လံာ်စီၤနဃ့မယၤ 6:15 - Sgaw Karen Common Bible

¹⁵ ဒီးလၢတၢ်ဘှီက့ၤအတၢ်မၤယဲၢ်ဆံခံသီအလီၢ်ခံ လါအလူလးခံဆံယဲၢ်သီတသီအနံၤန့ၣ်ဝ့ၢ်ခိၣ်ဒူဝံၤဝဲဒၣ်လၢ လၢပှဲၤပှဲၤန့ၣ်လီၤ.

လံာ်စီၤနဃ့မယၤ 6:15 Iomraidhean Croise

လံာ်စီၤဧ့စြၤ 6:14

ပှၤယူဒၤဖိအခိၣ်အနၢ်တဖၣ်မၤတၢ်လဲၤထီၣ်လဲၤထီဂ့ၤဂ့ၤလၢတၢ် ဘှီထီၣ်ကဒါက့ၤတၢ်လုၢ်ဟံၣ်အိၣ်ဒီးတၢ်ဟ့ၣ်ဂံၢ်ဟ့ၣ်ဘါအဝဲသ့ၣ် လၢဝံဃးကဲဒီးဝံစကၤရယၤတဖၣ်န့ၣ်လီၤ. အဝဲသ့ၣ်မၤဝံၤကွံာ်တၢ်လုၢ်ဟံၣ်ဒ်အဝဲသ့ၣ်ဘၣ်တၢ်မၤလိာ်တ့ၢ် အီၤလၢအံၣ်စရ့လးအကစၢ်ယွၤဒီးကီၢ်ပၤရၣ်အစီၤပၤဖးဒိၣ်တဖၣ် လၢအမ့ၢ်စီၤကိရ့ၣ်, စီၤဒၤရယါဝ့ၣ်ဒီးစီၤအၢ်တၤၡါၡတၤန့ၣ်လီၤ.

လံာ်စီၤဧ့စြၤ 6:15

လၢစီၤပၤဖးဒိၣ်ဒၤရယါဝ့ၣ်ပၢတၢ်ဃုနံၣ်တနံၣ်လါအးဒၢ်လါ ထီၣ်သၢသီတသီန့ၣ်အဝဲသ့ၣ်မၤဝံၤတၢ်လုၢ်ဟံၣ်န့ၣ်လီၤ.

လံာ်စီၤနဃ့မယၤ 7:1

ဒီးခဲကနံၣ်အံၤဝ့ၢ်ခိၣ်ဒူဘၣ်တၢ်ဘှီဝံၤတ့ၢ်လံအီၤဒီး, တြဲၤတဖၣ်ဘၣ်တၢ်ပာ်အီၤလၢအလီၢ်ဒၣ်ဝဲ, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်အီၤအမူ အဒါတဖၣ်န့ၣ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 147:2

ယွၤသူၣ်ထီၣ်ဝ့ၢ်ယရူၤၡလ့ၣ်, အဝဲပာ်ဖှိၣ်က့ၤအံၣ်စရ့လး အပှၤဘၣ်တၢ်စိာ်မၢကဲကုၢ်အီၤန့ၣ်လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.