လံာ်စီၤနဃ့မယၤ 5:6 - Sgaw Karen Common Bible

⁶ ဒီးတုၤယနၢ်ဟူအဝဲသ့ၣ်အတၢ်ပာ်ဒ့ၣ်ပာ်ကမၣ်သ့ၣ်တဖၣ်န့ၣ်ဒီး ယသးဒိၣ်ထီၣ်လီၤ.

လံာ်စီၤနဃ့မယၤ 5:6 Iomraidhean Croise

လံာ်စီၤနဃ့မယၤ 13:25

ယသိၣ်ဃီၣ်ပှၤပိာ်ခွါတဖၣ်န့ၣ်ဆါဆါကလဲာ်, ဒီးဆိၣ်အၢအဝဲသ့ၣ်, တီၢ်အဝဲသ့ၣ်ဒီးထဲးကွံာ်အဝဲသ့ၣ်အခိၣ်သူန့ၣ်လီၤ. ဝံၤဒီးယမၢအဝဲသ့ၣ်မၤတၢ်ဆိၣ်တမံၤလၢကစၢ်ယွၤအမံၤအပူၤလၢ အဝဲသ့ၣ်မ့ၢ်ဂ့ၤ, အဖိတဖၣ်မ့ၢ်ဂ့ၤ, တဒိးတ့ဃုာ်ဖျီဃုာ်ကဒီးအသးဒီးပှၤတခီဘီမုၢ်ဖိတဖၣ်ဘၣ်န့ၣ်လီၤ.

လံာ်စီၤနဃ့မယၤ 13:8

ယသးဒိၣ်ကဲၤထီၣ်ဒီးတ့ၢ်လီၤကွံာ်ကယဲၢ်စီၤတိၤဘံယၤအတၢ်ပီး တၢ်လီခဲလၢာ်န့ၣ်လီၤ.

လံာ်စီၤနဃ့မယၤ 5:7

ဒီးယပာ်လီၤယသးလၢယကမၤတၢ်န့ၣ်လီၤ. ယသိၣ်ဃီၣ်ပှၤခိၣ်ပှၤနၢ်တဖၣ်ဒီးပှၤကလုာ်အပဒိၣ်တဖၣ်ဒီးတဲဘၣ် အဝဲသ့ၣ်, “သုဆီၣ်ဘံၣ်ဆီၣ်ဘၢသုဒီပုၢ်ဝဲၢ်တဖၣ်န့ၣ်လီၤ.” ယကိးဖှိၣ်ပှၤဂီၢ်မုၢ်လၢတၢ်ဂ့ၢ်အံၤအဂီၢ်လီၤ.

စံးထီၣ်ပတြၢၤ 119:53

ဖဲပှၤတတီတလိၤလဲၤသဒၣ်နတၢ်သိၣ်တၢ်သီဒီး, ယသးကိၢ်ထီၣ်ဒိၣ်ဒိၣ်ကလဲာ်လီၤ.

လံာ်တၢ်ဟးထီၣ်ကွံာ် 11:8

စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

လံာ်တၢ်ဂံၢ် 16:15

စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

အ့းဖ့းစူး 4:26

သုမ့ၢ်သးဒိၣ်ထီၣ်န့ၣ်, တဘၣ်ပျဲသုတၢ်သးဒိၣ်ဒုးမၤသုလၢတၢ် ဒဲးဘးတဂ့ၤ. တဘၣ်သးဒိၣ်တုၤမုၢ်လီၤနုာ်တဂ့ၤ.