လံာ်စီၤနဃ့မယၤ 7:65 - Sgaw Karen Common Bible

⁶⁵ ပှၤယူဒၤဖိအပဒိၣ်ဖးဒိၣ်တဲဘၣ်အဝဲသ့ၣ်လၢတဘၣ်အီၣ်တၢ်အီၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤဘၣ်တုၤလၢပှၤလုၢ်တၢ်အခိၣ်တဂၤ လၢအသူတူရံၣ်ဒီးအူမံၣ်သ့အိၣ်ဝဲ, န့ၣ်လီၤ.

လံာ်စီၤနဃ့မယၤ 7:65 Iomraidhean Croise

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်စီၤနဃ့မယၤ 10:1

ပှၤအဆိကတၢၢ်လၢအဘၣ်ဆဲးလီၤအမံၤန့ၣ်မ့ၢ်ဝဲပဒိၣ်ဖးဒိၣ်စီၤ နဃ့မယၤလၢအမ့ၢ်စီၤဃကါလယၤအဖိခွါန့ၣ်လီၤ. အန့ၣ်ဝံၤဒီးစီၤစံးဒကံယၤဆဲးလီၤအမံၤန့ၣ်လီၤ. ဒီးပှၤအဂၤတဖၣ်လၢအဆဲးလီၤအမံၤန့ၣ်မ့ၢ်ဝဲဒ်အဖီလာ်အသိးလီၤ.

လံာ်စီၤနဃ့မယၤ 7:64

မ့ၢ်လၢအဝဲသ့ၣ်ပာ်ဖျါအမိၢ်ပၢ်ဖံဖုလၢပျၢၤတဖၣ်မ့ၢ်မတၤန့ၣ်, တသ့ဝဲအဃိ, အဝဲသ့ၣ်တဘၣ်တၢ်တူၢ်လိာ်အီၤဒ်ပှၤလုၢ်တၢ်အခိၣ်တဖၣ် ဘၣ်.

လံာ်စီၤနဃ့မယၤ 7:66

ဒီးပှၤလၢအဟဲက့ၤလၢတၢ်စိာ်မၢကဲကုၢ်အနီၣ်ဂံၢ်ခဲလၢာ်မ့ၢ်ဝဲ လွံၢ်ကလးခံကထိသၢကယၤဃုဆံဂၤန့ၣ်လီၤ.

လံာ်စီၤနဃ့မယၤ 7:70

ပှၤဂီၢ်မုၢ်အါဂၤဟ့ၣ်လီၤမၤဘူၣ်တ့ၢ်တၢ်လၢတၢ်ဟ့ၣ်ပှဲၤထီၣ်တၢ် ဘှီက့ၤယွၤအတၢ်လုၢ်ဟံၣ်အတၢ်လၢာ်အဂီၢ်န့ၣ်လီၤ. ပဒိၣ်ဖးဒိၣ်ဟ့ၣ်ဝဲ, ထူလီၤတယၢၢ်ဒးရံးတကထိ, သလၢအဖျၢၣ်ယဲၢ်ဆံလၢတၢ်ကသူအီၤလၢတၢ်မၤဘူၣ်အကတီၢ်, ပှၤလုၢ်တၢ်အခိၣ်အဆ့ကၤဖးထီယဲၢ်ကယၤသၢဆံဘ့ၣ်လီၤ.

လံာ်စီၤနဃ့မယၤ 8:9

တုၤပှၤဂီၢ်မုၢ်နၢ်ဟူဘၣ်တၢ်လၢယူဒၤအတၢ်သိၣ်တၢ်သီဃ့ဝဲန့ၣ်, အဝဲသ့ၣ်အသးဘၣ်ဒိတုၤအစးထီၣ်ဟီၣ်ဝဲလီၤ. လၢတၢ်န့ၣ်အဃိ, ပဒိၣ်ဖးဒိၣ်စီၤနဃ့မယၤ, ပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤအတၢ်သိၣ်တၢ်သီအဂ့ၢ် စီၤဧ့စြၤ, ဒီးပှၤလ့ၤဝံဖိတဖၣ်လၢအတဲနၢ်ပၢၢ်တ့ၢ်ယူဒၤအတၢ်သိၣ်တၢ်သီ န့ၣ်စံးဘၣ်ပှၤဂီၢ်မုၢ်ခဲလၢာ် “မုၢ်တနံၤအံၤမ့ၢ်မုၢ်နံၤစီဆှံလၢယွၤသုကစၢ်ယွၤအဂီၢ်အဃိသူၣ် အုးသးအုးတဂ့ၤဒီးဟီၣ်တဂ့ၤ.

လံာ်တၢ်ဟးထီၣ်ကွံာ် 28:30

ပာ်အူၣ်ရံၣ်ဒီးတူမံၣ်လၢသဃိးအပူၤဒ်သိးစီၤအၤဟရိၣ်ကစိာ် အီၤဖဲအဟဲနုာ်လီၤဆူယအိၣ်ယဆိးအလီၢ်စီဆှံအပူၤအဂီၢ်န့ၣ် လီၤ. လၢအကတီၢ်ဒ်န့ၣ်သိးတဖၣ်အပူၤန့ၣ်အဝဲကဘၣ်သိးထီၣ် ဃာ်သဃိးထီဘိဒ်သိးကသ့ၣ်ညါယတၢ်ဘၣ်သးလၢကီၢ် အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:10

ဒီးတၢ်အိၣ်လီၤတဲာ်လၢတၢ်လုၢ်မၤဘူၣ်န့ၣ်ဘၣ်ဃးဒီးပှၤလုၢ်တၢ် အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီတၢ်ဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤဆူယွၤ အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:3

တၢ်အိၣ်လီၤတဲာ်လၢတၢ်လုၢ်ဘုဧိၤဟုဧိၤန့ၣ်ဘၣ်ဃးဒီးပှၤလုၢ် တၢ်အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤအကျါ အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:17

ယွၤဟ့ၣ်လီၤတၢ်အီၣ်အံၤဆူပှၤလုၢ်တၢ်အခိၣ်တဖၣ်အအိၣ်ဒ်တၢ်ဟ့ၣ် နီၤလီၤလၢအဂီၢ်အသိးန့ၣ်လီၤ. တၢ်အံၤစီဆှံဝဲဒ်တၢ်လုၢ်တၢ်ပျၢ်တၢ်ဒဲးဘးဒီးတၢ်ဟ့ၣ်ဆၢက့ၤ အတၢ်လုၢ်တၢ်ပျၢ်တၢ်ကမၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:8

ဒီးပာ်သဃိးအိၣ်ဒီးအူရံၣ်ဒီးတူမံၣ်လၢအသးနါပှၢ်အလိၤန့ၣ်လီၤ.

လံာ်တၢ်ဂံၢ် 27:21

အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.