လံာ်စီၤနဃ့မယၤ 5:1 - Sgaw Karen Common Bible

¹ ဒီးတစိၢ်ဖိဝံၤအလီၢ်ခံပှၤအါဂၤ, ပှၤပိာ်ခွါဒီးပှၤပိာ်မုၣ် တဖၣ်စးထီၣ်ပာ်ဒ့ၣ်ပာ်ကမၣ်ပှၤယူဒၤဖိကဒဲကဒဲန့ၣ်လီၤ.

လံာ်စီၤနဃ့မယၤ 5:1 Iomraidhean Croise

လံာ်စီၤနဃ့မယၤ 4:23

ဒီးယၤမ့ၢ်ဂ့ၤ, ယတံၤသကိးသ့ၣ်တဖၣ်မ့ၢ်ဂ့ၤ, ယခ့ယပှၤတဖၣ်မ့ၢ်ဂ့ၤ, ပှၤကွၢ်ထွဲယၤမ့ၢ်ဂ့ၤလၢမုၢ်နၤအကတီၢ်ဒၣ်လဲာ်ပတဘ့ၣ်လီၤပကူ ပသိးဘၣ်. ဒီးပဝဲခဲလၢာ်ပဟံးဃာ်ပစုကဝဲၤလၢပစုပူၤန့ၣ်လီၤ.

လံာ်စီၤယိၤဘး 34:28

အဝဲသ့ၣ်မၤဆူၣ်ပှၤဖှီၣ်ဖိယာ်ဖိသ့ၣ်တဖၣ်တုၤအကိးထီၣ်ကစၢ်ယွၤ ဒီးအဝဲနၢ်ဟူပှၤဖှီၣ်ဖိယာ်ဖိတဖၣ်အတၢ်ကိးထီၣ်လၢတၢ်မၤစၢၤ အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယံးရမံယၤ 34:8

စီၤပၤစံးဒကံယၤဒီး ဝ့ၢ်ရူၤၡလ့ၣ်အပှၤဂီၢ် မုၢ်မၤတ့ၢ်တၢ်အၢၣ်လီၤအီလီၤတမံၤလၢ ကပျၢ်ပူၤဖျဲး

လံာ်ယဃ့းစက့လး 45:9

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “သုဝဲကီၢ်အံၣ်စရ့လးအပှၤပၢတၢ်သ့ၣ်ဧၢ, သုမၤတ့ၢ်တၢ်ဒဲးဘး ယံာ်တ့ၢ်မးလံ. ဆိကတီၢ်သုတၢ်မၤဆူၣ်မၤစိးဒီး တၢ်မၤနးမၤဖှီၣ်န့ၣ်တက့ၢ်. မၤတၢ်လၢအဘၣ်ဒီးအမ့ၢ်အ တီန့ၣ်တက့ၢ်. သုတဘၣ်နီၣ်ဟးထီၣ်ကွံာ်လၢၤယပှၤဂီၢ်မုၢ် လၢအကီၢ်ပူၤနီတဘျီဘၣ်. ယၤ, ယွၤပၢဘၣ်တၢ်ခဲလၢာ် ကစၢ်တဲဘၣ်သုတၢ်အံၤန့ၣ်လီၤ.

လံာ်မၤလကံ 2:13

အအံၤမ့ၢ်တၢ်အဂၤတမံၤလၢသုမၤန့ၣ်လီၤ. သုမၤလီၤဘျၢကွံာ်ယွၤအတၢ်လုၢ်လီၢ်လၢမဲာ်ထံမဲာ်နိ, တၢ်ဟီၣ်တၢ်ယၢၤဒီးတၢ်ကအုကစွါမ့ၢ်လၢအတတူၢ်လိာ်လၢၤဘၣ်တၢ်လုၢ် တဖၣ်လၢသုဟဲစိာ်ဆူအအိၣ်အဃိလီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

မၤတၢ် 7:26

လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.