လံာ်စီၤနဃ့မယၤ 5:12 - Sgaw Karen Common Bible

¹² ဒီးပှၤခိၣ်ပှၤနၢ်တဖၣ်စံးဆၢဝဲ “ပကမၤဒ်နစံးအသိးလီၤ. ပကဟ့ၣ်က့ၤအတၢ်ဖိတၢ်လံၤဒီးပတပာ်ဖှိၣ်က့ၤအဒ့ၣ်ကမၢ်တဖၣ်လၢၤ န့ၣ်ဘၣ်.” ဒီးယကိးပှၤလုၢ်တၢ်အခိၣ်တဖၣ်ဒီးမၢပှၤခိၣ်ပှၤနၢ်တဖၣ်ဆိၣ်လီၤ အသးလၢအဝဲသ့ၣ်အမဲာ်ညါလၢကပၢၤဃာ်တၢ်အၢၣ်လီၤလၢအဝဲသ့ၣ်မၤ တ့ၢ်ဝဲဒၣ်န့ၣ်လီၤ.

လံာ်စီၤနဃ့မယၤ 5:12 Iomraidhean Croise

လံာ်စီၤဧ့စြၤ 10:12

ပှၤဂီၢ်မုၢ်ကိးသတြီထီၣ်ဒီးစံးဆၢဝဲ, “ပကမၤတၢ်ဒ်နစံးဘၣ် ပှၤတမံၤဂ့ၤတမံၤဂ့ၤလီၤ.”

လံာ်စီၤဧ့စြၤ 10:5

လၢတၢ်န့ၣ်အဃိ, စီၤဧ့စြၤစးထီၣ်မၤဝဲခီဖျိ, ဒုးဆိၣ်ပှၤလုၢ်တၢ်အခိၣ်အပှၤခိၣ်ပှၤနၢ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်အဂၤအတၢ်ဆိၣ်တမံၤလၢအဝဲသ့ၣ် ကမၤတၢ်ဒ်စီၤၡကါနယၤဟ့ၣ်ကူၣ်ဆှၢထီၣ်ဝဲန့ၣ်လီၤ.

လံာ်စီၤနဃ့မယၤ 10:29

ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.

လံာ်စီၤနဃ့မယၤ 10:30

ပတဒိးတ့ဃုာ်ဖျီဃုာ်ပသးဒီးပှၤတခီဘီမုၢ်ဖိလၢအအိၣ်လၢပထံ ကီၢ်အပူၤန့ၣ်ဘၣ်.

လံာ်စီၤနဃ့မယၤ 10:31

ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.

လံာ်စီၤနဃ့မယၤ 13:25

ယသိၣ်ဃီၣ်ပှၤပိာ်ခွါတဖၣ်န့ၣ်ဆါဆါကလဲာ်, ဒီးဆိၣ်အၢအဝဲသ့ၣ်, တီၢ်အဝဲသ့ၣ်ဒီးထဲးကွံာ်အဝဲသ့ၣ်အခိၣ်သူန့ၣ်လီၤ. ဝံၤဒီးယမၢအဝဲသ့ၣ်မၤတၢ်ဆိၣ်တမံၤလၢကစၢ်ယွၤအမံၤအပူၤလၢ အဝဲသ့ၣ်မ့ၢ်ဂ့ၤ, အဖိတဖၣ်မ့ၢ်ဂ့ၤ, တဒိးတ့ဃုာ်ဖျီဃုာ်ကဒီးအသးဒီးပှၤတခီဘီမုၢ်ဖိတဖၣ်ဘၣ်န့ၣ်လီၤ.

လံာ်စီၤနဃ့မယၤ 5:11

တြုာ်ကွံာ်ကယဲၢ်ဒ့ၣ်ကမၣ်ခဲလၢာ်လၢအကဘၣ်ဟ့ၣ်သု, ကျိၣ်ဧိၤစ့ဧိၤမ့ၢ်ဂ့ၤ, ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤသိမ့ၢ်ဂ့ၤန့ၣ်တက့ၢ်. ဒီးဟ့ၣ်ကဒါက့ၤအစံာ် ပျီတဖၣ်, အစပံးလီၢ်တဖၣ်, အသ့ၣ်စၤယံးအလီၢ်တဖၣ်ဒီးအဟံၣ်အဃီခဲကနံၣ်အံၤတက့ၢ်.”

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”