လံာ်စီၤနဃ့မယၤ 8:3 - Sgaw Karen Common Bible

³ ဒီးလၢတၢ်လီၢ်ပဲတရီထံအမဲာ်ညါန့ၣ်စီၤဧ့စြၤဖးန့ၢ်အဝဲ သ့ၣ်လၢယူဒၤအလံာ်တၢ်သိၣ်တၢ်သီစးထီၣ်လၢမုၢ်ဂီၤပၢၢ်လၢမုၢ် ထူၣ်ဒီးအဝဲသ့ၣ်ကနၣ်ဝဲလၢတၢ်သးစၢၢ်ဆၢအပူၤန့ၣ်လီၤ.

လံာ်စီၤနဃ့မယၤ 8:3 Iomraidhean Croise

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်စီၤနဃ့မယၤ 8:1

ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်စီၤနဃ့မယၤ 8:18

စးထီၣ်လၢမူးအခီၣ်ထံးတနံၤတုၤလီၤလၢအကတၢၢ်တနံၤန့ၣ်, ကိးနံၤဒဲးအဝဲသ့ၣ်ဖးကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်တပတီၢ်ဘၣ်တပတီၢ်န့ၣ်လီၤ. အဝဲသ့ၣ်မၤမူးန့ၣ်နွံသီဒီးလၢဃိးသီတသီန့ၣ်မ့ၢ်ဝဲတၢ်မၤ ကတၢၢ်ကွံာ်မူးဒ်ယူဒၤအတၢ်သိၣ်တၢ်သီပာ်ဖျါဝဲအသိးန့ၣ်လီၤ.

လံာ်စီၤနဃ့မယၤ 8:4

စီၤဧ့စြၤဆၢထၢၣ်ဝဲလၢစိၤမိၤသ့ၣ်အလိၤ, လၢအဘၣ်တၢ်မၤအီၤလၢမူးလီၤဆီအဂီၢ်န့ၣ်လီၤ. ဒီးစီၤမၤတံးသယၤ, စီၤၡမၤ, စီၤဧနၤယၤ, စီၤအူၤရံယၤ, စီၤဃံးလကံယၤ, စီၤမၤစ့ယၤတဖၣ်ဆၢထၢၣ်လၢအစုထွဲ, ဒီးစီၤပဒါယၤ, စီၤမံၤၡအ့လး, စီၤမၤလကံယၤ, စီၤဃၤၡူာ်, စီၤဃၤၡဘးဒနၤ, စီၤစကၤရယၤဒီးစီၤမၡူလၣ်တဖၣ် ဆၢထၢၣ်လၢအစုစ့ၣ်န့ၣ်လီၤ.

လံာ်စီၤနဃ့မယၤ 8:5

ဖဲစီၤဧ့စြၤဆၢထၢၣ်လၢစိၤမိၤအဖီခိၣ်, အိၣ်ထီၣ်ထီဝဲလၢပှၤ ဂီၢ်မုၢ်အဖီခိၣ်န့ၣ်, အဝဲသ့ၣ်ခဲလၢာ်ကွၢ်ဃီၤအီၤထံထံန့ၣ် လီၤ. တုၤအဝဲအိးထီၣ်လံာ်န့ၣ်တဘျီဃီဒီး, ပှၤခဲလၢာ်ဂဲၤဆၢထၢၣ်ဝဲ ဒၣ်န့ၣ်လီၤ.

လံာ်မၢ်ကူး 12:37

စီၤဒၤဝံးအကစၢ်ဒၣ်ဝဲကိးအီၤလၢ ‘ကစၢ်’ သတးဒီး, အကစၢ်န့ၣ်ကကဲလၢအစၢၤအသွဲၣ်တခီကသ့ဒ်လဲၣ်.” ပှၤဂီၢ်မုၢ်ဖးဒိၣ်ဒိကနၣ်ယ့ၣ်ၡူးအတၢ်သိၣ်လီၤသီလီၤပှဲၤ ဒီးတၢ်သူၣ်ဖှံသးညီလီၤ.

လံာ်လူၤကၣ် 19:48

ဘၣ်ဆၣ်ဒီးအဝဲသ့ၣ်ကဘၣ်မၤဝဲလၢကျဲဒ်လဲၣ်န့ၣ်တသ့ၣ်ညါဝဲဘၣ်. အဂ့ၢ်မ့ၢ်လၢပှၤဂီၢ်မုၢ်ဒိကနၣ်ဒံးအတၢ်စံးတၢ်ကတိၤ, ဒီးတအဲၣ်ဒိးလၢအတၢ်ကတိၤလဲၤပူၤကွံာ်အဝဲသ့ၣ်နီ တထံၣ်ဘၣ်အဃိလီၤ.

