လံာ်စီၤနဃ့မယၤ 6:6 - Sgaw Karen Common Bible

⁶ ဒီးအတၢ်ကွဲးမ့ၢ်ဝဲ, “စီၤကၤၡမူစံးဝဲဒၣ်လၢတၢ်ကစီၣ်ဟူထီၣ်သါလီၤလၢပှၤကလုာ် အိၣ်ဝးတရံးပှၤအကျါလၢနၤဒီးပှၤယူဒၤဖိသ့ၣ်တဖၣ်အိၣ်ဒီးတၢ် ကူၣ်လၢတၢ်ပူထီၣ်တၢ်အဂီၢ်န့ၣ်လီၤ. ဒီးလၢတၢ်န့ၣ်အဃိနသူၣ်ထီၣ်ကဒါက့ၤဝ့ၢ်ခိၣ်ဒူန့ၣ်လီၤ. အဝဲစံးစ့ၢ်ကီးဝဲဒၣ်လၢနအိၣ်ဒီးတၢ်ကူၣ်လၢနကကဲထီၣ်စီၤပၤ,

လံာ်စီၤနဃ့မယၤ 6:6 Iomraidhean Croise

လံာ်စီၤဧ့စြၤ 4:12

ပဆၢလၢပကစၢ်, စီၤပၤဖးဒိၣ်ကသ့ၣ်ညါဘၣ်လၢပှၤယူဒၤဖိ တဖၣ်လၢအဟဲဖဲအံၤလၢနတၢ်ပၢအလီၢ်ကဝီၤအဂၤတဖၣ်န့ၣ်ဟဲဆီလီၤ တ့ၢ်အသးလၢဝ့ၢ်ယရူၤၡလ့ၣ်အပူၤဒီးသူၣ်ထီၣ်ဘှီထီၣ်ကဒါက့ၤ ဝ့ၢ်လၢအအၢအသီဒီးပူထီၣ်လီထီၣ်တ့ၢ်တၢ်န့ၣ်လီၤ. အဝဲသ့ၣ်စးထီၣ်သူၣ်ထီၣ်တၢ်အခိၣ်ဒူတဖၣ်ဒီးတယံာ်ဘၣ်ကမၤဝံၤဝဲ ဒၣ်န့ၣ်လီၤ.

လံာ်စီၤဧ့စြၤ 4:15

နကဟ့ၣ်လီၤနကလုၢ်လၢပှၤကဃုထံၣ်န့ၢ်က့ၤတၢ်ကွဲးနီၣ်တဖၣ်လၢ နမိၢ်ပၢ်ဖံဖုလၢပျၢၤတဖၣ်ပာ်ကီၤတ့ၢ်အီၤန့ၣ်လီၤ. နမ့ၢ်မၤဒီးနကထံၣ်ဘၣ်လၢဝ့ၢ်အံၤထီဘိပူထီၣ်လီထီၣ်တၢ်ဒီး စးထီၣ်လၢပျၢၤလၢသီလံၤလံၤန့ၣ်, ဟ့ၣ်တ့ၢ်လံတၢ်ကီတၢ်ခဲဆူ စီၤပၤတဖၣ်ဒီးကီၢ်အပှၤပၢတၢ်တဖၣ်န့ၣ်လီၤ. ဝ့ၢ်အံၤအပှၤဂီၢ်မုၢ်မ့ၢ်ပှၤတဖၣ်လၢထီဘိတၢ်ပၢအီၤကီဒိၣ်မး လီၤ. လၢတၢ်န့ၣ်အဃိ, ဝ့ၢ်အံၤဘၣ်တၢ်မၤဟးဂီၤကွံာ်တ့ၢ်အီၤန့ၣ် လီၤ.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤနဃ့မယၤ 6:13

အဝဲသ့ၣ်ဒိးလဲအီၤဒ်သိးကမၤပျံၤမၤဖုးယၤလၢတၢ်မၤတၢ်ဒဲး ဘးအပူၤဒ်သိးကမၤဟးဂီၤယမံၤဒီးမၤတရီတပါယၤန့ၣ်လီၤ.

လံာ်စီၤနဃ့မယၤ 6:5

ဒီးစီၤစၤနဘၤလးမၢလီၤအခ့အပှၤတဂၤဃုာ်ဒီးတၢ်ကစီၣ်ယဲၢ်ဘျီ တဘျီ, ဒီးအအံၤတဘျီမ့ၢ်တၢ်ကွဲးလၢအတအိၣ်ဘၣ်ဒီးတၢ်စဲပနီၣ်ဘၣ်န့ၣ် လီၤ.

လံာ်စီၤနဃ့မယၤ 6:7

ဒီးနကတဲာ်ကတီၤတ့ၢ်လံဝံတနီၤလၢကဘိးဘၣ်သ့ၣ်ညါထီၣ်လၢဝ့ၢ် ယရူၤၡလ့ၣ်အပူၤလၢနမ့ၢ်ကီၢ်ယူဒၤအစီၤပၤန့ၣ်လီၤ. စီၤပၤဖးဒိၣ်ကနၢ်ဟူတ့ၢ်လံတၢ်ကစီၣ်အံၤသပှၢ်ကတၢၢ်န့ၣ်လီၤ. လၢတၢ်န့ၣ်အဃိယဟ့ၣ်ကူၣ်နၤလၢ, နၤဒီးယၤပကထံၣ်လိာ်ကတိၤတၢ် ဂ့ၢ်အံၤန့ၣ်လီၤ.”

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်မးသဲ 5:11

တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

လံာ်ယိၤဟၣ် 19:13

တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

ရိမ့ၤ 3:8

မ့မ့ၢ်ဒ်န့ၣ်ဒီးမ့ၢ်ပကစံး, “မ်ပကမၤသကိးတၢ်အၢဒ်သိးတၢ်ဂ့ၤကမၤအသးအဂီၢ်န့ၣ်ဧါ.” ပှၤတနီၤနီၤဒုၣ်ဒွဲၣ်စံးအၢယၤဒီးပာ်တၢ်ကမၣ်လၢယလိၤလၢယစံး ကတိၤတၢ်ဒ်အံၤန့ၣ်လီၤ. အဝဲသ့ၣ်ကဘၣ်တၢ်စံၣ်ညီၣ်ဃၣ်အီၤဒ်အကြၢးဝဲဒီးအီၤအသိး န့ၣ်လီၤ.

၂ ကရံၣ်သူး 6:8

ပဘၣ်တၢ်မၤလၤကပီၤပှၤဒီးတၢ်မၤဟးဂီၤပလၤပကပီၤ, ပဘၣ်တၢ်ဒုၣ်ဒွဲၣ်ဒီးတၢ်စံးထီၣ်ပတြၢၤပှၤန့ၣ်လီၤ. ပဘၣ်တၢ်ပာ်ပှၤဒ်ပှၤလီတၢ်ဖိဘၣ်ဆၣ်ဒီးပကတိၤ တၢ်မ့ၢ်တၢ်တီလီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.