လံာ်စီၤနဃ့မယၤ 8:5 - Sgaw Karen Common Bible

⁵ ဖဲစီၤဧ့စြၤဆၢထၢၣ်လၢစိၤမိၤအဖီခိၣ်, အိၣ်ထီၣ်ထီဝဲလၢပှၤ ဂီၢ်မုၢ်အဖီခိၣ်န့ၣ်, အဝဲသ့ၣ်ခဲလၢာ်ကွၢ်ဃီၤအီၤထံထံန့ၣ် လီၤ. တုၤအဝဲအိးထီၣ်လံာ်န့ၣ်တဘျီဃီဒီး, ပှၤခဲလၢာ်ဂဲၤဆၢထၢၣ်ဝဲ ဒၣ်န့ၣ်လီၤ.

လံာ်စီၤနဃ့မယၤ 8:5 Iomraidhean Croise

လံာ်စီၤပၤအခီၣ်ထံးတဘ့ၣ် 8:12

တုၤနုၤတစု, စီၤၡလိၤမိၤဘါထုကဖၣ်စံးဝဲ, “နဲဒၣ်ယွၤဧၢ, နပာ်လီၤမုၢ်လၢမူကပိာ်လိၤဒၣ်လဲာ်, နဃုထၢတ့ၢ်နဲလၢနကအိၣ် ကဆိးလၢတၢ်အၢၣ်တဖၣ်ဒီးတၢ်ခံးသူအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:14

ဖဲပှၤဂီၢ်မုၢ်ဆၢထၢၣ်ဝဲဖဲန့ၣ်အခါန့ၣ်, စီၤပၤစီၤၡလိၤမိၤ ဃၣ်ဃီၤအမဲာ်ဆူအဝဲသ့ၣ်အအိၣ်ဒီးအဝဲဃ့ဝဲလၢကစၢ်ယွၤအတၢ်ဆိၣ် ဂ့ၤကလီၤဘၣ်လၢအဝဲသ့ၣ်အလိၤန့ၣ်လီၤ.

လံာ်စီၤနဃ့မယၤ 8:3

ဒီးလၢတၢ်လီၢ်ပဲတရီထံအမဲာ်ညါန့ၣ်စီၤဧ့စြၤဖးန့ၢ်အဝဲ သ့ၣ်လၢယူဒၤအလံာ်တၢ်သိၣ်တၢ်သီစးထီၣ်လၢမုၢ်ဂီၤပၢၢ်လၢမုၢ် ထူၣ်ဒီးအဝဲသ့ၣ်ကနၣ်ဝဲလၢတၢ်သးစၢၢ်ဆၢအပူၤန့ၣ်လီၤ.

လံာ်စီၤနဃ့မယၤ 8:4

စီၤဧ့စြၤဆၢထၢၣ်ဝဲလၢစိၤမိၤသ့ၣ်အလိၤ, လၢအဘၣ်တၢ်မၤအီၤလၢမူးလီၤဆီအဂီၢ်န့ၣ်လီၤ. ဒီးစီၤမၤတံးသယၤ, စီၤၡမၤ, စီၤဧနၤယၤ, စီၤအူၤရံယၤ, စီၤဃံးလကံယၤ, စီၤမၤစ့ယၤတဖၣ်ဆၢထၢၣ်လၢအစုထွဲ, ဒီးစီၤပဒါယၤ, စီၤမံၤၡအ့လး, စီၤမၤလကံယၤ, စီၤဃၤၡူာ်, စီၤဃၤၡဘးဒနၤ, စီၤစကၤရယၤဒီးစီၤမၡူလၣ်တဖၣ် ဆၢထၢၣ်လၢအစုစ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:20

အန့ၣ်တစုဖဲစီၤပၤဆ့ၣ်နီၤထဲတဂၤဧိၤလၢတၢ်ကိၢ်ခါအနီ, ဒၢးလၢတၢ်ခိၣ်ဒုးအဖီခိၣ်အပူၤအခါန့ၣ်, စီၤအ့ဟူာ်လဲၤဃီၤဆူအအိၣ်ဒီးစံးဘၣ်အီၤ, “ယအိၣ်ဒီးယွၤအတၢ်ကစီၣ်တမံၤလၢနဂီၢ်လီၤ.” ဒီးစီၤပၤဆၢထၢၣ်ဝဲလီၤ.