လံာ်စီၤနဃ့မယၤ 6:2 - Sgaw Karen Common Bible

² ဒီးလၢတၢ်န့ၣ်အဃိစီၤစၤနဘၤလး, ဒီးစီၤက့ၤၡ့ၣ်ဆှၢလီၤန့ၢ် ယၤတၢ်ကစီၣ်လၢယကထံၣ်လိာ်ယသးဒီးအီၤလၢသဝီတဖၣ် အကျါတဖျၢၣ်အိၣ်လၢတၢ်ပၢၤခိၣ်အိနိၤန့ၣ်လီၤ. တၢ်အံၤမ့ၢ်အဝဲသ့ၣ်အတၢ်ကူၣ်တမံၤလၢကမၤအၢယၤန့ၣ်လီၤ.

လံာ်စီၤနဃ့မယၤ 6:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:9

စီၤယိၤအာ်စံးဘၣ်စီၤဧမါစၤ, “ယတံၤသကိးဧၢ, နအိၣ်ဆူအိၣ်ချ့စ့ၢ်ကီးဧါ.” ဒီးစီၤယိၤအာ်ဖီၣ်ဃးစီၤဧမါ စၤအခၣ်ဆူၣ်လၢအစုထွဲဒ်သိးအကနၢမူအီၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:12

စီၤအ့လပၤလးအိၣ်ဒီးအဖိခွါသၢဂၤလၢအမ့ၢ်, စီၤဧ့ၤဘ့ၢ်, စီၤမံၡၣ်ဒီးစီၤၡၤမးန့ၣ်လီၤ. စီၤၡၤမးအံၤမ့ၢ်ပှၤသူၣ်ထီၣ်ဝ့ၢ်အိနိၤ, ဝ့ၢ်လိးဒီးဝ့ၢ်အိၣ် ဝးတရံးအဝဲသ့ၣ်တဖၣ်န့ၣ်လီၤ.

လံာ်စီၤနဃ့မယၤ 11:35

ဝ့ၢ်လိး, ဝ့ၢ်အိနိၤ, ဒီးလၢပှၤစိးပျၤတၢ်ဖိအကစၢၢ်ကဆူးအပူၤန့ၣ်လီၤ.

လံာ်စီၤနဃ့မယၤ 3:22

ဒီးပှၤလုၢ်တၢ်အခိၣ်တဖၣ်အံၤမ့ၢ်ပှၤလၢအဘှီထီၣ်ကဒါက့ၤဝ့ၢ် ခိၣ်ဒူတနီၤန့ၣ်လီၤ. ပှၤလုၢ်တၢ်အခိၣ်တဖၣ်လၢယရူၤၡလ့ၣ်အကပိာ်ကပၤဘှီထီၣ်ဝဲ ဝ့ၢ်ခိၣ်ဒူအဂၤတတီၤန့ၣ်လီၤ.

လံာ်စီၤနဃ့မယၤ 6:3

ဒီးယဆှၢလီၤပှၤစိာ်တၢ်ကစီၣ်တဖၣ်လၢကစံးဘၣ်အဝဲသ့ၣ်, “ယမၤတၢ်မၤလၢအကါဒိၣ်ဝဲဒီးယလဲၤလီၤဆူသုအိၣ်တသ့ဘၣ်. ယပျဲတၢ်မၤဆိကတီၢ်အသးဖဲအံၤဒီးလဲၤထံၣ်သုတသ့ဘၣ်.”

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 37:12

ပှၤအၢပှၤသီကူၣ်ထီဒါပှၤအဂ့ၤအဝါ ဒီးအ့ၣ်စဃံးအမဲလၢအီၤလီၤ.

စံးထီၣ်ပတြၢၤ 37:32

ပှၤအၢပှၤသီကွၢ်ဟုၣ်ကွၢ်စုာ်ပှၤအဂ့ၤအဝါ ဒီးဃုမၤသံအီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ယံးရမံယၤ 41:2

စီၤယံးၡမၤအ့လးဒီး ပှၤအဂၤတဆံ ထုးထီၣ်အနးတဖၣ် ဒီးမၤသံကွံာ်စီၤကဒါလယၤန့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.