လံာ်စီၤနဃ့မယၤ 5:19 - Sgaw Karen Common Bible

¹⁹ ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

လံာ်စီၤနဃ့မယၤ 5:19 Iomraidhean Croise

လံာ်တၢ်ကဲထီၣ်အခီၣ်ထံး 40:14

ဘၣ်ဆၣ်ဝံသးစူၤသ့ၣ်နီၣ်ယၤဖဲတၢ်ကိးမံၤဒဲးဘၣ်လီၢ်ဘၣ်စးလၢ နဂီၢ်တက့ၢ်. ယဃ့ကညးနၤ, သးကညီၤယၤဒီးတဲဘၣ်စီၤပၤလၢယဂ့ၢ်ဒီးမၤစၢၤယၤဒ်သိး ယကထူၣ်ဖျဲးထီၣ်ကွံာ်လၢဃိာ်အံၤအပူၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်စီၤနဃ့မယၤ 13:14

ယကစၢ်ယွၤဧၢ, သ့ၣ်နီၣ်ထီၣ်က့ၤကယဲၢ်တၢ်ခဲလၢာ်လၢယမၤတ့ၢ်ယဲလၢ နတၢ်လုၢ်ဟံၣ်ဒီးအတၢ်ဘူၣ်ထီၣ်ဘါထီၣ်နၤအဂီၢ်န့ၣ်တက့ၢ်.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

စံးထီၣ်ပတြၢၤ 106:4

ယွၤဧၢ, သ့ၣ်နီၣ်ထီၣ်က့ၤယၤဖဲနဒုးနဲၣ် တၢ်ကွၢ်မဲာ်နပှၤဂီၢ်မုၢ်, ဒီးမၤစၢၤယၤဖဲ နအုၣ်က့ၤခီၣ်က့ၤအဝဲသ့ၣ်, န့ၣ်တက့ၢ်

စံးထီၣ်ပတြၢၤ 40:17

ယွၤဧၢ, ယဂံၢ်ယဘါစၢ်ဒီးယဖှီၣ်ယဲလီၤ. ဘၣ်ဆၣ်နတသးပ့ၤနီၣ်တ့ၢ်ယၤဘၣ်. နမ့ၢ်ပှၤလၢအမၤပူၤဖျဲးယၤဒီးယကစၢ်ယွၤလီၤ. မၤယံာ်နသးလၢနကမၤစၢၤယၤအဂီၢ်န့ၣ်တဂ့ၤ.

လံာ်ယံးရမံယၤ 29:11

ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.

လံာ်မးသဲ 10:42

နာ်ယၤတက့ၢ်. ပှၤလၢအဟ့ၣ်အီပှၤအဆံးကတၢၢ်လၢသုကျါတဂၤ လၢအမ့ၢ်ယပျဲၢ်ယဘီၣ်အဃိလၢထံခုၣ်ထဲတလီခီဒၣ်လဲာ်န့ၣ်, ကန့ၢ်ဘၣ်တၢ်ဘျုးလၢယွၤအအိၣ်သပှၢ်ကတၢၢ်လီၤ.”

လံာ်မၢ်ကူး 9:41

ယစံးဘၣ်သုတီတီ, ပှၤတဂၤလၢ်လၢ်လၢအဟ့ၣ်အီသုလၢထံတလီခီ လၢသုဘၣ်ဃးဒီးယၤအဃိန့ၣ်, ကန့ၢ်ဘၣ်အဘျုးသပှၢ်ကတၢၢ်လီၤ.