လံာ်စီၤနဃ့မယၤ 8:18 - Sgaw Karen Common Bible

¹⁸ စးထီၣ်လၢမူးအခီၣ်ထံးတနံၤတုၤလီၤလၢအကတၢၢ်တနံၤန့ၣ်, ကိးနံၤဒဲးအဝဲသ့ၣ်ဖးကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်တပတီၢ်ဘၣ်တပတီၢ်န့ၣ်လီၤ. အဝဲသ့ၣ်မၤမူးန့ၣ်နွံသီဒီးလၢဃိးသီတသီန့ၣ်မ့ၢ်ဝဲတၢ်မၤ ကတၢၢ်ကွံာ်မူးဒ်ယူဒၤအတၢ်သိၣ်တၢ်သီပာ်ဖျါဝဲအသိးန့ၣ်လီၤ.

လံာ်စီၤနဃ့မယၤ 8:18 Iomraidhean Croise

လံာ်စီၤနဃ့မယၤ 8:2

ဒီးလၢတၢ်န့ၣ်အဃိစီၤဧ့စြၤဟဲစိာ်ယူဒၤတၢ်သိၣ်တၢ်သီအလံာ် ဆူတၢ်လီၢ်ဖဲပှၤဂီၢ်မုၢ်လၢအမ့ၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ်လၢအနၢ်ပၢၢ်တၢ်သ့လံဝဲပာ်ဖှိၣ် အသးန့ၣ်လီၤ.

လံာ်စီၤနဃ့မယၤ 8:3

ဒီးလၢတၢ်လီၢ်ပဲတရီထံအမဲာ်ညါန့ၣ်စီၤဧ့စြၤဖးန့ၢ်အဝဲ သ့ၣ်လၢယူဒၤအလံာ်တၢ်သိၣ်တၢ်သီစးထီၣ်လၢမုၢ်ဂီၤပၢၢ်လၢမုၢ် ထူၣ်ဒီးအဝဲသ့ၣ်ကနၣ်ဝဲလၢတၢ်သးစၢၢ်ဆၢအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:36

သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဒီးလၢဃိးနံၤတနံၤန့ၣ်ဟဲသကိးကဒီး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးလုၢ်ထီၣ်တၢ်လုၢ်မ့ၣ်အူ တက့ၢ်. မ့ၢ်မုၢ်နံၤတနံၤလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးသုတဘၣ်မၤ တၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 23:41

ဒီးသုဘၣ်မၤမူးအံၤလၢယွၤအဂီၢ်တနံၣ်န့ၣ်နွံနံၤလီၤ. တၢ်အံၤမ့ၢ်တၢ်သိၣ်တၢ်ဘျၢလၢသုစၢၤသုသွဲၣ်အစိၤစိၤအဃၣ်ဃၣ် တဖၣ်အဂီၢ်လၢသုဘၣ်မၤမူးအံၤလၢလါနွံလါတလါအပူၤန့ၣ်လီၤ.

လံာ်တၢ်ဂံၢ် 29:35

လၢဃိးသီတသီန့ၣ်ပာ်ဖှိၣ်ထီၣ်သုသးလၢတၢ်ဘူၣ်ထီၣ်ဘါထီၣ်ယွၤ အဂီၢ်ဒီးမၤတၢ်နီတမံၤတဂ့ၤ.

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”