လံာ်စီၤနဃ့မယၤ 5:11 - Sgaw Karen Common Bible

¹¹ တြုာ်ကွံာ်ကယဲၢ်ဒ့ၣ်ကမၣ်ခဲလၢာ်လၢအကဘၣ်ဟ့ၣ်သု, ကျိၣ်ဧိၤစ့ဧိၤမ့ၢ်ဂ့ၤ, ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤသိမ့ၢ်ဂ့ၤန့ၣ်တက့ၢ်. ဒီးဟ့ၣ်ကဒါက့ၤအစံာ် ပျီတဖၣ်, အစပံးလီၢ်တဖၣ်, အသ့ၣ်စၤယံးအလီၢ်တဖၣ်ဒီးအဟံၣ်အဃီခဲကနံၣ်အံၤတက့ၢ်.”

လံာ်စီၤနဃ့မယၤ 5:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:6

လၢအမၤတ့ၢ်တၢ်အၢတၢ်သီဒ်န့ၣ်တမံၤအဃိ, အဝဲကဟ့ၣ်ကဒါက့ၤတၢ်လွံၢ်စးအါထဲသိးတၢ်လၢအဝဲဟံးန့ၢ်တ့ၢ်ဝဲန့ၣ်လီၤ.”

လံာ်စီၤနဃ့မယၤ 5:10

ယပျဲပှၤဂီၢ်မုၢ်လိၢ်ကျိၣ်ဧိၤစ့ဧိၤဒီးဘုဧိၤဟုဧိၤလၢ ယအိၣ်ဒီးလၢယတံၤသကိးတဖၣ်ဒီးပှၤလၢအမၤတၢ်လၢယဂီၢ် တဖၣ်အအိၣ်န့ၣ်လီၤ. ဒီးခဲကနံၣ်အံၤမ်ပကစံးလၢအဝဲသ့ၣ်သုတဟ့ၣ်က့ၤပှၤလၢၤတဂ့ၤ န့ၣ်တက့ၢ်.

လံာ်စီၤနဃ့မယၤ 5:12

ဒီးပှၤခိၣ်ပှၤနၢ်တဖၣ်စံးဆၢဝဲ “ပကမၤဒ်နစံးအသိးလီၤ. ပကဟ့ၣ်က့ၤအတၢ်ဖိတၢ်လံၤဒီးပတပာ်ဖှိၣ်က့ၤအဒ့ၣ်ကမၢ်တဖၣ်လၢၤ န့ၣ်ဘၣ်.” ဒီးယကိးပှၤလုၢ်တၢ်အခိၣ်တဖၣ်ဒီးမၢပှၤခိၣ်ပှၤနၢ်တဖၣ်ဆိၣ်လီၤ အသးလၢအဝဲသ့ၣ်အမဲာ်ညါလၢကပၢၤဃာ်တၢ်အၢၣ်လီၤလၢအဝဲသ့ၣ်မၤ တ့ၢ်ဝဲဒၣ်န့ၣ်လီၤ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်လူၤကၣ် 3:8

မၤတၢ်သ့ၣ်တဖၣ်လၢအကဒုးနဲၣ်ဖျါထီၣ်လၢသုဃၣ်ကွံာ်လံ သုသးလၢတၢ်ဒဲးဘးတဖၣ်န့ၣ်တက့ၢ်. ဒီးတဘၣ်စံးလိာ်သုသး ကဒဲကဒဲလၢစီၤအၤဘြၤဟၣ်မ့ၢ်သုပၢ်ဖးဒိၣ်လၢသုဟဲလီၤစၢၤ လၢအီၤတဂၤန့ၣ်တဂ့ၤ. ယစံးဘၣ်သုလၢကစၢ်ယွၤဟံးန့ၢ်လၢၢ် တဖၣ်အံၤဒီးဒုးကဲထီၣ်ဝဲစၢၤသွဲၣ်တဖၣ်လၢစီၤအၤဘြၤဟၣ် အဂီၢ်န့ၣ်သ့ဝဲလီၤ.

လံာ်သိၣ်လီၤသီလီၤတၢ် 6:11

ဟံၣ်တဖၣ်ကပှဲၤဝဲဒီးတၢ်အပီးအလီအဂ့ၤတဖၣ်လၢသုတဒၢနုာ်တ့ၢ် အီၤဘၣ်, ဒီးထံပူၤတဖၣ်လၢသုတခူၣ်လီၤဘၣ်အီၤန့ၣ်ကအိၣ်ဝဲ, ဒီးစပံးလီၢ်တဖၣ်, သ့ၣ်စၤယံးအတၤသၣ်လီၢ်တဖၣ်, လၢသုတသူၣ်လီၤဘၣ်အီၤန့ၣ်လီၤ. ဖဲယွၤဆှၢသုဆူကီၢ်အံၤအ ပူၤ, ဒီးသုအိၣ်ဒီးကယဲၢ်တၢ်လၢသုအဲၣ်ဒိးအီၣ်အီၤန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 12:3

ကွၢ်ကွၢ်, ယၤလီၤ. ယမ့ၢ်မၤတ့ၢ်တၢ်ကမၣ်တမံၤမံၤဒီး, ဆှိးထီၣ်ယၤခဲအံၤလၢယွၤဒီးစီၤပၤလၢအဝဲဃုထီၣ်အီၤအမဲာ် ညါတက့ၢ်. မ့ၢ်ယဟံးန့ၣ်ပှၤတဂၤဂၤအဂီၤဖံးမိၢ်ဒီးပှၤတဂၤဂၤအကသ့ၣ်ယီၤဧါ. မ့ၢ်ယလီတၢ်ဒီးမၤနးမၤဖှီၣ်ပှၤတဂၤဂၤဧါ. မ့ၢ်ယတူၢ်လိာ်ခိၣ်ဖးလာ်ဆှိးလၢပှၤတဂၤဂၤအအိၣ်ဧါ. ယမ့ၢ်မၤတ့ၢ်တၢ်တမံၤမံၤလၢတၢ်တဖၣ်အံၤအကျါန့ၣ်ယကလိးက့ၤတၢ် လၢယဟံးန့ၢ်တ့ၢ်အီၤန့ၣ်လီၤ.”