လံာ်လူၤကၣ် 8:18

လၢတၢ်န့ၣ်အဃိ, သုနၢ်ဟူတၢ်ဒ်လဲၣ်ဒ်လဲၣ်န့ၣ်, ပလီၢ်သုသးတက့ၢ်. အဂ့ၢ်ဒ်အံၤ, ပှၤတဂၤလၢ်လၢ်လၢအတၢ်အိၣ်ဝဲတမံၤမံၤန့ၣ်, တၢ်ကဟ့ၣ်အါထီၣ်အီၤ, မ့မ့ၢ်ပှၤတဂၤလၢ်လၢ်လၢအတၢ်တအိၣ်နီတမံၤန့ၣ်, တၢ်လၢအဝဲဒၣ်ဆိကမိၣ်လၢအအိၣ်ဒီးအီၤတစဲးဖိဒၣ်လဲာ်, တၢ်ကဟံးထီၣ်ကွံာ်လၢအအိၣ်လီၤ.”

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.

မၤတၢ် 15:21

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီဘၣ်တၢ်ဖးတ့ၢ်အီၤယံာ် တ့ၢ်မးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤကိးယူဒၤဖိ အမုၢ်အိၣ်ဘှံးနံၤဒဲး, ဒီးအဝဲအကလုၢ်ကထါတဖၣ်ဘၣ်တၢ်စံၣ်တဲၤတဲလီၤအီၤလၢဝ့ၢ်ကိး ဖျၢၣ်ဒဲးအပူၤန့ၣ်လီၤ.”

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

မၤတၢ် 20:11

အန့ၣ်ဝံၤအလီၢ်ခံ, အဝဲဒၣ်က့ၤထီၣ်ဆူဟံၣ်ဖီခိၣ်, စိၢ်ဘျဲးကိၣ်ဒီးအီၣ်သကိးတၢ်လၢအပျဲၢ်အဘီၣ်တဖၣ်လီၤ. အဝဲဒၣ်ကတိၤတၢ်ဒီးအဝဲသ့ၣ်ဖးယံာ်တုၤလၢမုၢ်ဟဲဆ့ၣ်ထီၣ်ဝံၤ ဒီးဟးထီၣ်ဝဲဒၣ်လီၤ.

မၤတၢ် 20:7

လၢမုၢ်နွံနံၤအကျါမုၢ်ခီၣ်ထံးနံၤဟါခီန့ၣ်, ပပာ်ဖှိၣ်ထီၣ်သကိးပသးလၢတၢ်စိၢ်ဘျဲးကိၣ် အဂီၢ်လီၤ. စီၤပီလူးကတိၤတၢ်ဒီးပှၤဂီၢ်မုၢ်တဖၣ်ပၢၢ်တုၤလၢဖးဖီမုၢ် တစုအဂ့ၢ်မ့ၢ်လၢအကဘၣ်ဟးထီၣ်ဝဲလၢခံတနံၤအဃိလီၤ.

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

လံာ်သိၣ်လီၤသီလီၤတၢ် 31:9

လၢတၢ်န့ၣ်အဃိ, စီၤမိၤၡ့ကွဲးလီၤယူဒၤအတၢ်သိၣ်တၢ်သီလၢ ကစၢ်ယွၤဟ့ၣ်လီၤဝဲဒီးဟ့ၣ်ဃီၤအီၤဆူပှၤလ့ၤဝံပှၤလုၢ်တၢ် အခိၣ်တဖၣ်အအိၣ်, ပှၤလၢအကွၢ်ထွဲယွၤအတၢ်အၢၣ်လီၤအီလီၤအတလါစီဆှံ, ဒီးဆူကီၢ်အံၣ်စရ့လးအခိၣ်အနၢ်တဖၣ်အအိၣ်န့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

လံာ်စီၤယိၤၡူ 8:35

စီၤယိၤၡူဖးထီၣ်စီၤမိၤၡ့အတၢ်မၤလိာ်ကိးထံၣ်ကိးဘီဒဲး လၢပှၤလၢအပာ်ဖှိၣ်သးခဲလၢာ်အမဲာ်ညါ, လၢအပၣ်ဃုာ်ဒီးပိာ်မုၣ်တဖၣ်ဒီးဖိသၣ်တဖၣ်, ဃုာ်ဒီးပှၤတခီဘီမုၢ်ဖိတဖၣ်လၢအအိၣ်လၢအဝဲသ့ၣ်အကျါန့ၣ်လီၤ.

လံာ်လီၣ်ဖျါ 2:29

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်.”

လံာ်လီၣ်ဖျါ 3:22

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ်တက့ၢ်.”