လံာ်စီၤနဃ့မယၤ 8:15 - Sgaw Karen Common Bible

¹⁵ လၢတၢ်န့ၣ်အဃိအဝဲသ့ၣ်ဟ့ၣ်လီၤတၢ်သိၣ်လိနဲၣ်ယုၤလၢလာ်တဖၣ် အံၤဒီးဆှၢလီၤဝဲဆူဝ့ၢ်ယရူၤၡလ့ၣ်ဒီဝ့ၢ်ဒီးဆူဝ့ၢ်အဂုၤအဂၤတဖၣ်န့ၣ်လီၤ. “လဲၤဆူကစၢၢ်ကလိဒီးဟဲက့ၤစိာ်သ့ၣ်စၤယံး, သ့ၣ်စၤယံးအမံၤ, သ့ၣ်သမ့ၤဟးဒး, သ့ၣ်စူၣ်ပလိၣ်, ဒီးသ့ၣ်အဂၤအဒ့တဖၣ်လၢတၢ်ကမၤဒဲဒ်တၢ်သိၣ်လိ နဲၣ်ယုၤအိၣ်ကွဲးအသးလၢလံာ်ယူဒၤအတၢ်သိၣ်တၢ်သီ အပူၤအသိးတက့ၢ်.”

လံာ်စီၤနဃ့မယၤ 8:15 Iomraidhean Croise

လံာ်တၢ်ကဲထီၣ်အခီၣ်ထံး 8:11

ဒီးထိၣ်လွံၢ်ဟဲက့ၤဆူအအိၣ်လၢမုၢ်ဟါဃုာ်ဒီးသ့ၣ်စၤယံးအလၣ် သံကစဲာ်တဘ့ၣ်အိၣ်လၢအနိာ်ပူၤန့ၣ်လီၤ. လၢတၢ်န့ၣ်အဃိစီၤနိအၤသ့ၣ်ညါလၢထံလီၤသံးလံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:4

အအံၤမ့ၢ်တၢ်ဘူၣ်တၢ်ဘါအမူးတဖၣ်လၢသုဘၣ်ဒုးဟူထီသါလီၤအီၤ ဖဲအဆၢကတီၢ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:40

ဒီးလၢမုၢ်ခီၣ်ထံးအနံၤန့ၣ်သုဘၣ်ဟံးန့ၢ်သ့ၣ်အဃံအလၤအတၤသၣ်, သ့ၣ်စူၣ်ပလိၣ်အဒ့, သ့ၣ်ခဲအဒ့ဒီးထံကျိအပံၢ်သလီလီၤ. ဒီးသုဘၣ်သူၣ်ခုသးခုလၢယွၤသုကစၢ်အမဲာ်ညါန့ၣ်လီၤ.

လံာ်စကၤရယၤ 1:8

ယထံၣ်ယွၤအကလူးတဂၤဒိးကသ့ၣ်အဂီၤတဒုလီၤ. အဝဲအိၣ်ကတီၢ်ဝဲလၢသမ့ၤဟဒးအထူၣ်တနီၤ အကျါလၢအအိၣ်လၢတၢ်တြီၤပူၤ, ဒီးလၢအလီၢ်ခံန့ၣ်ကသ့ၣ် ဂီၤ, ကသ့ၣ်ဂီၤဃ့, ဒီးကသ့ၣ်ဝါအဂၤတဖၣ်အိၣ်ဝဲဒၣ်လီၤ.

လံာ်မးသဲ 21:1

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤဘူးထီၣ်ဒီးဝ့ၢ်ယရူၤၡလ့ၣ်, တုၤဃီၤဝဲလၢသဝီဘ့ၤသဖၤက့လၢကစၢၢ်သ့ၣ်စၤယံးဒီး, ယ့ၣ်ၡူးမၢလီၤဆိအပျဲၢ်အဘီၣ်ခံဂၤ

လံာ်ယိၤဟၣ် 12:13

လၢတၢ်န့ၣ်အဃိ, အဝဲသ့ၣ်ဟံးန့ၢ်လိၣ်ဒၢအဒ့တဖၣ်ဒီးလဲၤထီၣ် သဂၢၢ်အီၤဒီးကိးပသူထီၣ်ဝဲ, “အုၣ်က့ၤခီၣ်က့ၤပှၤတက့ၢ်. မ်ကစၢ်ယွၤဆိၣ်ဂ့ၤပှၤလၢအဟဲလၢကစၢ်အမံၤတဂၤတက့ၢ်. မ်ကစၢ်ယွၤဆိၣ်ဂ့ၤအံၣ်စရ့လးအစီၤပၤတက့ၢ်.”

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.