လံာ်စီၤနဃ့မယၤ 8:16 - Sgaw Karen Common Bible

¹⁶ လၢတၢ်န့ၣ်အဃိပှၤဂီၢ်မုၢ်မၤန့ၢ်သ့ၣ်အဒ့တဖၣ်ဒီးမၤထီၣ်ဒဲ တဖၣ်လၢအဟံၣ်ခိၣ်တဖၣ်အခိၣ်ဒုးလိၤ, လၢအဂၢၤဒၣ်ဝဲအပူၤ, လၢတၢ်လုၢ်ဟံၣ်အဂၢၤပူၤဒီးလၢပဲတရီထံအဂၢၤဒီးအ့ဖရဲၣ်အပဲ တရီအဂၢၤပူၤတၢ်လီၢ်လီၤပျီန့ၣ်လီၤ.

လံာ်စီၤနဃ့မယၤ 8:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်စီၤပၤခံဘ့ၣ်တဘ့ၣ် 14:13

စီၤယိၤအၣ်ဖီၣ်န့ၢ်စီၤအမၤစယါ, ဒီးလဲၤထီၣ်ဆူဝ့ၢ်ယရူၤ ၡလ့ၣ်ဒီးမၤလီၤပှီၢ်ကွံာ်ဝ့ၢ်အခိၣ်ဒူစးထီၣ်လၢတြဲၤအ့ဖရဲၣ် တုၤလၢတၢ်အသနၢၣ်အတြဲၤလၢအဒ့ၣ်စၢၤယံၤဝဲအပျၢ်လွံၢ်ကယၤန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:5

ဒီးအဝဲသ့ၣ်ဒီးပှၤဂီၢ်မုၢ်လၢဝ့ၢ်ယရူၤၡလ့ၣ်တဖၣ်, ပာ်ဖှိၣ်ထီၣ်အသးလၢယွၤအတၢ်လုၢ်ဟံၣ်အဂၢၤအသီအပူၤန့ၣ်လီၤ. စီၤပၤစီၤယဟိၡၤဖးလဲၤထီၣ်ဒီးဆၢထၢၣ်လၢအဝဲသ့ၣ်အမဲာ်ညါ,

လံာ်ကွဲးနီၣ်တၢ်ခံဘ့ၣ်တဘ့ၣ် 33:5

လၢယွၤအတၢ်လုၢ်ဟံၣ်အဂၢၤခံတီၤအပူၤန့ၣ်, အဝဲဘှီထီၣ်တၢ်လုၢ် လီၢ်တဖၣ်လၢတၢ်ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်အဂီၢ်န့ၣ်လီၤ.

လံာ်စီၤနဃ့မယၤ 12:37

ဖဲပဲထံထီၣ်ပၢၢ်အတြဲၤန့ၣ်အဝဲသ့ၣ်လဲၤထီၣ်ဃီလၢအဆှၢအဝဲ သ့ၣ်ဆူစီၤဒၤဝံးအဝ့ၢ်ဒီးခီဃီၤဝဲစီၤဒၤဝံးအနီဝံၤဟဲက့ၤကဒါ က့ၤဆူတြဲၤထံလၢအအိၣ်လၢဝ့ၢ်အမုၢ်ထီၣ်တကပၤန့ၣ်လီၤ.

လံာ်စီၤနဃ့မယၤ 12:39

ဒီးဖဲန့ၣ်ပလဲၤခီဂာ်တြဲၤအ့ဖရဲၣ်, တြဲၤယၡၤနၤ, တြဲၤညၣ်တၢးထီဃနၤန့လးဒီးတၢးထီတကယၤဆူတြဲၤသိန့ၣ်လီၤ. ပတၢ်လဲၤန့ၣ်ကတၢၢ်ဝဲဖဲတြဲၤလၢအလဲၤဆူယွၤအတၢ်လုၢ်ဟံၣ် အကပၤန့ၣ်လီၤ.

လံာ်စီၤနဃ့မယၤ 3:26

(ဒီးတၢ်လီၢ်အံၤဘူးဒီးဝ့ၢ်လၢအဘၣ်တၢ်ကိးအီၤလၢဧိၤဖ့လး ဖဲပှၤမၤတၢ်လၢတၢ်လုၢ်ဟံၣ်တဖၣ်အိၣ်ဝဲဆိးဝဲအလီၢ်န့ၣ်လီၤ.)

လံာ်စီၤနဃ့မယၤ 8:1

ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်စီၤနဃ့မယၤ 8:3

ဒီးလၢတၢ်လီၢ်ပဲတရီထံအမဲာ်ညါန့ၣ်စီၤဧ့စြၤဖးန့ၢ်အဝဲ သ့ၣ်လၢယူဒၤအလံာ်တၢ်သိၣ်တၢ်သီစးထီၣ်လၢမုၢ်ဂီၤပၢၢ်လၢမုၢ် ထူၣ်ဒီးအဝဲသ့ၣ်ကနၣ်ဝဲလၢတၢ်သးစၢၢ်ဆၢအပူၤန့ၣ်လီၤ.

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်သိၣ်လီၤသီလီၤတၢ် 22:8

ဖဲသုဘှီထီၣ်ဟံၣ်အသီတဖျၢၣ်န့ၣ်, မၤလီၤတံၢ်လၢသု ကဒူၣ်ဝးတရံးဟံၣ်ခိၣ်ဒုးအထိးနါဒီးထးဘိတက့ၢ်. အန့ၣ်ဒီး, ပှၤတဂၤဂၤမ့ၢ်လီၤတဲာ်ဒီးသံန့ၣ်, သုမူသုဒါတအိၣ်ဘၣ်လီၤ.