လံာ်စီၤနဃ့မယၤ 8:1 - Sgaw Karen Common Bible

¹ ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်စီၤနဃ့မယၤ 8:1 Iomraidhean Croise

လံာ်စီၤပၤခံဘ့ၣ်တဘ့ၣ် 23:2

ဒီးအဝဲသ့ၣ်လဲၤသကိးဝဲတပူၤဃီဆူယွၤအတၢ်လုၢ်ဟံၣ်, ဃုာ်ဒီးပှၤလုၢ်တၢ်အခိၣ်တဖၣ်, ဝံတဖၣ်, ဒီးကယဲၢ်ပှၤဂီၢ်မုၢ်ခဲ လၢာ်, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤန့ၣ်လီၤ. လၢအဝဲသ့ၣ်ခဲလၢာ်အမဲာ်ညါန့ၣ်, စီၤပၤဖးထီၣ်ဝဲလံာ်တၢ်အၢၣ် လီၤအီလီၤဒီဘ့ၣ်ညါ, လၢအဘၣ်တၢ်ထံၣ်န့ၢ်အီၤလၢယွၤအတၢ်လုၢ်ဟံၣ်အပူၤ, လၢအကလုၢ်ဖးဒိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:15

အဝဲစံးဘၣ်စီၤၡၤဖၣ်, “ယထံၣ်န့ၢ်ယူဒၤအတၢ်သိၣ်တၢ်သီအလံာ်လၢယွၤ အတၢ်လုၢ်ဟံၣ်အပူၤန့ၣ်လီၤ.” အဝဲဟ့ၣ်ဃီၤစီၤၡၤဖၣ်လၢလံာ်န့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 34:30

ဒီးအဝဲသ့ၣ်လဲၤဃုာ်သကိးတပူၤဃီဆူယွၤအတၢ်လုၢ်ဟံၣ်, အိၣ်ဃုာ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ဒီးကယဲၢ်ပှၤဂီၢ်မုၢ်အဂၤခဲလၢာ်, ထူးတီၤမ့ၢ်ဂ့ၤဖှီၣ်ယာ်မ့ၢ် ဂ့ၤန့ၣ်လီၤ. လံာ်တၢ်အၢၣ်လီၤအီလီၤလၢအဘၣ်တၢ်ထံၣ်န့ၢ်အီၤလၢယွၤ အတၢ်လုၢ်ဟံၣ်အပူၤန့ၣ်စီၤပၤဖးထီၣ်အီၤလၢအကလုၢ်ဖးဒိၣ်, လၢအဝဲသ့ၣ်ခဲလၢာ်အမဲာ်ညါန့ၣ်လီၤ.

လံာ်စီၤဧ့စြၤ 7:1

တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

လံာ်စီၤဧ့စြၤ 7:10

စီၤဧ့စြၤမ့ၢ်ပှၤဟ့ၣ်လီၤအးလီၤတ့ၢ်အသးဒ်သိးကမၤလိယွၤအတၢ် သိၣ်တၢ်သီလၢပှၤယူဒၤဖိအဂီၢ်, ဒ်သိးကမၤထွဲအီၤဒီးဒ်သိးကသိၣ်လိန့ၢ်အံၣ်စရ့လးအပှၤဂီၢ် မုၢ်လၢကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်ဒီးအတၢ်ဘျၢတဖၣ် န့ၣ်လီၤ.

လံာ်စီၤဧ့စြၤ 7:11

စီၤပၤဖးဒိၣ်အၢ်တၤၡါၡတၤဟ့ၣ်ဃီၤလံာ်ကွဲးနီၣ်ဟ့ၣ်စိဟ့ၣ် ကမီၤဒ်လာ်အံၤဆူစီၤဧ့စြၤအစုပူၤ, ပှၤတဂၤလၢအမ့ၢ်ပှၤလုၢ်တၢ်အခိၣ်ဒီးပှၤကူၣ်ဘၣ်ဘၣ်ကူၣ်သ့, ပှၤလၢအအိၣ်ဒီးတၢ်သ့ၣ်ညါနၢ်ပၢၢ်ဂ့ၤဂ့ၤကလဲာ်ဘၣ်ထွဲဒီးတၢ် စူၢ်တၢ်နာ်အတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယွၤဟ့ၣ်လီၤ တ့ၢ်ပှၤအံၣ်စရ့လးဖိတဖၣ်န့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤနဃ့မယၤ 12:26

ပှၤဂီၢ်မုၢ်တဖၣ်အံၤအိၣ်မူဝဲဖဲစီၤယိယၤကံၣ်လၢအမ့ၢ်စီၤယိၤၡူ အဖိခွါစီၤယိၤစါဒးအလံၤခွါအမုၢ်နံၤ, ဒီးပဒိၣ်ဖးဒိၣ်စီၤ နဃ့မယၤအမုၢ်နံၤဒီးပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤ အတၢ်သိၣ်တၢ်သီအပူၤ, စီၤဧ့စြၤအမုၢ်နံၤန့ၣ်လီၤ.

