လံာ်စီၤနဃ့မယၤ 7:5 - Sgaw Karen Common Bible

⁵ ဒီးကစၢ်ယွၤထိၣ်ဂဲၤယသးလၢယကဒုးအိၣ်ဖှိၣ်ပှၤဂီၢ်မုၢ်, အခိၣ်အနၢ်တဖၣ်ဒီးအပဒိၣ်တဖၣ်လၢတၢ်မၤနီၣ်အဟံၣ်ဖိဃီဖိ အတၢ်ကွဲးနီၣ်ကွဲးဃါတဖၣ်န့ၣ်အဂီၢ်လီၤ. ဒီးယပာ်လီၤတၢ်ကွဲးနီၣ်ကွဲးဃါဘၣ်ဃးဒီးပှၤလၢအဟဲက့ၤလၢ တၢ်စိာ်မၢကဲကုၢ်သ့ၣ်တဖၣ်အထူအထံးဒီးယထံၣ်န့ၢ်တၢ်ကွဲး အသးလၢအပူၤဒ်အံၤလီၤ.

လံာ်စီၤနဃ့မယၤ 7:5 Iomraidhean Croise

လံာ်စီၤဧ့စြၤ 2:62

မ့ၢ်လၢအဝဲသ့ၣ်ဃုထံၣ်တၢ်အုၣ်အသးဘၣ်ထွဲဒီးအမိၢ်ပၢ်ဖံဖု လၢပျၢၤမ့ၢ်မတၤတဖၣ်တသ့ဘၣ်အဃိ, အဝဲသ့ၣ်တဘၣ်တၢ်တူၢ်လိာ်အီၤ ဒ်ပှၤလုၢ်တၢ်အခိၣ်တဖၣ်အသိးဘၣ်.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

လံာ်စီၤနဃ့မယၤ 6:14

ဒီးယဘါထုကဖၣ်ယဲ, “ကစၢ်ယွၤဧၢသ့ၣ်နီၣ်ထီၣ်က့ၤတၢ်လၢစီၤ တိၤဘံယၤဒီးစီၤစၤနဘၤလးမၤတ့ၢ်ဝဲဒီးစံၣ်ညီၣ်အဝဲသ့ၣ်န့ၣ်တက့ၢ်. ဒီးသ့ၣ်နီၣ်ထီၣ်က့ၤပိာ်မုၣ်တဂၤလၢအမ့ၢ်နီၢ်နိဒယၤဒီးဝံ အဂၤတဖၣ်လၢအကျဲးစၢးမၤပျံၤယၤန့ၣ်တက့ၢ်.”

လံာ်စီၤနဃ့မယၤ 7:4

ဒီးဝ့ၢ်ယရူၤၡလ့ၣ်မ့ၢ်ဝ့ၢ်အဒိၣ်, ဘၣ်ဆၣ်ပှၤအိၣ်စှၤဝဲဒီးဟံၣ် ဃီတဘၣ်တၢ်သူၣ်ထီၣ်အီၤအါအါဒံးဘၣ်န့ၣ်လီၤ.

လံာ်စီၤနဃ့မယၤ 7:64

မ့ၢ်လၢအဝဲသ့ၣ်ပာ်ဖျါအမိၢ်ပၢ်ဖံဖုလၢပျၢၤတဖၣ်မ့ၢ်မတၤန့ၣ်, တသ့ဝဲအဃိ, အဝဲသ့ၣ်တဘၣ်တၢ်တူၢ်လိာ်အီၤဒ်ပှၤလုၢ်တၢ်အခိၣ်တဖၣ် ဘၣ်.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

တၢ်ကတိၤဒိ. 3:6

သ့ၣ်ညါအၢၣ်လီၤယွၤလၢနကျဲခဲလၢာ်အပူၤတက့ၢ်. ဒီးအဝဲဒၣ်ကဒုးနဲၣ်နၤကျဲအဘၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

၂ ကရံၣ်သူး 8:16

ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

ယၤကိာ် 1:16

ယဒီပုၢ်ဝဲၢ်သးဘိသ့ၣ်ဧၢ, သုတဒိးတၢ်လီန့ၢ်သုတဂ့ၤ.