လံာ်စီၤနဃ့မယၤ 5:15 - Sgaw Karen Common Bible

¹⁵ ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤနဃ့မယၤ 5:15 Iomraidhean Croise

လံာ်တၢ်ကဲထီၣ်အခီၣ်ထံး 20:11

စီၤအၤဘြၤဟၣ်စံးဆၢဝဲ, “ယဆိကမိၣ်တ့ၢ်လၢပှၤလၢအယူးယီၣ် ယွၤတအိၣ်ဘၣ်နီတဂၤလၢတၢ်လီၢ်ဖဲအံၤ, ဒီးကမၤသံကွံာ်ယၤဒီးဟံးန့ၢ်ယမါဘၣ်ဖုးန့ၣ်လီၤ.

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်စီၤနဃ့မယၤ 5:16

ယဟ့ၣ်လီၤယဂံၢ်ယဘါလၢာ်လၢာ်ဆ့ဆ့လၢတၢ်သူၣ်ထီၣ်ကဒါက့ၤဝ့ၢ် ခိၣ်ဒူအပူၤဒီးယတဃ့တၢ်နီတမံၤဘၣ်. ကယဲၢ်ပှၤမၤတၢ်လၢယဂီၢ်မၤသကိးတၢ်လၢတၢ်သူၣ်ထီၣ်ကဒါက့ၤတၢ် န့ၣ်လီၤ.

လံာ်စီၤနဃ့မယၤ 5:9

တုၤနုၤတစုယစံးဘၣ်အဝဲသ့ၣ် “တၢ်လၢသုမၤန့ၣ်မ့ၢ်တၢ်လၢအကမၣ် လီၤ. သုကဘၣ်ပာ်ကဲကစၢ်ယွၤဒီးမၤတၢ်လၢအဘၣ်န့ၣ်လီၤ. ဒီးသုတဘၣ်ဟ့ၣ်ပဒုၣ်ပဒါတဖၣ်, ပှၤကလုာ်ဂၤတဖၣ်လၢတၢ်ဂ့ၢ်လၢ ကနံၤဘၣ်ဖၣ်လဲပှၤန့ၣ်ဘၣ်.

လံာ်စီၤယိၤဘး 31:23

အဂ့ၢ်ဒ်အံၤယပျံၤကစၢ်ယွၤအတၢ်စံၣ်ညီၣ်သတးဒီး, တၢ်မၤဒ်သိးအံၤန့ၣ်ယမၤတဘူၣ်နီတဘျီဘၣ်.

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 29:12

ပှၤပၢတၢ်တဂၤမ့ၢ်ကနၣ်ဃုာ်တၢ်ကစီၣ်တတီတလိၤတဖၣ်ဒီး, အပဒိၣ်ပပှၢ်ခဲလၢာ်ကမ့ၢ်ပှၤလီတၢ်တဖၣ်န့ၣ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယံးရမံယၤ 32:9

ယပှ့ၤစံာ်ပျီန့ၣ်လၢ စီၤဃနၤန့လးအအိၣ်ဒီးယစီၤန့ၢ်အီၤ စ့လၢအဂီၢ်, အပှ့ၤလီၤတဲာ်ဝဲစ့ ၡကလးတဆံနွံဘ့ၣ်န့ၣ်လီၤ.

လံာ်သးသယုၢ်တၢ် 5:8

ပဘၣ်တၢ်ပၢတ့ၢ်ပှၤလၢ, ပှၤလၢတဂ့ၤန့ၢ်ဘၣ်ကုၢ်တဖၣ် ဒီးပှၤမၤပူၤဖျဲးပှၤလၢအတၢ်စိတၢ်ကမီၤအပူၤသ့ တအိၣ်ဘၣ်နီတဂၤဘၣ်.

လံာ်မးသဲ 5:47

သုမ့ၢ်ကတိၤတၢ်ဒီးဆၢဂ့ၤဆၢဝါထဲသုဒီပုၢ်ဝဲၢ်ဒီးသုတၢ်မၤ တဖၣ်န့ၣ်တလီၤဆီဒီးပှၤဂၤဘၣ်. ပှၤတသ့ၣ်ညါယွၤတဖၣ်ဒၣ်လဲာ်မၤဝဲဒ်န့ၣ်လီၤ.

၂ ကရံၣ်သူး 11:9

ဖဲယအိၣ်ဒီးသုအဖၢမုၢ်ဒီးဖဲယလိၣ်ဘၣ်ကျိၣ်စ့အဆၢ ကတီၢ်န့ၣ်, ယတမၤတံာ်တာ်သုလၢတၢ်မၤစၢၤအဂီၢ်ဘၣ်. ဒီပုၢ်ဝဲၢ်ဟဲလၢကီၢ်မၤက့းဒနံတဖၣ်ဟဲစိာ်န့ၢ်ယၤကယဲၢ် တၢ်လၢယလိၣ်ဘၣ်ယဲခဲလၢာ်လီၤ. ဒ်လၢခါပူၤကွံာ်အသိး န့ၣ်, ခါဆူညါကမ့ၢ်တၢ်ဒ်န့ၣ်အသိးလီၤ. ယတကဲထီၣ်တၢ်ဝံတၢ်ယိးလၢသုဂီၢ်နီတစုဘၣ်.

၂ ကရံၣ်သူး 12:13

သုဘၣ်တၢ်မၤသုတရီတပါဒိၣ်န့ၢ်တၢ်အိၣ်ဖှိၣ်အဂၤတဖၣ်လၢ ကျဲဒ်လဲၣ်. အိၣ်ဒၣ်ထဲတမံၤဧိၤလၢယတမၤတံာ်တာ်ဘၣ်သုလၢ တၢ်မၤစၢၤအဂီၢ်န့ၣ်ဘၣ်လီၤ. ဝံသးစူၤပျၢ်ဘၣ်ယတၢ်ကမၣ်လၢယတတီတလိၤမးထဲန့ၣ် အဃိတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 8:15

အဝဲကဟံးန့ၢ်ကွံာ်သုဘုဧိၤဟုဧိၤဒီးစပံးသၣ်တဖၣ်ဆံဆဲၣ်ပူတပူလၢ အနူၢ်ဧိၤစီၤဧိၤအပဒိၣ်ပပှၢ်တဖၣ်ဒီးပဒိၣ်ပပှၢ်အဂၤတဖၣ် အဂီၢ်လီၤ.