လံာ်စီၤနဃ့မယၤ 12:37

ဖဲပဲထံထီၣ်ပၢၢ်အတြဲၤန့ၣ်အဝဲသ့ၣ်လဲၤထီၣ်ဃီလၢအဆှၢအဝဲ သ့ၣ်ဆူစီၤဒၤဝံးအဝ့ၢ်ဒီးခီဃီၤဝဲစီၤဒၤဝံးအနီဝံၤဟဲက့ၤကဒါ က့ၤဆူတြဲၤထံလၢအအိၣ်လၢဝ့ၢ်အမုၢ်ထီၣ်တကပၤန့ၣ်လီၤ.

လံာ်စီၤနဃ့မယၤ 3:26

(ဒီးတၢ်လီၢ်အံၤဘူးဒီးဝ့ၢ်လၢအဘၣ်တၢ်ကိးအီၤလၢဧိၤဖ့လး ဖဲပှၤမၤတၢ်လၢတၢ်လုၢ်ဟံၣ်တဖၣ်အိၣ်ဝဲဆိးဝဲအလီၢ်န့ၣ်လီၤ.)

လံာ်စီၤနဃ့မယၤ 8:16

လၢတၢ်န့ၣ်အဃိပှၤဂီၢ်မုၢ်မၤန့ၢ်သ့ၣ်အဒ့တဖၣ်ဒီးမၤထီၣ်ဒဲ တဖၣ်လၢအဟံၣ်ခိၣ်တဖၣ်အခိၣ်ဒုးလိၤ, လၢအဂၢၤဒၣ်ဝဲအပူၤ, လၢတၢ်လုၢ်ဟံၣ်အဂၢၤပူၤဒီးလၢပဲတရီထံအဂၢၤဒီးအ့ဖရဲၣ်အပဲ တရီအဂၢၤပူၤတၢ်လီၢ်လီၤပျီန့ၣ်လီၤ.

လံာ်စီၤနဃ့မယၤ 8:3

ဒီးလၢတၢ်လီၢ်ပဲတရီထံအမဲာ်ညါန့ၣ်စီၤဧ့စြၤဖးန့ၢ်အဝဲ သ့ၣ်လၢယူဒၤအလံာ်တၢ်သိၣ်တၢ်သီစးထီၣ်လၢမုၢ်ဂီၤပၢၢ်လၢမုၢ် ထူၣ်ဒီးအဝဲသ့ၣ်ကနၣ်ဝဲလၢတၢ်သးစၢၢ်ဆၢအပူၤန့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်တၢ်ဘူၣ်ထီၣ်ဘါထီၣ် 9:5

အဝဲသ့ၣ်ဟဲစိာ်တၢ်လၢစီၤမိၤၡ့မၤလိာ်ဝဲခဲလၢာ်ဆူတၢ်ဘူၣ်ထီၣ်ဘါ ထီၣ်ယွၤအဒဲအမဲာ်ညါလီၤ. ဒီးပှၤဂီၢ်မုၢ်ခဲလၢာ်ပာ်ဖှိၣ်ထီၣ်အသးဖဲန့ၣ်လၢတၢ်ဘူၣ်ထီၣ် ဘါထီၣ်ယွၤအဂီၢ်လီၤ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်မးသဲ 13:52

အဝဲစံးဆၢတၢ်ဒီးစံး, “လၢတၢ်န့ၣ်အဃိ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီကိးဂၤဒဲးလၢအကဲထီၣ် အပျဲၢ်အဘီၣ်လၢမူခိၣ်အဘီအမုၢ်အပူၤန့ၣ်, မၤအသးဒ်ဟံၣ်ကစၢ်လၢ အထုးထီၣ်တၢ်အသီဒီးတၢ်အလီၢ်လံၤလၢအတၢ်ထူးတၢ်တီၤ အတၢ်ပာ်ဖှိၣ်လီၢ်အပူၤအသိးန့ၣ်လီၤ.”

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 23:2

“ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲတဖၣ်, မ့ၢ်ပှၤတဖၣ်လၢအဘၣ်တၢ်ဟ့ၣ်စိဟ့ၣ်ကမီၤအီၤလၢကတဲဖျါထီၣ်န့ၢ် သုလၢစီၤမိၤၡ့အတၢ်သိၣ်တၢ်သီအခီပညီလီၤ.

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်သိၣ်လီၤသီလီၤတၢ် 31:11

ဖးန့ၢ်ကီၢ်အံၣ်စရ့လးအပှၤဂီၢ်မုၢ်တဖၣ်ဖဲအဝဲသ့ၣ်ဟဲဒ်သိး ကဘူၣ်ထီၣ်ဘါထီၣ်ယွၤ, သုကစၢ်ယွၤလၢတၢ်ဘူၣ်ထီၣ်ဘါထီၣ်အလီၢ်တတီၤအခါန့ၣ်တက့ၢ်.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:8

ဒီးပှၤဂီၢ်မုၢ်ခဲလၢာ်ဆၢထၢၣ်ဒီးစံး, “ပဝဲလၢအအိၣ်လၢဒဲ အပူၤမ့ၢ်ဂ့ၤ, ဟံၣ်အပူၤမ့ၢ်ဂ့ၤ, တက့ၤဘၣ်ဆူဟံၣ်နီတဂၤဘၣ်.