လံာ်စီၤနဃ့မယၤ 6:16 - Sgaw Karen Common Bible

¹⁶ ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.

လံာ်စီၤနဃ့မယၤ 6:16 Iomraidhean Croise

လံာ်စီၤနဃ့မယၤ 2:10

ဒီးတုၤပှၤဃိရၣ်ဖိစီၤစၤနဘၤလး, ပှၤဧၣ်မိၣ်ဖိအပဒိၣ်စီၤ တိၤဘံယၤနၢ်ဟူဝဲဒၣ်လၢပှၤတဂၤဟဲဝဲဒၣ်လၢပှၤအံၣ်စရ့လးဖိ အတၢ်ဂ့ၤအဂီၢ်န့ၣ်အဝဲသ့ၣ်အသူၣ်ဒိၣ်အသးဖျိးဒိၣ်မးန့ၣ်လီၤ.

လံာ်စီၤနဃ့မယၤ 4:1

ဒီးတုၤစီၤစၤနဘၤလးနၢ်ဟူဝဲဒၣ်လၢပဝဲပှၤယူဒၤဖိတဖၣ်ပစး ထီၣ်ဘှီကဒါက့ၤဝ့ၢ်ခိၣ်ဒူန့ၣ်အသးထီၣ်ဝဲဒီးစးထီၣ်နံၤဘၣ် ဖၣ်လဲပှၤန့ၣ်လီၤ.

လံာ်စီၤနဃ့မယၤ 4:7

ဒီးတုၤစီၤစၤနဘၤလး, စီၤတိၤဘံယၤ, ပှၤဧ့ရ့းဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲဒၣ်လၢပအိၣ်ဒီးပတၢ်မၤအတၢ် လဲၤထီၣ်လဲၤထီလၢတၢ်ဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူ ဒီးတၢ်ဘၢၣ်ဖျိအိၣ်လၢဝ့ၢ်ခိၣ်ဒူဘၣ်တၢ်ကးတံၢ်အီၤန့ၣ်အဝဲ သ့ၣ်အသးထီၣ်ဝဲဒိၣ်ဒိၣ်ကလဲာ်န့ၣ်လီၤ.

လံာ်စီၤနဃ့မယၤ 6:17

ဒီးလၢအကတီၢ်ဒီကတီၢ်အံၤန့ၣ်ပှၤယူဒၤဖိခိၣ်နၢ်သ့ၣ်တဖၣ်အိၣ် ဒီးအတၢ်ကွဲးလိာ်သးလံာ်ဒီးစီၤတိၤဘံယၤန့ၣ်လီၤ.

စံးထီၣ်ပတြၢၤ 109:27

ဒုးသ့ၣ်ညါယဒုၣ်ယဒါတဖၣ်လၢနမ့ၢ်ပှၤတဂၤလၢ အအုၣ်ခီၣ်က့ၤယၤန့ၣ်တက့ၢ်.

စံးထီၣ်ပတြၢၤ 126:2

တုၤနုၤတစု, ပထးခိၣ်ပှဲၤဝဲဒီးတၢ်နံၤတၢ်အ့ ဒီးပပျ့ၤပှဲၤဝဲဒီးတၢ်ကိးထီၣ်လၢတၢ်သးခုန့ၣ်လီၤ. တုၤနုၤတစုပှၤကလုာ်ဂၤတဖၣ်စံးကတိၤတၢ်လၢ ပဂ့ၢ်ဒီးစံးဝဲ, “ယွၤမၤတၢ်အဒိၣ်တဖၣ်လၢအဂီၢ်လီၤ.”

စံးထီၣ်ပတြၢၤ 129:5

မ်ပှၤလၢအသးဟ့စံယိၣ်ခဲလၢာ် ဘၣ်တၢ်မၤနၢၤမၤဃၣ်အီၤဒီး နီၣ်ကဒါက့ၤအီၤန့ၣ်တက့ၢ်.

စံးထီၣ်ပတြၢၤ 147:2

ယွၤသူၣ်ထီၣ်ဝ့ၢ်ယရူၤၡလ့ၣ်, အဝဲပာ်ဖှိၣ်က့ၤအံၣ်စရ့လး အပှၤဘၣ်တၢ်စိာ်မၢကဲကုၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 14:25

ယွၤမၤကတံာ်ကွံာ်အဝဲသ့ၣ်အလ့ၣ်ကဟၣ်အပၣ်တဖၣ်ဒ်သိးကသုးအသးအိၣ် ဒီးတၢ်ကီတၢ်ခဲဖးဒိၣ်န့ၣ်လီၤ. ပှၤအဲၤကူပတူးဖိတဖၣ်စံးဝဲ, “ယွၤဒုးတၢ်လၢပှၤအံၣ်စရ့လးဖိတဖၣ်အဂီၢ်ထီဒါပှၤလီၤ. မ်ပဟးထီၣ်ကွံာ်လၢတၢ်လီၢ်ဖဲအံၤတက့ၢ်.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်တၢ်ဂံၢ် 23:23

တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

မၤတၢ် 5:38

လၢတၢ်န့ၣ်အဃိ, ဘၣ်ဃးဒီးတၢ်ဂ့ၢ်ကဲထီၣ်အသးခဲကနံၣ်အံၤန့ၣ်, ယအဲၣ်ဒိးစံးဘၣ်သုဒ်သိးအံၤလီၤ. တဘၣ်မၤအဝဲသ့ၣ်လၢတၢ်နီတမံၤ တဂ့ၤ. ပျဲအဝဲသ့ၣ်အိၣ်ဒၣ်အတၢ်တက့ၢ်. အဂ့ၢ်ဒ်လဲၣ်န့ၣ်, အဝဲသ့ၣ်အတၢ်ကူၣ်တၢ်ဖး, အတၢ်ဖံးတၢ်မၤမ့မ့ၢ်တၢ်ဟဲလၢပှၤကညီဒီး, ကဟးဂီၤကွံာ်ဝဲဒၣ်လီၤ.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 2:9

ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.

လံာ်စီၤယိၤၡူ 5:1

ဖဲပှၤအမိၢ်ဖိအစီၤပၤခဲလၢာ်လၢ အအိၣ်လၢထံကျိယၢ်ဒ့ၣ်အမုၢ်နုာ်, ဒီးပှၤကနၤဧၣ်ဖိအစီၤပၤခဲလၢာ်လၢအအိၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်အနံၤ, နၢ်ဟူဝဲလၢကစၢ်မၤလီၤသံးကွံာ်ယၢ်ဒ့ၣ်အထံတုၤလၢပှၤအံၣ်စရ့ လးဖိခဲလၢာ်ခီဂာ်တၢ်သ့သတးဒီး, အဝဲသ့ၣ်အသးလီၤစၢ်ဝဲဒီးတၢ်သူၣ်ဒူ သးဒူတအိၣ်လၢၤလၢအပူၤလၢပှၤအံၣ်စရ့လးဖိ တဖၣ်အဃိန့ၣ်လီၤ.