လံာ်စီၤနဃ့မယၤ 7:3 - Sgaw Karen Common Bible

³ ဒီးယတဲဘၣ်အဝဲသ့ၣ်လၢအသုတအိးထီၣ်ဝ့ၢ်ယရူၤၡလ့ၣ်အတြဲၤလၢ မုၢ်ဂီၤတချုးလၢမုၢ်ဟဲထီၣ်ဂ့ၤဂ့ၤဒီးကကးတံၢ်က့ၤတချုးပှၤ ခိးတၢ်ဖိအတၢ်မၤဝံၤဖဲမုၢ်ဟါလီၤအကတီၢ်န့ၣ်လီၤ. ဒီးယတဲဘၣ်စ့ၢ်ကီးအဝဲသ့ၣ်လၢကပာ်လီၤပှၤကွၢ်ထွဲတၢ်ဖိလၢ အအိၣ်လၢဝ့ၢ်ယရူၤၡလ့ၣ်အပူၤဒီးကဟ့ၣ်အီၤတၢ်မၤလၢအက ဘၣ်မၤဝဲဒီးတနီၤကခိးတၢ်လၢအဟံၣ်ဒၣ်ဝဲအကပိာ်ကပၤန့ၣ်လီၤ.

လံာ်စီၤနဃ့မယၤ 7:3 Iomraidhean Croise

လံာ်စီၤနဃ့မယၤ 13:19

လၢတၢ်န့ၣ်အဃိယဟ့ၣ်လီၤယကလုၢ်လၢဝ့ၢ်တြဲၤတဖၣ်ကဘၣ်တၢ်ကးတံၢ် အီၤလၢမုၢ်အိၣ်ဘှံးနံၤကိးနံၤဒဲးစးထီၣ်တကီၢ်ခါဖဲဟါခီ တုၤလီၤလၢမုၢ်အိၣ်ဘှံးနံၤပူၤကွံာ်ဝဲန့ၣ်လီၤ. ယပာ်လီၤယပှၤအကျါတနီၤလၢကအိၣ်ဝဲဖဲတြဲၤတဖၣ်လၢ ကမၤဝဲလီၤတံၢ်လီၤဆဲးဒ်သိးတၢ်နီတမံၤသုတဘၣ်တၢ်ဟဲစိာ်နုာ် အီၤဆူဝ့ၢ်ပူၤလၢအိၣ်ဘှံးအနံၤတဂ့ၤန့ၣ်လီၤ.

လံာ်စီၤနဃ့မယၤ 3:23

ဒီးစီၤဘံၣ်ယၤမံၣ်စီးစီၤဃၤၡူာ်ဘှီထီၣ်ဝဲဝ့ၢ်ခိၣ်ဒူလၢ ခံတပတီၢ်လၢအအိၣ်လၢအဝဲသ့ၣ်အဟံၣ်မဲာ်ညါန့ၣ်လီၤ. ဒီးစီၤဧနၤနယၤအလံၤ, စီၤမၤစ့ယၤအဖိခွါစီၤဧစၤရယၤဘှီ ဝဲလၢခံတပတီၢ်လၢအအိၣ်လၢအဟံၣ်မဲာ်ညါန့ၣ်လီၤ.

လံာ်စီၤနဃ့မယၤ 7:2

ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

လံာ်စီၤနဃ့မယၤ 7:4

ဒီးဝ့ၢ်ယရူၤၡလ့ၣ်မ့ၢ်ဝ့ၢ်အဒိၣ်, ဘၣ်ဆၣ်ပှၤအိၣ်စှၤဝဲဒီးဟံၣ် ဃီတဘၣ်တၢ်သူၣ်ထီၣ်အီၤအါအါဒံးဘၣ်န့ၣ်လီၤ.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 147:13

အဂ့ၢ်ဒ်အံၤ, အဝဲမၤကျၢၤလံနတြဲၤအနီၣ်ဘိ, အဝဲဆိၣ်ဂ့ၤဆိၣ်ဝါနဖိနလံၤအိၣ်လၢနပူၤလီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.