံ ဖိတဖၣ်, အံၣ်စရ့လးအသရၣ်တဖၣ်, ပှၤလၢအပာ်စီဆှံထီၣ်တ့ၢ်အသးဆူ ယွၤအအိၣ်, စံးဝဲ, “ဒၢနုာ်ယွၤအတၢ်အၢၣ်လီၤအီလီၤအတလါစီဆှံဆူယွၤ အတၢ်လုၢ်ဟံၣ်လၢစီၤဒၤဝံးအဖိခွါစီၤပၤၡလိၤမိၤဘှီထီၣ် အပူၤန့ၣ်တက့ၢ်. သုတဘၣ်စိာ်လၢၤအီၤလၢတၢ်လီၢ်တပူၤဆူတၢ်လီၢ်အဂၤတပူၤ လၢၤတဂ့ၤ. မ့မ့ၢ်သုကဘၣ်မၤယွၤသုကစၢ်ယွၤဒီးအပှၤဂီၢ်မုၢ်အံၣ်စရ့လး အတၢ်မၤန့ၣ်လီၤ.

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်စီၤဧ့စြၤ 7:11

စီၤပၤဖးဒိၣ်အၢ်တၤၡါၡတၤဟ့ၣ်ဃီၤလံာ်ကွဲးနီၣ်ဟ့ၣ်စိဟ့ၣ် ကမီၤဒ်လာ်အံၤဆူစီၤဧ့စြၤအစုပူၤ, ပှၤတဂၤလၢအမ့ၢ်ပှၤလုၢ်တၢ်အခိၣ်ဒီးပှၤကူၣ်ဘၣ်ဘၣ်ကူၣ်သ့, ပှၤလၢအအိၣ်ဒီးတၢ်သ့ၣ်ညါနၢ်ပၢၢ်ဂ့ၤဂ့ၤကလဲာ်ဘၣ်ထွဲဒီးတၢ် စူၢ်တၢ်နာ်အတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယွၤဟ့ၣ်လီၤ တ့ၢ်ပှၤအံၣ်စရ့လးဖိတဖၣ်န့ၣ်လီၤ.

လံာ်စီၤနဃ့မယၤ 10:1

ပှၤအဆိကတၢၢ်လၢအဘၣ်ဆဲးလီၤအမံၤန့ၣ်မ့ၢ်ဝဲပဒိၣ်ဖးဒိၣ်စီၤ နဃ့မယၤလၢအမ့ၢ်စီၤဃကါလယၤအဖိခွါန့ၣ်လီၤ. အန့ၣ်ဝံၤဒီးစီၤစံးဒကံယၤဆဲးလီၤအမံၤန့ၣ်လီၤ. ဒီးပှၤအဂၤတဖၣ်လၢအဆဲးလီၤအမံၤန့ၣ်မ့ၢ်ဝဲဒ်အဖီလာ်အသိးလီၤ.

လံာ်စီၤနဃ့မယၤ 12:26

ပှၤဂီၢ်မုၢ်တဖၣ်အံၤအိၣ်မူဝဲဖဲစီၤယိယၤကံၣ်လၢအမ့ၢ်စီၤယိၤၡူ အဖိခွါစီၤယိၤစါဒးအလံၤခွါအမုၢ်နံၤ, ဒီးပဒိၣ်ဖးဒိၣ်စီၤ နဃ့မယၤအမုၢ်နံၤဒီးပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤ အတၢ်သိၣ်တၢ်သီအပူၤ, စီၤဧ့စြၤအမုၢ်နံၤန့ၣ်လီၤ.

လံာ်စီၤနဃ့မယၤ 7:65

ပှၤယူဒၤဖိအပဒိၣ်ဖးဒိၣ်တဲဘၣ်အဝဲသ့ၣ်လၢတဘၣ်အီၣ်တၢ်အီၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤဘၣ်တုၤလၢပှၤလုၢ်တၢ်အခိၣ်တဂၤ လၢအသူတူရံၣ်ဒီးအူမံၣ်သ့အိၣ်ဝဲ, န့ၣ်လီၤ.

