လံာ်စီၤနဃ့မယၤ 8:7 - Sgaw Karen Common Bible

⁷ အန့ၣ်ဝံၤဒီးအဝဲသ့ၣ်ဆၢထၢၣ်လၢအလီၢ်တဖၣ်, ဒီးပှၤလ့ၤဝံဖိ လၢလာ်တဖၣ်အံၤတဲနၢ်ပၢၢ်အဝဲသ့ၣ်လၢယူဒၤအတၢ်သိၣ်တၢ်သီန့ၣ် လီၤ. စီၤယ့ၤၡူ, စီၤဘၤနံ, စီၤၡ့ရ့ဘယၤ, စီၤယၤမံၣ်, စီၤဧးကူာ်, စီၤၡံၤဘသဲၤ, စီၤဟိၤဒံယၤ, စီၤမၤစ့ယၤ, စီၤက့လံတၤ, စီၤဧစၤရယၤ, စီၤယိစဘး, စီၤဃၤနၣ်, စီၤပလါယၤသ့ၣ်တဖၣ်န့ၣ်လီၤ.

လံာ်စီၤနဃ့မယၤ 8:7 Iomraidhean Croise

လံာ်စီၤပၤအခီၣ်ထံးတဘ့ၣ် 8:14

ဖဲပှၤဂီၢ်မုၢ်ဆၢထၢၣ်ဝဲဖဲန့ၣ်အခါန့ၣ်, စီၤပၤစီၤၡလိၤမိၤ ဃၣ်ဃီၤအမဲာ်ဆူအဝဲသ့ၣ်အအိၣ်ဒီးအဝဲဃ့ဝဲလၢကစၢ်ယွၤအတၢ်ဆိၣ် ဂ့ၤကလီၤဘၣ်လၢအဝဲသ့ၣ်အလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:22

စီၤဃံးစကံယၤစံးထီၣ်ပတြၢၤပှၤလ့ၤဝံဖိတဖၣ်လၢအဝဲသ့ၣ် အတၢ်သ့တၢ်ဘၣ်လၢကဆှၢတၢ်ဘူၣ်ထီၣ်ဘါထီၣ်ယွၤအဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:3

အဝဲဟ့ၣ်လီၤစ့ၢ်ကီးတၢ်သိၣ်လိနဲၣ်ယုၤတဖၣ်အံၤဆူပှၤလ့ၤဝံ ဖိတဖၣ်, အံၣ်စရ့လးအသရၣ်တဖၣ်, ပှၤလၢအပာ်စီဆှံထီၣ်တ့ၢ်အသးဆူ ယွၤအအိၣ်, စံးဝဲ, “ဒၢနုာ်ယွၤအတၢ်အၢၣ်လီၤအီလီၤအတလါစီဆှံဆူယွၤ အတၢ်လုၢ်ဟံၣ်လၢစီၤဒၤဝံးအဖိခွါစီၤပၤၡလိၤမိၤဘှီထီၣ် အပူၤန့ၣ်တက့ၢ်. သုတဘၣ်စိာ်လၢၤအီၤလၢတၢ်လီၢ်တပူၤဆူတၢ်လီၢ်အဂၤတပူၤ လၢၤတဂ့ၤ. မ့မ့ၢ်သုကဘၣ်မၤယွၤသုကစၢ်ယွၤဒီးအပှၤဂီၢ်မုၢ်အံၣ်စရ့လး အတၢ်မၤန့ၣ်လီၤ.

လံာ်စီၤဧ့စြၤ 8:18

လၢကစၢ်ယွၤအဘျုးအဖှိၣ်အဃိ, အဝဲသ့ၣ်ဆှၢလီၤန့ၢ်ပှၤစီၤၡ့ၤ ရ့ဘယၤ, ပှၤတဂၤလၢအအိၣ်ဒီးတၢ်သ့တၢ်ဘၣ်, ပှၤလ့ၤဝံဖိတဂၤလၢစီၤမၤဃလံအဒူၣ်ထၢ, ဒီးအဖိခွါဒီးအဒီပုၢ်ဝဲၢ်ခွါတဆံဃိးဂၤဟဲဃုာ်ဒီးအီၤန့ၣ်လီၤ.

