လံာ်စီၤနဃ့မယၤ 6:1 - Sgaw Karen Common Bible

¹ ဒီးစီၤစၤနဘၤလး, စီၤတိၤဘံယၤ, ပှၤဧ့ရ့းဖိစီၤက့ၤၡ့ၣ်, ဒီးပဒုၣ်ပဒါလၢအအိၣ်လီၤတဲာ်သ့ၣ်တဖၣ်နၢ်ဟူဝဲဒၣ်လၢပသူၣ်ထီၣ် ဝ့ၢ်ခိၣ်ဒူဝံၤဝဲဒီးတၢ်လီၤဟိတအိၣ်ဘၣ်န့ၣ်လီၤ. ဘၣ်ဆၣ်ပတပာ်ထီၣ်ဒံးဘၣ်တြဲၤလၢကျဲလဲၤနုာ်အဂီၢ်ဒံးဘၣ်န့ၣ်လီၤ.

လံာ်စီၤနဃ့မယၤ 6:1 Iomraidhean Croise

လံာ်စီၤနဃ့မယၤ 13:4

ပှၤလုၢ်တၢ်အခိၣ်စီၤဧ့လယၤၡံာ်လၢအမ့ၢ်ပှၤကွၢ်ထွဲတၢ်လုၢ်ဟံၣ် အတၢ်ပာ်ဖှိၣ်အဒၢးတဖၣ်န့ၣ်, မ့ၢ်တ့ၢ်ပှၤဒီတံၤဒီသကိးဒီးစီၤတိၤဘံယၤယံာ်မးလံန့ၣ်လီၤ.

လံာ်စီၤနဃ့မယၤ 2:10

ဒီးတုၤပှၤဃိရၣ်ဖိစီၤစၤနဘၤလး, ပှၤဧၣ်မိၣ်ဖိအပဒိၣ်စီၤ တိၤဘံယၤနၢ်ဟူဝဲဒၣ်လၢပှၤတဂၤဟဲဝဲဒၣ်လၢပှၤအံၣ်စရ့လးဖိ အတၢ်ဂ့ၤအဂီၢ်န့ၣ်အဝဲသ့ၣ်အသူၣ်ဒိၣ်အသးဖျိးဒိၣ်မးန့ၣ်လီၤ.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤနဃ့မယၤ 3:1

ဒီးအအံၤမ့ၢ်ဝဲဝ့ၢ်အခိၣ်ဒူဘၣ်တၢ်ဘှီထီၣ်က့ၤအီၤဒ်လဲၣ်အဂ့ၢ် န့ၣ်လီၤ. ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်ဒီးပှၤမၤသကိးတၢ် ဒီးအီၤပှၤလုၢ်တၢ်အခိၣ်တဖၣ်ဘှီထီၣ်ကဒါက့ၤပဲတရီသိဒီးပာ် စီဆှံဝဲ, ဒီးပာ်ဝဲပဲတရီလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်စီဆှံတ့ၢ်တၢ်ဒူၣ်စးထီၣ်ဆူတၢးထီမ့ၤအၤဒီးတုၤ လၢတၢးထီဃနၤန့လးန့ၣ်လီၤ.

လံာ်စီၤနဃ့မယၤ 3:3

ဒီးစီၤဟးစနုၤအၤအဒူၣ်ထၢတဖၣ်ဘှီထီၣ်ဝဲပဲတရီညၣ်န့ၣ်လီၤ. အဝဲသ့ၣ်ပာ်လီၤကျိၤဒီးမၤထီၣ်တြဲၤလၢအလီၢ်ဒၣ်ဝဲ, ဒီးမၤဝဲနီၣ်ဝံာ်စဲတဖၣ်ဒီးနီၣ်ဘိတဖၣ်လၢကကးတံၢ်တြဲၤအဂီၢ် န့ၣ်လီၤ.

လံာ်စီၤနဃ့မယၤ 3:6

ဒီးစီၤပၤစ့ၤအဖိခွါစီၤယဟိယဒါဒီးစီၤဘစိဒယၤအဖိခွါ စီၤမၡူလၣ်ဘှီက့ၤဝဲပဲတရီလီၢ်လံၤန့ၣ်လီၤ. ဒီးပာ်လီၤဝဲကျိၤတဖၣ်ဒီးပဲတရီ တဖၣ်လၢအလီၢ်ဒၣ်ဝဲ, ဒီးမၤဝဲတြဲၤအနီၣ်ဝံာ်စဲတဖၣ်ဒီးအနီၣ်ဘိတဖၣ်လၢတၢ် ကကးတံၢ်တြဲၤအဂီၢ်န့ၣ်လီၤ.

လံာ်စီၤနဃ့မယၤ 4:1

ဒီးတုၤစီၤစၤနဘၤလးနၢ်ဟူဝဲဒၣ်လၢပဝဲပှၤယူဒၤဖိတဖၣ်ပစး ထီၣ်ဘှီကဒါက့ၤဝ့ၢ်ခိၣ်ဒူန့ၣ်အသးထီၣ်ဝဲဒီးစးထီၣ်နံၤဘၣ် ဖၣ်လဲပှၤန့ၣ်လီၤ.

လံာ်စီၤနဃ့မယၤ 7:1

ဒီးခဲကနံၣ်အံၤဝ့ၢ်ခိၣ်ဒူဘၣ်တၢ်ဘှီဝံၤတ့ၢ်လံအီၤဒီး, တြဲၤတဖၣ်ဘၣ်တၢ်ပာ်အီၤလၢအလီၢ်ဒၣ်ဝဲ, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်အီၤအမူ အဒါတဖၣ်န့ၣ်လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.