လံာ်စီၤနဃ့မယၤ 7:70

ပှၤဂီၢ်မုၢ်အါဂၤဟ့ၣ်လီၤမၤဘူၣ်တ့ၢ်တၢ်လၢတၢ်ဟ့ၣ်ပှဲၤထီၣ်တၢ် ဘှီက့ၤယွၤအတၢ်လုၢ်ဟံၣ်အတၢ်လၢာ်အဂီၢ်န့ၣ်လီၤ. ပဒိၣ်ဖးဒိၣ်ဟ့ၣ်ဝဲ, ထူလီၤတယၢၢ်ဒးရံးတကထိ, သလၢအဖျၢၣ်ယဲၢ်ဆံလၢတၢ်ကသူအီၤလၢတၢ်မၤဘူၣ်အကတီၢ်, ပှၤလုၢ်တၢ်အခိၣ်အဆ့ကၤဖးထီယဲၢ်ကယၤသၢဆံဘ့ၣ်လီၤ.

လံာ်စီၤနဃ့မယၤ 8:2

ဒီးလၢတၢ်န့ၣ်အဃိစီၤဧ့စြၤဟဲစိာ်ယူဒၤတၢ်သိၣ်တၢ်သီအလံာ် ဆူတၢ်လီၢ်ဖဲပှၤဂီၢ်မုၢ်လၢအမ့ၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ်လၢအနၢ်ပၢၢ်တၢ်သ့လံဝဲပာ်ဖှိၣ် အသးန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်မၤလကံ 2:13

အအံၤမ့ၢ်တၢ်အဂၤတမံၤလၢသုမၤန့ၣ်လီၤ. သုမၤလီၤဘျၢကွံာ်ယွၤအတၢ်လုၢ်လီၢ်လၢမဲာ်ထံမဲာ်နိ, တၢ်ဟီၣ်တၢ်ယၢၤဒီးတၢ်ကအုကစွါမ့ၢ်လၢအတတူၢ်လိာ်လၢၤဘၣ်တၢ်လုၢ် တဖၣ်လၢသုဟဲစိာ်ဆူအအိၣ်အဃိလီၤ.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ရိမ့ၤ 7:9

တဘျီဖဲတၢ်သိၣ်တၢ်သီတအိၣ်ဒံးဘၣ်န့ၣ်, ယမူယဲလီၤ. ဘၣ်ဆၣ်ဖဲတၢ်မၤလိာ်ဟဲအိၣ်ထီၣ်န့ၣ်, တၢ်ဒဲးဘးမူထီၣ်ဝဲဒီး ယသံယဲလီၤ.

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 26:14

ဖဲယအိၣ်ဒီးတၢ်သူၣ်အုးသးအုးအခါန့ၣ်ယတအီၣ်တၢ်န့ၣ်နီ တစဲးဘၣ်, ယတဟံးန့ၢ်အီၤနီတစဲးလၢယဟံၣ်ပူၤဖဲယတကဆှီ ဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအခါဘၣ်. ဒီးယတဟ့ၣ်လီၤအီၤဒ်တၢ်မၤဘူၣ်အသိးဆူပှၤသံန့ၣ်နီတစဲးဘၣ်. ယစူၢ်နၤ, ယွၤဧၢ, ယမၤတၢ်ခဲလၢာ်ဒ်နတၢ်မၤလိာ်တ့ၢ်အသိးဘၣ်ဃး တၢ်ဆံဆဲၣ်ပူတပူန့ၣ်လီၤ.

ယၤကိာ် 4:9

မ်သုသူၣ်အုးသးအုးအိၣ်ဒီးတၢ်ဟီၣ်တၢ်ယၢၤတက့ၢ်. လဲလိာ်က့ၤသုတၢ်နံၤတၢ်အ့ဆူတၢ်ဟီၣ်တၢ်ယၢၤ, သုတၢ်သးခုဆူတၢ်သးအုးတက့ၢ်.