လံာ်စီၤနဃ့မယၤ 10:18

စီၤဟိၤဒံယၤ, စီၤဃၤၡူၣ်, စီၤဘ့စဲၤ,

လံာ်စီၤနဃ့မယၤ 10:2

ပှၤလုၢ်တၢ်အခိၣ်တဖၣ်လၢအမ့ၢ်, စီၤစရါယၤ, စီၤဧစၤရယၤ, စီၤယံးရမံယၤ,

လံာ်စီၤနဃ့မယၤ 11:16

စီၤၡၤဘသဲၤဒီးစီၤယိစဘး, မ့ၢ်ပှၤလ့ၤဝံဖိခိၣ်နၢ်တဖၣ်လၢ တၢ်သ့ၣ်ညါအီၤဒိၣ်ဒၣ်တၢ်တက့ၢ်ဒ်ပှၤကွၢ်ထွဲတၢ်ဖံးတၢ်မၤလၢ ယွၤအတၢ်လုၢ်ဟံၣ်အချၢန့ၣ်လီၤ.

လံာ်စီၤနဃ့မယၤ 11:19

ပှၤခိးယွၤအတၢ်လုၢ်ဟံၣ်တဖၣ်မ့ၢ်ဝဲ စီၤဧးကူာ်, စီၤတၤလမိၣ်ဒီးအဝဲသ့ၣ်အဘူးအတံၢ်တဖၣ်ပှၤခဲလၢာ်, ပှၤတကယၤနွံဆံခံဂၤန့ၣ်လီၤ.

လံာ်စီၤနဃ့မယၤ 12:33

ဒီးပှၤလုၢ်တၢ်အခိၣ်လၢလာ်တဖၣ်အံၤအူကွဲၤတဖၣ်ဒီးလဲၤတၢ်လၢ အလီၢ်ခံန့ၣ်လီၤ. အဝဲသ့ၣ်မ့ၢ်ဝဲစီၤဧစၤရယၤ, စီၤဧ့စြၤ, စီၤမၡူလၣ်,

လံာ်စီၤနဃ့မယၤ 3:17

ဒီးပှၤလ့ၤဝံဖိတဖၣ်အံၤမ့ၢ်ပှၤလၢအဘှီထီၣ်ကဒါက့ၤဝ့ၢ်ခိၣ် ဒူတနီၤန့ၣ်လီၤ. စီၤဘၤနံအဖိခွါစီၤရဃူၣ်ဘှီထီၣ်ဝဲလၢခံတပတီၢ်န့ၣ်လီၤ. စီၤဃၡၤဘယၤလၢအမ့ၢ်ပှၤပၢၤကီၢ်ဆၣ်ကံလၤတဝာ်ဘှီဝဲလၢခံ တပတီၢ်လၢအကီၢ်ဆၣ်အခၢၣ်စးန့ၣ်လီၤ.

လံာ်စီၤနဃ့မယၤ 3:19

ဒီးစီၤယ့ၤၡူအဖိခွါစီၤဧ့စ့ၢ်လၢအမ့ၢ်မံးစပၤအပဒိၣ်ဖး ဒိၣ်ဘှီဝဲလၢခံတပတီၢ်အိၣ်သဃဲၤဒီးတၢ်လဲၤထီၣ်ဆူပှၤသုးဖိ အစုကဝဲၤအဟံၣ်တုၤလီၤလၢဝ့ၢ်ခိၣ်ဒူအသနၢၣ်န့ၣ်လီၤ.

လံာ်စီၤနဃ့မယၤ 3:23

ဒီးစီၤဘံၣ်ယၤမံၣ်စီးစီၤဃၤၡူာ်ဘှီထီၣ်ဝဲဝ့ၢ်ခိၣ်ဒူလၢ ခံတပတီၢ်လၢအအိၣ်လၢအဝဲသ့ၣ်အဟံၣ်မဲာ်ညါန့ၣ်လီၤ. ဒီးစီၤဧနၤနယၤအလံၤ, စီၤမၤစ့ယၤအဖိခွါစီၤဧစၤရယၤဘှီ ဝဲလၢခံတပတီၢ်လၢအအိၣ်လၢအဟံၣ်မဲာ်ညါန့ၣ်လီၤ.

လံာ်စီၤနဃ့မယၤ 8:12

လၢတၢ်န့ၣ်အဃိ, ကယဲၢ်ပှၤဂီၢ်မုၢ်ခဲလၢာ်က့ၤဆူအဟံၣ်ဒၣ်ဝဲ, ဒီးအီၣ်တၢ်အီတၢ်လၢတၢ်သူၣ်ခုသးခုအပူၤဒီးနီၤလိာ်အသးဒီး တၢ်လၢအအိၣ်ဒီးအီၤန့ၣ်လီၤ. အဂ့ၢ်ဒ်အံၤ, အဝဲသ့ၣ်နၢ်ပၢၢ်တၢ်လၢအဘၣ်တၢ်ဖးဖျါန့ၢ်အီၤန့ၣ်လီၤ.

