လံာ်စီၤနဃ့မယၤ 8:12 - Sgaw Karen Common Bible

¹² လၢတၢ်န့ၣ်အဃိ, ကယဲၢ်ပှၤဂီၢ်မုၢ်ခဲလၢာ်က့ၤဆူအဟံၣ်ဒၣ်ဝဲ, ဒီးအီၣ်တၢ်အီတၢ်လၢတၢ်သူၣ်ခုသးခုအပူၤဒီးနီၤလိာ်အသးဒီး တၢ်လၢအအိၣ်ဒီးအီၤန့ၣ်လီၤ. အဂ့ၢ်ဒ်အံၤ, အဝဲသ့ၣ်နၢ်ပၢၢ်တၢ်လၢအဘၣ်တၢ်ဖးဖျါန့ၢ်အီၤန့ၣ်လီၤ.

လံာ်စီၤနဃ့မယၤ 8:12 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:22

သတးဒီးလၢမုၢ်တနံၤအဝဲန့ၣ်, အဝဲသ့ၣ်သူၣ်ဖှံသးညီတ့ၢ်ဒိၣ် မးဖဲအအီၣ်တၢ်ဒီးအီတၢ်လၢယွၤအမဲာ်ညါန့ၣ်လီၤ. အဝဲသ့ၣ်ကိးသတြီထီၣ်ဝဲလၢစီၤၡလိၤမိၤမ့ၢ်စီၤပၤခံဘျီ တဘျီန့ၣ်လီၤ. လၢယွၤအမံၤအပူၤန့ၣ်အဝဲသ့ၣ်ဖှူအီၤဒ်ပှၤလၢကပၢဘၣ်အဝဲသ့ၣ် အသိးဒီးစီၤစၤဒိးဒ်ပှၤလုၢ်တၢ်အခိၣ်အသိးန့ၣ်လီၤ.

လံာ်စီၤနဃ့မယၤ 8:10

ခဲကနံၣ်အံၤက့ၤဆူသုဟံၣ်ဒီးမၤတၢ်အီၣ်တၢ်အီတက့ၢ်. နီၤလိာ်သုကိၣ်ဒီးစပံးထံလၢပှၤလၢအတၢ်တလၢတလီၣ်အဂီၢ်န့ၣ်တ က့ၢ်. မုၢ်တနံၤအံၤမ့ၢ်မုၢ်နံၤစီဆှံလၢပယွၤအဂီၢ်အဃိသူၣ်အုးသးအုးတဂ့ၤ. တၢ်သူၣ်ခုသးခုလၢယွၤဟ့ၣ်သုန့ၣ်ကမၤဆူၣ်ထီၣ်သုဂံၢ် သုဘါလီၤ.”

လံာ်စီၤနဃ့မယၤ 8:11

ပှၤလ့ၤဝံဖိတဖၣ်မၤဘှ့ၣ်မၤဘှီၣ်က့ၤပှၤဂီၢ်မုၢ်ဒီးတဲဘၣ် အဝဲသ့ၣ်လၢအသုတသူၣ်အုးသးအုးလၢမုၢ်နံၤစီၤဆှံတနံၤအံၤ တဂ့ၤန့ၣ်လီၤ.

လံာ်စီၤနဃ့မယၤ 8:13

လၢခံတနံၤန့ၣ်ဒူၣ်ထၢအခိၣ်တဖၣ်ဃုာ်ဒီးပှၤလုၢ်တၢ်အခိၣ်တဖၣ် ဒီးပှၤလ့ၤဝံဖိသ့ၣ်တဖၣ်လဲၤဆူစီၤဧ့စြၤအအိၣ်လၢတၢ်ကမၤလိ ယူဒၤအတၢ်သိၣ်တၢ်သီအတၢ်သိၣ်လိသီလိတဖၣ်အဂီၢ်န့ၣ်လီၤ.

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

လံာ်စီၤယိၤဘး 23:12

တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

စံးထီၣ်ပတြၢၤ 119:127

မၤသးဒ်န့ၣ်ဒီးယအဲၣ်နတၢ်မၤလိာ်တဖၣ် အါန့ၢ်ထူဧိၤလွဲဧိၤ, ဒီးထူစီတက့ၢ်လီၤ.

စံးထီၣ်ပတြၢၤ 119:130

တၢ်ဒုးနဲၣ်ဖျါထီၣ်နကလုၢ်နကထါန့ၣ် ဟ့ၣ်ထီၣ်တၢ်ကပီၤ, ဒီးဒုးနၢ်ပၢၢ်ပှၤလၢအတမၤလိဘၣ်တၢ်ဘၣ်လီၤ.

စံးထီၣ်ပတြၢၤ 119:14

ယမုာ်လၤသးခုလၢတၢ်ပိာ်ထွဲနတၢ်မၤလိာ်သ့ၣ်တဖၣ် ဒိၣ်န့ၢ်တၢ်အိၣ်ဒီးတၢ်စုလီၢ်ခီၣ်ခိၣ်လၢ အအါန့ၣ်လီၤ.

စံးထီၣ်ပတြၢၤ 119:16

ယကမုာ်လၤသးခုလၢနတၢ်မၤလိာ်တဖၣ်အပူၤလီၤ. ယတသးပ့ၤနီၣ်ဘၣ်နကလုၢ်ကထါဘၣ်.

စံးထီၣ်ပတြၢၤ 119:171

ယထးခိၣ်ကစံးထီၣ်ပတြၢၤနၤထီဘိ မ့ၢ်လၢနသိၣ်လိယၤ နတၢ်သိၣ်တၢ်သီတဖၣ်အဃိန့ၣ်လီၤ.

စံးထီၣ်ပတြၢၤ 119:174

ယွၤဧၢ, ယဆၢန့ၢ်ဘၣ်နတၢ်အုၣ်က့ၤခီၣ်က့ၤ ဒီးနတၢ်သိၣ်တၢ်သီန့ၣ်မ့ၢ်ယတၢ်သူၣ်ဖှံသးညီလီၤ.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

စံးထီၣ်ပတြၢၤ 119:97

ယအဲၣ်နတၢ်သိၣ်တၢ်သီဆံးဒိၣ်လဲၣ်. ယဆိကမိၣ်တၢ်လၢအဂ့ၢ်အကျိၤသ့သ့တနံၤလီၤ.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်လူၤကၣ် 24:32

အဝဲသ့ၣ်စံးလိာ်အသး, “ဖဲအဝဲဒၣ်ကတိၤတၢ်ဒီးပှၤလၢကျဲဒီး တဲနၢ်ပၢၢ်ပှၤဘၣ်ဃးတၢ်ကွဲးအသးစီဆှံတဖၣ်အဂ့ၢ်န့ၣ်, တၢ်မၤမးအသးဒ်မ့ၣ်အူအီၣ်တၢ်လၢပပူၤတမ့ၢ်ဘၣ်ဧါ.”

ရိမ့ၤ 7:18

ဒ်ယအိၣ်ဒီးပှၤကညီအန့ဆၢၣ်အသိး, ယသ့ၣ်ညါလၢတၢ်ဂ့ၤတၢ်ဝါတမူလၢယပူၤဘၣ်. အဂ့ၢ်ဒ်လဲၣ်န့ၣ်, သးလၢအဆၢမၤဂ့ၤတၢ်အိၣ်လၢယပူၤသနာ်က့, ယမၤထွဲအီၤ တသ့ဘၣ်.

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.