လံာ်စီၤနဃ့မယၤ 8:4

စီၤဧ့စြၤဆၢထၢၣ်ဝဲလၢစိၤမိၤသ့ၣ်အလိၤ, လၢအဘၣ်တၢ်မၤအီၤလၢမူးလီၤဆီအဂီၢ်န့ၣ်လီၤ. ဒီးစီၤမၤတံးသယၤ, စီၤၡမၤ, စီၤဧနၤယၤ, စီၤအူၤရံယၤ, စီၤဃံးလကံယၤ, စီၤမၤစ့ယၤတဖၣ်ဆၢထၢၣ်လၢအစုထွဲ, ဒီးစီၤပဒါယၤ, စီၤမံၤၡအ့လး, စီၤမၤလကံယၤ, စီၤဃၤၡူာ်, စီၤဃၤၡဘးဒနၤ, စီၤစကၤရယၤဒီးစီၤမၡူလၣ်တဖၣ် ဆၢထၢၣ်လၢအစုစ့ၣ်န့ၣ်လီၤ.

လံာ်စီၤနဃ့မယၤ 8:6

စီၤဧ့စြၤစံးဝဲဒၣ်, “စံးထီၣ်ပတြၢၤယွၤ, ကစၢ်ဖးဒိၣ်န့ၣ်တက့ၢ်.” ဒီးကယဲၢ်ပှၤဂီၢ်မုၢ်ခဲလၢာ်ယူာ်ထီၣ်အစုဆူထးခီဒီးစံးဆၢဝဲ, “အၤမ့ၣ်, အၤမ့ၣ်” န့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢတၢ်ဘူၣ်ထီၣ်ဘါထီၣ်အပူၤအိၣ် ဒီးအမဲာ်သၣ်အိၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

လံာ်စီၤနဃ့မယၤ 8:8

အဝဲသ့ၣ်ကတိၤကျိာ်ထံက့ၤကစၢ်ယွၤအတၢ်သိၣ်တၢ်သီလၢပှၤယူဒၤ ဖိအဂီၢ်ဒီးတဲနၢ်ပၢၢ်ဝဲဒ်သိးပှၤဂီၢ်မုၢ်ကနၢ်ပၢၢ်အီၤန့ၣ်လီၤ.

လံာ်စီၤနဃ့မယၤ 9:3

ယွၤ, အဝဲသ့ၣ်အကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်ဘၣ်တၢ်ဖးန့ၢ်အဝဲသ့ၣ်သၢနၣ်ရံၣ်ဝံၤဒီးလၢခံသၢနၣ်ရံၣ် န့ၣ်အဝဲသ့ၣ်တဲလီၤကျဲၤလီၤက့ၤအတၢ်ဒဲးဘးတဖၣ်ဒီးဘူၣ်ထီၣ် ဘါထီၣ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်စီၤနဃ့မယၤ 9:4

စိၤမိၤအိၣ်ဝဲတဖျၢၣ်လၢပှၤလ့ၤဝံဖိတဖၣ်အဂီၢ်, ဒီးစီၤယ့ၤၡူ, စီၤဘၤနံ, စီၤကးမံၤအ့လး, စီၤၡဘၤနယၤ, စီၤဘူနံၤ, စီၤၡ့ရ့ဘယၤ, စီၤဘၤနံ, စီၤကနၤနံသ့ၣ်တဖၣ်ဆၢထၢၣ်လၢအဖီခိၣ်န့ၣ်လီၤ. အဝဲသ့ၣ်ဘါထုကဖၣ်လၢအကလုၢ်ဖးဒိၣ်ဆူယွၤ, အဝဲသ့ၣ်အကစၢ်ယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:11

ဒီးသုကဘၣ်သိၣ်လိသီလိပှၤအံၣ်စရ့လးဖိလၢကယဲၢ်တၢ်သိၣ်တၢ် သီလၢယဟ့ၣ်လီၤသုခီဖျိစီၤမိၤၡ့န့ၣ်လီၤ.”

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 33:10

အဝဲသ့ၣ်ကသိၣ်လိနပှၤဂီၢ်မုၢ်လၢကစူၢ်ယူဒၤအတၢ်သိၣ်တၢ်သီ, လၢနဟ့ၣ်လီၤန့ၣ်လီၤ. အဝဲသ့ၣ်ကလုၢ်ထီၣ်တၢ်လုၢ်တၢ်ပာ်တဖၣ်လၢနတၢ်လုၢ်လီၢ်အဖီခိၣ်န့ၣ်လီၤ.